جان ولد ويانه بالكلية اسمه محمد امورة كلش صعبة وحالته المادية جدا تعبانه وجان اي شغله يشتغل يعني اني جنت هواي اشوفه بأماكن مرة جنت اشوفه على بسطية جاي مرة عربانة يدفع مرة عمالة وخطية هو يضم نفسه من يشوفني واني اسوي روحي ماشوفة لان اخاف يتحسس من الموضوع المهم اغلب اوقاته جان يجي متاخر للدوام ومرات يلحك ومرات مايلحك عالمحاضره اذكر موقف جان كاعد بالستول اباوع لرجليه جواريبه نازلات لجوة فالتات التجة مالتهن على كد ماقديمات المهم بهاي الاثناء اجه رئيس القسم يطالب بالقسط وهو جان متاخر بالدفع فصاحو اسمه كاله فلان ليش مادافع كالة والله دكتور بهاي الايام كاله مابيها مجال انت متأخر هواي فما مسموح الك اتفضل اطلع من القاعة احنة من شفنة الموقف قررنه نجمع عالطلاب الي يكدر ينطي والي ميكدر براحته وفعلا جانو متعاطفين وجمعنة تقريبا 3ارباع المبلغ وبقالة شي بسيط يخلي فوكهن ف اكو ولد يندل مكانه حطهن بضرف وراحله للبيت حتى ينطي ويرجع يداوم ثاني يوم اجه الولد ومرجع المبلغ وكال يكول ما اكدر استلم هالمبلغ اني قررت اترك طبعا كلنه تأثرنه عليه لان ولد حباب وماعندة اذية المهم راحت السالفة والولد مانعرف وين اخبارة بس حسب ولد يعرفة يسولف عن اخبارة يكول راح لغير محافظة حتى يشتغل يجمع المبلغ والسنة التجي يرجع وفعلا والولد يشتغل نهار وليل رجع الولد احنه عابرينه بمرحلة وهو عاد المرحلة وسدد القسط بهاي الاثناء اني تقربت كصديقة اله حسيت محد اله وحتى اصدقاء ماعندة وبديت اساعدة واشتري الملازم واكله هاي نفسها من العام عندي واني جذب شكو ملزمة تنزل اروح اشتريها واخليها عندي ومن يريدها اطلعها واكله هاي المادة قوت علاقتنة كاصدقاء وبده يحجيلي عن حياتة وشلون عايش بالرغم هو ميقبل بس اني ضغطت عليه تمنيت اعرف شياكل شيشرب شلون مكضي حياته وفعلا طلع رجال كد المسؤولة بس الوكت مو زين وياه وهو شاب شاغول مايهتم لا تعب ولاكلشي ماكو شغلة مانشتغلها مرات اشوف ايده مجرحة لمن سألته كال لا هاي هيج بالبيت كتله اني ماعرفك تجذب عليه احجيلي جان يكلي اصعد مواد ثقيلة بحبل وعدة مرات تزلك من ايدي فتجرح كتله شكد ينطون للعمال كالي حسب مرة 20مرة 25الف حسب الشغل حسبتهن اذا يشتغل اسبوع كامل يحصل 175الف ثاني يوم خليتهن بالملزمة اله رجع ثاني يوم عيونة بكصته كالي اني من حجيتلج ماريد تصدقين علية انتي صديقتي مو من احجيلج اريد اكير خاطرج عليه زعل مني وراح وره يومين رحت عليه اعتذرت منه المهم تصالحنة وبعد ماجيب طاري الفلوس لان يضوج مشت الامور بينة ويوم عن يوم اعجابي يزيد بي اكثر واغلب الاحيان اجيب طاري الحب يتهرب منه اخر شي كتلة انت شنو ماعندك حب بحياتك جان يكلي اي احب وحدة وراح نتزوج اني صفنت كتله صدك تحجي من شوكت كالي من زمان كتله ها الله يهنيكم اني رايحة كمت جان يلزمني من ايدي ويضحك كلي شعجب تسالين وانتي تعرفين كلشي عني كتله اصلا شعليه اني جان يضحك كلي شبيج بابا اني وين والحب وين الحب مو من حقي الحب لليدة ناعمه ماكلها الجص ولا الاسمنت للعندة بيت مو المأجر يركض وراه الناس تحط راسها عالمخدة تفكر شكد تجيب فلوس بكد العدها اني افكر شلون راح اجيب مصرف لاهلي وشلون اجمع الايجار وياعذر اطلعه اله واقنعه بي هذا اني ..كتله اسفه بس هيج فضول من عندي كالي عادي من حقج بزمن كلها محد وياي انتي ماعايفتني مامجبوره تكعدين وياي عندج اصدقاء نفس طبقتج اني بعيد عنكم كتله لاتحجي هيج اني متهمني المظاهر اهم شي يكون رجال كالي يعني شنو قصدج كتله يعني اني تهمني حياتك اريد اصير اقرب الك مختصر مفيد اني احبك كالي صدك تحجين لا لا رجاءا احنه بحدود الصداقة كتله ليش ماعجبك ؟ كال لاوالله اتمنى بس اني ماكدر اصيرلج مثل ماتردين مو من مستواج انتي مستواج دكتور طبيب اسنان شجابني عليج كتله واذا اكلك مالكيت من كل الناس وماكو دخل كلبي وترس عيوني غيرك كلي مادري شكلج كتله لتكول المهم نخليها على الله وكلشي بوقته المهم استمر حبنة وره اسبوع اختفى يوم ثاني يوم هم ماكو زين استحي اسال عليه رحت على بيتهم دكيت الباب طلع مرة كتلها مرحبا. محمد موجودكالتلي اي منو انتي كتلها زميلته كالت لحظة بس بوقتها كلت بكلبي اريد صدك ارزله شنو مايسال المهم رجعت كالتلي تفضلي جوه كاعد كلت بكلبي لا هذا فد مره مصخها ليش ميجيني فدخلت كالتلي منا بالاستقبال دخلت لكيته مدد ومايتحرك لا منا ولا منا شهكت كتله هاي شبيك جان امه تكلي وكع من السلة ونكسرت الفقرات ضل بس يحجي لايكدر يحرك ولا كلشي شلل رباعي اول مادخلت احتار وين يودي وجهه ونزلت دمعته اجيت يمة كتله محمد وماعرف شكول بس ابجي كتله حبيبي كام يبجي اكثر مسحت دموعه كالي تذكرين من كتلج الحب مو النه والله موالنه كتله اسكت لتحجي شي ضليت احجي وياه وكتله اسفرك وين متريد بس ترجع سالم اليه قررت اسفرة يتعالج اخذت التقارير وافتر عالاطباء وكلهم نفس الحجي ماله جارة وكل طبيب يكلي افقدي الامل احسة يدجني بكلبي ضليت شهر افتر واجيب علاجات وهم مافاد وتكلفت من الجامعة اجيبلة محاظرات بس اني جنت اشرحلة هو صافن بغير شي اخر شي كلي بعد لاتجين اصلا دراسة ماريد وتعبج مابي فايدة وياريت تعوفيني وتشوفين حياتج اني بعد مابيه كل عافية محمد الي جنتي تحبينه انتهى بهل الحجي اني ابجي وهو يبجي واني اكله لا اسكت ماروح عنك انت راح تتعالج وبكلبي اكول يارب تصير معجزة ويكوم واحضنه تعبتني شوفته وهو نايم رحت من عنده ودموعي مانشفت وره ايام اجيت امه تكول محمد يكول ماريد احد يدخل عليه ضليت ابجي وهي تبجي تكلي ينهار اذا يشوفج خليت ومشيت واني اسبوع بلاوعي اخر شي تخرجت واجه خطبني ابن صديق والدي رحتله كتلها بس اشوفه كتله هيج وهيج كوم انت اخطبني واني اوافق والله واعتني بيك العمر كله .. كال تحبني كتله اكثر من روحي كالي بداعتي روحي عندي وافقي والله ارتاح من اشوفج متهنايه كتله ليش هيج تعوفني كالي ماريد اضلمج وياي واتعذب من اشوفج هيج وافقي احلف بمعزتي عندج رحت وره اسبوع وافقت وصار زواجي واني كل تفكيرري يم محمد مر شهر ونص احتركت بداخلي اريد بس اشوفه رحت لبيتهم دكيت الباب امه طلعتلي كامت تبجي كتلها شكو خاله جان تكلي محمد عافج وعافني اني كعدت بالكاع وضليت الطم وادك واصيح يايمه انهاريت كلشي ماعرف شسوي لمن فقدت طببتني جوه غسلت وجهي وصحيت ركضت لمكانه لكيته فارغ بجيت حد ماصوتي راح ورجعت لبيتي ... محمد عاش حياته بتعب يمكن ارتاح من مات بس اخذ عافيتي وراح
ان شاء الله تعجبكم ❤️❤️ أحمد
