كعدو جيرانه مقابل بيتنه هم مرتبين كلش وواصلين بالدراسة هم عائلة عددهم 3بنات وثنين ولد البنات اعداديه ووحده جامعة والولد ابتدائية واحد جامعة بعدين عرفت هو مرحلة اخيرة احنه عادتنه الي يجي جديد نسويله نزله نوديلهم اكل راحت امي كالت لام البيت لاتسون غده غداكم علينه تشكروها امي راحت جابت المسواك وسوينه اكل الهم مرتب عاد صار بينه سلام صارت امهم تاخذ اي شي من البيت واحنه هم المهم علاقتنه قويه صارت المهم اني عمري 24سنة تركت الدراسة بالاول متوسط وضليت اساعد امي هواي يجن نسوان يخطبن بس سبحان الله ماعرف شلون تخرب ومتصير مع العلم اني ماقاصرة الحمدلله حلوه وام بيت والله من امي ماموجودة البيت كله افره طبخ تنظيف خبز كلشي بس هي قسمه ماكو واني مو النوع الي تتعرف وتعشك شويه استحي من هالشي واخاف ولا اعرف اصلا بهيج سوالف فما مخلية بحياتي اي شي وما انكر جنت اتمنى انخطب واتزوج بس بعد يم الله بس اني مؤمنه واسوي تسبيحات والله ميقصر انشالله ... مرات اني اضوج عدنه فتحه بالباب اضل اباوع طبعا من ماكو ابوي لان اذا شافني ميقبل فاباوع منها الي. يروح ويرجع اني اشوف بس هم مايشوفوني بصراحه جانت هاي متعتي لدرجة جنت اضل ساعات كاعده اباوع ههههه فشفت ولد جان لازم كتب ولابس قميص ابيض الولد مرتب كلش وانيق مبين يدرس بعدين طب بيت جيرانه الجدد عرفت هذا ابنهم الجبير زيد ،، زيد سبحانك ربي كلش حلو ومحبوب رجعت لامي كتلها يمه هم جيرانه ابنهم يدرس وين كلتلي ليش وين شفتي كتله لا شفته من الباب جان كالتلي قانون مرحله رابعة عرفت هو مرحلة رابعة وقانون ضليت كل يوم اشوفه من يطلع ومن يرجع وكلش تعلقت واهتميت بامره ماعرف ليش وصار تفكيري بي من كامت اخته تجي يمنه كمت اسالها عليه بحجه اتعرف عليهم وتقريبا عرفت عنه هواي اشياء شيحب شيكره ومن كد اسألتيحتى اخته شكت بيه بس غلست كمت اكللها خاف يجي اخوج يلكه الغدا جاهز خاف ماتلحكون اطبخون لان هم عائلة ماشاء الله موظفين ودوامات عدهم لذلك هي مرات تجي تاخذ خبز اي فكتلها تعاي اذا اجه اخوج اخذي غداه هي ضحكت جان تكول بس زيودي واخوات زيودي كتلها كلكم بعيوني المهم فد مره اخذت اكل ورجعت الصينيه كالتلي اخوي يكول عاشت ايدها كلش طيب يايمه شكد فرحت من هيج كال نوب اني ردت بس يشوفني اي شي يحجي فمن اجه من الدوام فتحت الباب شويه ضل يباوع هو ضحك اني قفلت الباب بيومها كلبي راد يطلع من حلكي هههه ضليت على هالحالة ردت بس يلمح اي شي يسوي وهو ماكو بس يشوفني يضحك واني مو جريئة ماعرف شسوي لمن خلص دوامه وهو كلشي مابادر حتى سلام مايسلم وبيوم من الايام سمعت هوسه يم بيتهم باوعت من الفتحه شفت شيوخ وافنديه ويسالمون هاي شنو خطبة عدهم هسه غير تجي اخته واعرف منها شنو ديصير ضليت احوص نوب ركضت لامي كتلها شيوخ وافنديه ببيت ابوزيد معقوله خطبه وماكالو النه امي وره ساعة راحت الهم شويه ورجعت كتلها شنو الموضوع جان تكول شعلينه احنه كتلها يمه شكو جان تكلي ابنهم خطبوله وحده وياه بالجامعه امي جانت حاسه بيه لان ضاجت عليه المهم اني ماعرف شصار بيه لا اعرف اكول ولا احجي شي اختنكت ورحت صعدت لغرفتي كعدت خليت المخدة بحلكي وكمت ابجي سكته ودموعي تكت وماطلعت من غرفتي لثاني يوم الصبح لمن امي صاحتلي نزلت حالي غير حتى امي حست بيه بس ماحجت ولا كالت ليش لان تعرف بيه اقل حجايه اطكها بجيه فغلست عني ماطولو اسبوع اجت امه جان تعزمنه عالحنه مالته اني كوه صبرت على نفسي راحت امي العصر وياهم اني مرحت كالتلي كتلها لايمه راسي ومالي خلك هي راحت منا اني صعدت كمت ابجي ويزيدني اكثر من اسمع الاغاني والهلاهل خلصت الحنه وصار ثاني يوم العرس وحالتي صارت اسوء امي راحت للعرس وبقيت اني شويه واندكت الباب فتحته طلعت اخته كالتلي شلونج شو لاحنه ولاعرس كتلها شويه مريضه جان تشيل راسي كالتلي جنه نتمنى انتي تصيرين جنتنه بس والله موبيدنه هاي وياه اربع سنوات وعن حب وكلنه منريدها واجت على عينه فدوة لتزعلين والله ماكو بمعزتج اني ماتحملت طكيتها بجيه جان تحضني وبوستني وراحت بس شيفيد كلبي نار محد يحس الي احسه وضلت عيني عليه وابجي بحياتي ماحسيت اله احسه مر ايام واشهر واني اباوع من يطلعون سوة ومرة شفت صايره مشكله وهو عصبي ويصيح وصعدو بالسياره مرت سنه ونص على زواجهم فد مرة كاعدة اكنس الطرمه وسمعنه صياح باوعت صاير عركه ثنين ولد ومره جبيره ركضت لامي كتلها اركضي ابوزيد مدري شبيهم طلعت امي كبت العيطه طلعو اخوة زوجته وامهم متعاركين وي زيد وشويه شفتهم سحلو بتهم وصعدت بالسياره رجعت اني سولفتلي عالاساس متعاركين ام زيد ومرته غالطه على امه ولازمها مكسرها ومخابرة اخوتها وضربو زيد وصايره مشكله وره ايام اجتني اخته ضلت تسولف كتلها هاي المشكله شكو عاد سولفتلي نفس امي وكالتلي وره يوم طلكها وبعنادها راح يتزوج بس منتظرين شهرين خاف حمل .. مو شماته بس مادري ليش حسيت اكو امل يخطبني بعد ماكالتلي اخته اهلي يحبوج المهم راحت الايام والاشهر اجتنه ام زيد طبت ضلت تسولف وي امي اني اتصنت وره الباب جان تكلها شنو تكولين رايده بنتج لزيودي اني هيج سمعت بجيت من الفرح امي كالتلها خل اشوف ابوها وهي شتكول. ونردلكم خبر المهم حصلت الموافقه وتقدملي ومشو علينه وصار زواجنه والبيت كله ارتاحلي وشكو سالفه صارت سولفتها اله وهو مات من الضحك عليه نوب تعاركت وياه ليش ماخطبني ههههه الحمدلله الي الك يصير الك والمو الك لوتحط روحك بيه وهو من نصيبي جان فديته هههه
☺️😊 ان شاء الله تعجبكم القصه
اخوكم ❤️Ahmed Al-Babli
