إسكريبتات وقصص قصيرة

اسكريبت رقم 8

• اي دا ازغرط يا ناس بنتي بتغسل المواعين

_ بُصي يعني اغسل تتريقي ما اغسلش تتريقي

• كملي يا اختي كملي وبعدين هو انتي بتتعلمي شغل البيت ليا دا انتي بتتعلمي عشان لما تتجوزي تفلحي ف شغل البيت

_ مين قالك اني هعمل حاجه لما اتجوز

• مش هتعملي حاجه!!!! .. اومال هتسيبي الدنيا تضرب تقلب

_ ماما حبيبتي انا هجيب شغاله

• هههههه قال شغاله قال ودا مين دا الي هيرضي يدخل شغاله بيتو

_ انا هسأل العريس قبل ما اتجوز لو وافق يبقي تمام ع بركه الله لو موافقش بقي يبقي بالسلامه والقلب داعيله💁🏻

• يا بت انتي مسطوله والله بكلامك الاهبل ده ما هتتجوزي

_ ومالو يا ماما .. انا هشتغل وهجيب شقه واستقل بنفسي لوحدي بلا جواز بلا قرف💆🏻

• مش هتشتاقي للامومه؟!!!

_ هتبني💁🏻

• طب غوري من وشي دلوقت بدل ما اديكي بالشبشب .. انا هكلم ابوكي يشوفلي صِرفه معاكي

_ اهدي بس يا نبع الحنان.. انتي مريضه ضغط برضو والعصبيه غلط عليكي

• كويس انك عارفه اني مريضه يا هاجر

_ ايوه يا روح جلبي ما تجيبي بوسه بقي وانتي متعصبه و قماريه كده

قلعت الشبشب• طب غوري يا بنت الجزمه بدل ما ايدي تصقف بالشبشب ع وشك😡

خرجت وشي بس من باب الاوضه  الي جريت عليها _ يا نبع الحنان كام مره قولتلك ماتشتميش نفسك!

طبعاً بعد الموقف ده اديتي علقه مُعتبره الحمدلله بس هي امي وانا مقدرش ازعلها برضو .. ده ربنا وصانا ببر الوالدين.. بس يعني انا مدخلتهاش دار مسنين دا انا فكيت معاها بكلمتين🙄

• بت يا هاجر

_ نعم يا حَـجـه

• يسمع منك ربنا يا حبيبتي

لأ كده ف حاجه غلط حبيبتي دي مبتقاليش غير كل عشرين سنه مره

_ كنتي عايزه حاجه يا ماما؟

• ايوه يا عين امك .. جالك عريس

قلبت عنيا بملل وقولتلها _ خليه يجي عشان ارفــضـ.. قصدي  عشان اشوفه

• طيب يا حبيبتي هو جايلنا بكره بليل هو واهله

حبيبتي اتقالت مرتين الموضوع كده فيه انــَ المهم مفكرتش ف الموضوع كتير واتخمدت صحيت ع زعيق نبع الحنان

• اصحي ياللي تنشكي ف قلبك

_ ف اي يا ماما بس

• قومي يا مقصوفه الرقبه الناس ع وصول

_ ناس مين .. اه اه افتكرت طب تمام خمس دقايق وهبقي جاهزه حاضر🤦

قومت ولبست فستان روز طويل ضيق من فوق ونازل  بإتساع ولبست طرحه سودا وصندل اسود وخرجت ودخلت اوضه الضيوف

_ يوسف😳

انا شوفت يوسف من هنا وعيوني قعدت تطلع قلوب  وفضلت متنحه فيه ماما خبطتني ف كتفي اتعدلت والحج ابويا دخل وقعدنا كلنا

- بُص يا عمي من غير مقدمات انا اسمي يوسف بشتغل مهندس و عايز هاجر

بابا برق وقال لللطخ الي قاعد قدامنا ده ٭ افندم!!!!!!

- احم اسف يا عمي اصلي اول مره اتقدم

٭ مفيش مشكله اتفضل كمل

- نبدء من الاول انا عايز اتقدم لغريمتكم الانسه هاجر

٭ غريمتنا!!!!!!!

- كريمتكم  انا اسف

٭ انتي اي رأيك يا هاجر

- انا موافقه جدا يا بابا

• لأ انا عندي اعتراض انا بنتي مقرره متتجوزش غير بشغاله

- شغاله!

• اه

- بس انا مبحبش حد غريب يدخل بيتي⁦🤷🏻‍♂️⁩

_ موافقه والله يا يوسف ع اي حاجه تقولها💁

• بس....

_ يا ماماااااااا اسكتي بقي سبيني اتنيل اتجوز الواد الي بحبه

٭ بنتتت

_ بلا بنت بلا زفت انت كمان انا بحببب يوسسسسسسف

_______________________

#جني_حجازي⁦