إسكريبتات وقصص قصيرة

اسكريبت رقم 5

_اععععععع .. عبد الله يا عبدالله

جه وهو بيجري*
= اي يا حبيبتي مالك ؟

قولتله وانا بشاور ع باب الشقه المفتوح
_قطه عبدالله قطهههههه

= نعمممممممم

_ نعم الله عليك يا حبيبي بقولك ف قطه يا عبدالله

= انا عارف يا ايـة انك بتخافي من القطط من قبل ما نتجوز لكن مش لدرجه ان كل يوم تصحيني عشان شوفتي قطه وانتي بترمي الزباله !! .. انا ذنب اهلي اي !

_ هو انت مش جوزي يا عبدالله؟

= للأسف:"

_ طب هحاسبك ع للاسف دي بعدين .. دلوقتي هشلي القطه

= حاضر:"

لقيته مسك مقشه وراح ناحيه القطه الصغيره وهشها بالمقشه ناحيه السلم وعشان هي صغيره وقعت من ع السلم وقعه جامده عشان معرفتش تمشي ف ماتت .. انا اتخضيت جداً وهو اتصدم انها ماتت!!

قولتله وانا برتجف
_ هـ هـي ماتت

قالي بعصبيه متوقعتهاش
= ايوه ماتت يا ست ايـة علشان حضرتك ترتحاي قتلت روح بريئه كل ذنبها ان حضرتك بتخافي منها

مشي وسابني ! .. هو اتعصب كده ليه .. انا عارفهانو كده شال ذنبها بس مكنش المفروض يزعقلي برضو .. ذنبي اي اني بخاف منها ؟؟ .. نزل شغله من غير ما يكلمني ورجع من غير ما يكلمني ودخل ينام من غير ما يكلمني ! 

_بودي

= عايزه اي!

_ ارجع حِبني تاني:"

حسيته بيكتم ضحكته الحيوان عايز يبين نفسه انو زعلان
= انا عايز اتخمد اخرجي بره

_ طب مش هتاكل؟

= مش هتزفت

_ طب انا خايفففه

اتعدل لما حس بإني خايفه بجد وقالي
= من اي

_ من القطه

= هي مش ماتت

_ ايوه

=اومال خايفه من اي!

_ من روحها:"

= انتي كان ليكي خال اهبل يا حبيبتي؟

_ يووه يا عبد الله متتريقش عليا .. انا بتكلم بجد

= يا حبيبتي ما هو ده مش كلام عاقلين!!

_ هو مش انت جوزي؟

= والله العظيم جوزك ورب الكعبه جوزك

_ طيب انا مشاعر الخوف الي جوايا حضرت دلوقت ومرعوبه فا متنامش لاني خايفه:"

= يا حلاوه:)

_ ما تيجي نلعب لعبه حجره ورقه مقص لحد ما يجيلي نوم ومشاعري تهدا شويه

= انتي بتقولي اي يا حبيبتي!!! .. دي قطه وماتت وروحها صعدت للي خالقها

_ لا روحها عايزه تنتقم مني عشان انا سبب موتها .. ويُتم عيالها المقطقطين

=...

_ مش هنلعب ولا اي؟

=..

_ انت مبتردش ليه:"

=..

_ رُد وصحصح ارجوك عشان روح القطه متستغلش سكونك وتموتني:((((

___________________________
#جني_حجازي
رأيكم مهم ⁦♥️⁩