_ ياسمين
قولتله بعصبيه •عايز اي !
ابتسملي ابتسامته السمجه الي بكرهها وقالي
_ بحبك
•وانا مبكرهش حد قدك ..
_ ليه كده بس يا حبيبتي !!
• حبك برص يا شيخ .. كمان بتسأل بكل بجاحه ومش عارف عملت اي !
_ مالك بس يا حبيبتي ؟
• برضو هيقولي حبيبتي ..انا مش حبيبه حد ..
_ لا انتي مراتي وحبيبتي وحياتي وكل حاجه حلوه ف دنيتي
•مش هضعف زي كل مره لااا
حسيته بيكتم ضحكته الحيوان بعد كل الي عمله بيضحك البيه !
_ طب ممكن تقوليلي انا عملت اي ؟
• والله !! .. انت بجد مش عارف يا كريم ؟
_ لا ورحمه امي ما عارف .. ممكن تقوليلي ده لو تكرمتي يعني انتي مقموصه مني ليه يا مصيبه حياتي ؟
• بقي انا يا كريم مصيبه حياتك !!
_ احلي واجمل مصيبه دخلت حياتي ..
لسه كنت هبتسمله زي الحيوانه دلوقت اهو وكنت هضعف تاني قدام كلامه هو اصلاً مش فالح ف حاجه غير الكلام ... بس لااا لازم يحس بمدي غلطته المره دي ما انا مش رجل كرسي ف البيت ده !
_ ياسمين .. روحتي فين ؟
• متنطقش اسمي ع لسانك القذر يا خاين يا غشاش
لقيته بيضحك جامد فجأه وبيقولي
_ خاين وغشاش الاتنين مع بعض عملتها ازاي دي؟
• كمان بتسألني حضرتك يا بيه قاعد بتتمرقع ف الشركه مع السكرتيره وانا الي فاكراك بتشتغل وبتتعب اتاريك مقاضيها وانا قاعده هنا مع العيال مفحوته معاهم اكل وشرب ووو....
_ بس بس اي ده كله اهدي .. سكرتيره اي الي بتتكلمي عنها ومرقعه اي !
• هو في غيرها ست علياء خطافه الرجاله .. حظك الاسود اني لما جيتلك النهارده شوفتها وهي ف حضنك والا مكنتش هعرف بخيانتك آآه ع بختي المايل
فضل يضحك ابو عين زايغه ده الخاين
• بتضحك انت بتضحك !!! .. اقولك الستات بيعملوا اي ف الرجاله الخاينه ؟
_ بيعملوا اي ؟ ..ابهريني
• بيطلقوا منهم بس انا علشان عاقله وراسيه مش هعمل ده لاا انا هحطلك مخدر ف القهوه الي بعملهالك وبتطفحها كل يوم .. بعد ما تنام من المخدر هجيب اكبر سكينه ف المطبع وبعدين اقطعك حتت صغيره واحط كل حته ف كيس اسود لوحدها و بعد ما اخلص هجمع الاكياس الي فيها اعضائك وارميهم ف النيل
ابتسمت بعد ما خلصت كلام ع تفكيري السليم لقيته بيقولي بإستفزاز
_ وليه يا ياسو تلوثي مايه النيل الي بيشرب منها ملايين شوفي طريقه تانيه تتخلصي بيها من الاكياس السودا
• انت صح اي ذنب الناس دي كلها تشرب مايه فيها دمك الخاين ده انا هبيع اعضائك واكسب من وراهم كام مليون اهو كده بقالك نفعه ميبقاش وانت عايش و و انت ميت ملكش لازمه
_ قوليلي انك بتهزري !
• انا بتكلم جد ..
_ طب انا هنسي الهري الي انتي قولتيه ده وعايز افكرك بحاجه هي عليا دي تقربلي اي ؟
قولتله وانا بجز ع سناني
• خطافه الرجاله دي تبقي بنت عمك
_ نسيتي اهم حاجه
رفعت حاجبي بإستغراب ورديت عليه
• نسيت اي !
_ انها اختي ف الرضاعه يا غبيه يجوز اني احضنها
• ولو يا كريم انت بتخوني لاا مش مبرر ده
_ بقولك اختي يا ياسمين بخونك مع اختي .. انتي هبله يا ماما !
• كريم انا بغير عليك وانت عارف كده .. لو انت بتحبني صحيح بلاش تتكلم كتير مع البت المايعه دي :"
_ طب حاضر كل الي انتي عايزاه هيحصل .. هاا عفيتي عني ولا هنام النهارده كمان ف اوضه العيال
• لا خلاص سامحتك بس دي اخر مره .. احضرلك العشا ؟
_ لا اتعشيت ف الشركه
• ايوه اكيد اتعشيت مع الهانم
_هانم مين !
• عليا هو فيه غيرها يا خاين انت وهي
_ يا شيخه الله ياخدني انا وهي علشاننن ترتاحييييي
لقيته قام وخد جاكت البدله وخرج من الاوضه
• كريم انت خارج رايح ع فين .. يا كريمممممم
_ كريم رايح ف داهيه
• رايح ف داهيه ولا رايح للهانم !!
_ ...........................
• يا كريم لما اكون بنكد عليك متسبنيش وتمشي
_ ...........................
• كريييييييييييييم
_ ...........................
#چني_حجازي
رأيكم مهم ❤️
أنت تقرأ
إسكريبتات وقصص قصيرة
Historia Corta_ يا بنت الناس استهدي بالله وقوليلي اسباب رفضك = انا رفضاك يا مالك مش عايزه اتجوزك انا حره يا اخي _ طب ليه ؟؟ .. ده احنا حب سبع سنين ! = انت كنت برا مصر ف بالتالي كان كلامنا ع السوشيال :" _ طب اي المشكله ف كده !! = المشكله اني مكناش بنشوف بعض .. فا...
