إسكريبتات وقصص قصيرة

اسكريبت رقم 6

كنت قاعده ف اوضتي بفطر لقيت فوني بيرن ومكتوب"Ahmed" رديت وانا باكل عادي هو متعود

_ اي يا احمد ف حاجه ولا اي؟

• لا يا حبيبتي اتصلت علشان اشوفك بتعملي اي

_ انا بفطر

• بتفطري اي ده الساعه 6 بالليل!!

_ اصلي لسه صاحيه .. وبما اني صحيت متأخر جبت صنيه المكرونه وصنيه فراخ وقعدت افطر

• تفطري صنيه مكرونه!!!!!

_ ايوه والله يا احمد كنت ناويه افطر حله محشي .. بس لقيتني صحيت متأخر فا قولت اكل خفيف عشان انام خفيفه

• انتي كده هتنامي خفيفه!!!! .. ثانيه كده هو انتي كام كيلو يا علياء؟

قولتله والاكل ف بوقي
_79

• الله اكبر .. ده ع كده عقبال ما نتجوز هتعدي الميه!

_ اكيد لا يا احمد انا حالياً بعمل دايت

• اي ده هو انتي كده بتعملي دايت!!!!!

_ ايوه يا حبيبي

•يا شيخه حبك برص.. ده انا كل ما اتصل بيكي واسألك بتعملي اي تقوليلي "باكل" طب هتعملي اي باقي اليوم"هاكل" ... طب ناويه تعملي اي بكره "هاكل تاني" .. ده انتي قرفتي الي جابوني ف عيشتهم والله

_ بقي كل ده ف قلبك مني .. انا مش عارفه علاقتي مع الاكل مضايقاك ف اي؟

• مضايقني ف ايي!!!.. يا بت ده انا لما بخرجك واسألك نفسك تروحي فين تقولي انا نفسي اروح اكل ف كل مطاعم القاهره!! ..ولما قولتلك اكتب روايتي الجايه عن اي قولتيلي عن الاكل !!!!!!

_ ما هو انا بحب الاكل جداً يا احمد .. افهمني يا اخي

بدأت اعيط
_ اه قول بقي انك مش عايزني اتخن علشان مش عايز تتجوز واحده تخينه صح اهئ اهئ

• يا حبيبتي والله مش كده اهدي بس .. انا جايلك دلوقتي علشان اصالحك

_ عايزني اسامحك ع كلامك الجارح ده؟

• جداً

_ طب جيبلي وانت جاي سندوتشين شاورما وسندوتش بطاطس سوري علشان عايزه احلي

•................................

_ الوو .. اي ده روحت فين انت مبتردش ليه؟

•.................................

_ طب ع فكره لو مجبتلكيش الي قولتلك عليه انا مش هسامحك

• ................................

_ طب جيبلي السندوتشات وامشي

•..........................................

#جني_حجازي

______

رأيكم يهمني⁦♥️⁩