كل من يريد تعلم اللغه الانكليزيه تعال اكلك شلون 💪😘
١- احفظ مفردات اهم ٣٠٠٠ كلمه بذلك انت اتقنت ٨٠ بالميه من اللغه ..تره مو صعبه بس تفائل شويه 😡 ..
٢- بالنسبه للقواعد بالبداية تعلم الازمنه و ركزلي على زمن المضارع البسيط تره من اسمه بسيط لا تخبلني و تكلي القرمر صعبه عليه 😏😏 و من راح تضبط هذا زمن راح يصير لك واهس اكثر و تتعلم ازمنه اصعب و تركب جمل اكثر تعقيدا تفائل حب قلبي 😘
٣- حاول تستمع بودكاست باللغه الانكليزيه راح يقوي عندك الادراك بالمفردات و جمل هاي اللغه وحتى تبقى اللغه بعقلك لازم تستمع و كذلك شوف افلام باللغه بترجمة اللغه الانكليزية و انصحك بافلام الانميشين و خصوصا فلم Home مو فلم طركاعه 😍😍😅
٤- جبناها على الكتابة حاول يوميا نص ساعه تكتب اي فكرة او جملة او روتينك اليومي بورقه حتى تترسغ اللغة اكثر بعقلك
٥ - شلون تمارس اسهل طريقه تكابل خلقتك صاكه😅 بالمرايه و تسولف وياها و اصعب طريقه تتعرف على ناس اللغة مالتهم الاصلية الانجليزية بس بدون زحف حب قلبي 😎😎😎 و تحاول تصادقهم و تسولف وياهم ...
اجعل هذا الاقتباس امام عينيك دائماً :
" من أراد النجاح في هذا العالم عليه أن يتغلب على أسس الفقر الستة: النوم، التراخي، الخوف، الغضب، الكسل، المماطلة✌.
