واحد النهار منى كانت خارجة تقلب على خدمة أو في نفس الوقت دفعات للكلية ديال الميدسين أو قبلوها بعينيهم مغمضين، مشات دفعات السيvيات ديالها فgاع لبلايس لي يقدرو يقبلوها فيهم، فعلا داكشي لي كان.
تسنات تقريبا شي سيمانة أو هما بداو كيتصلو بيها حيت كلهم قبلوها و هي قررت و أخيرا تمشي لديك الشركة لي عيطات ليها لولة، غادا وفرحانة، مشات لابسة مزيان و gاع داكشي كامل تسلفاتو من عند صحاباتها حيت هي ما عندهاش لحوايج.
مشات نهار الإثنين مع 07:30 حيت عندها مقابلة مع المدير باش دوز الامتحان الشفوي بكري حيت gال ليها السكرتير ديالو أنها تقدر تبدا الخدمة من النهار لول و هي عجبها الحال.
دخل المدير لقاها كتسنا فيه ( المدير عندهم كسول ما جا حتى ل9 )، و لكن منى ما تعصباتش حيت كانت فرحانة بما أنها جان بكري ويلا قبلها المدير غادي تبدأ الخدمة من داك النهار و غادي يخلصوها مزيان.
عيط ليها السكرتير ديالو باش تدخل حيت وصلات نوبتها.
دقات فالباب...
⬅️ المدير : * تفضلي *.
بدا كيسول فيها و كيحاول يطيحها فشي فخ.
💥 عند منى :
المدير طلع مطور مع راسو و باينة عليه ظريف ولكن أسئلتو قاصحة شوية*.
كان بعض المرات كيسولها على شي حاجات ما عندهم حتى علاقة بلقرايا و كيجيب ليها شي حاجة ما كادورش ولكن لقاها كاينة، حافظة سوارها و عارفة كولشي.
⬅️ المدير : * مبروك عليك أمنى و تبارك الله عليك كنتي قد المسؤولية أو فينما سولتك كنلقاك على لقرس أو بغيت نgوليك تقدري تبداي خدمتك من ليوما و بيروك موجود *.
⬅️ منى : * شكرا أسي المدير هادشي لي درتي معايا عمرني نساه، قدّرتي موقفي بزاف *.
⬅️ المدير : * و حاجة أخرى لبيرو ديالك هو ديالي *.
⬅️ منى : * كيفاش أسي المدير *.
⬅️ المدير : * المقر ديالك الرئيسي هو نفس المقر ديالي يعني أنك غادي تكوني معايا فنفس لبيرو *.
⬅️ منى : * بصح!! شكرا بزاف *.
💥 عند منى :
فالحقيقة كنت فرحانة بزاف حيت دارني معاه، ماشي حيت هو المدير و لكن حيت هو زوين بلا قياس و كي حمق لدرجة أنني النهار كامل و أنا حاضياه ما عندي ما يدار، و لكن ما تكون حتى إحساس يعني كي شفتو كي ما شفتوش لمهم خدمني عندو أو غادي يخلصني مزيان أو ما عمرني نفكر أنه تقدر تكون بيناتنا شي علاقة زعما، هو معقول بزاف و كيخدم من نيتو.
سميتو زوينة وسيم و لكن عمرني تجرأت نعيط عليه بيها.
كانو دوك لي خدامين معايا كلهم متفتحين و علام بدون استثناء، واخا أنا جيت جديدة حسسوني بالارتياح و كي عاونوني إلا وحلت فشي حاجة بلا صداع بلا فهامات، داكشي علاش ولاو عزازين عليا.
ب.س :
آرائكم و أسئلتكم فالتعليقات 😘 كنبغيكم و كنتمنى نكون عند حسن ظنكم
ما تنساوش تحطولي نجمة ⭐️ و تابعوني على :
Instagram : Lifeassalma
