كلمة شكر :
قبل ما نبدا وصلنا ليوم ل 17 مشاهدة لي تقدر تبان ليكم
نتوما حاجة عادة و لكن أنا فرحاتني بزاف و شجعاتني نكمل ليكم القصة 😘 ما تبخلوش عليا بالدعم ديالكم بالنجمات ⭐️ و التعاليق 🥰.
💥 عند منى :
واحد نهار كنت ناعسة فثت من غرق نعاس حيت كان فيا لوجع بزاف و بقيت كنغوت حتى فيقت كلشي وسيم لي كان حدايا.
كنا بايتين عند عائلتو فهاداك لويكاند. فاقو و داوني لسبيطار، خرج عندهم الطبيب وgاليهم :
⬅️ الطبيب : * مبروك عليكم بنتكم حاملة *.
💥 عند منى :
فالحقيقة كلهم كانو فرحانين و ما قداتهم فرحة خاصة وسيم، و داكشي لي دارو عليا ما كيتوصفش.
الغد ليه ما مشيتش نقرا حيت كنت عيانة و نيت gاليا وسيم إلا ما قدرتيش ما تمشيش حتى نعيط ليهم.
كي خرج وسيم بشي نص ساعة و هو يعيط و gاليا :
⬅️ وسيم : * را عندي شي خدمة و غادي نسافر لمدة 2 سيمانات، بقاي مع دارنا و تهلاي فراسك *.
💥 عند منى :
أنا تصدمت و ما بقيتش قدرت نجاوبو، بديت كنبكي و لكن حاولت ما نبينش ليهواها هو عاق، لمهم مشى بلا ما يجي يجمع حوايجو، ملي وصل عيط ليا و ما جاوبتوش من بعد طفيت تيليفون ودرت راسي ناعسة.
صافي داز نهار كامل بلا ما طرا تا شي حاجة، تا واحد فيهم ما تفكرني واش كليت، واش فيا جوع، و نيت أنا أصلا ما رديتش لبال.
وسيم كان وصاني نبقى مع عائلتو حتى يرجع، واخا أنا ما بغيتش اللهم داري بوحدي و تيقار و لكن ما بغيتش نخسر ليه خاطرو هذا ما كان.
وليت كنمشي للكلية و فاش كنجي فلعشية ماماه كتبقى تنgر عليا و ما كتسكتش :
⬅️ الحاجة فاطمة (عدوزتي) : * واش نتي كيصحاب ليك راسك أميرةما ديري والو أو لا شن، لي كاين تحت سقف هاد دار خاصو يطبق قوانينها، وا بزعطة إلا كنتي حاملة راه لقنية حتى هي كتحمل و كتولد *.
💥 عند منى :
بقى فيا لحال و لكن ما درتش فبالي حيت عدوزتي كبرات أو ولات كتعيى من شقى بزاف لمدة طويلة على 8 دالنفوس هادشي طبيعي. بديت كنعاونهم كل نهار ملي كنجي من قرايتي.
