#الشيطانه 1
" الجزء الثاني "
#حسن_الجامعي
( الساعه 7 ونص المغرب 🕒 )
ريم : ضعفت وبدت واقفه وخايييفه وجامده في مكانها...اءءءءءءءءءء سعد خلاص😨!
حاتم : خشششش علييييهم وانصدم وطاحت الطاسه من ايده😨...منووووو هذه يا رييييم😱؟
ريم :- بلعت ريقها بخوووف ، اءءءءءء حاتم هذه يكووون اءءءءءء الدكتور متعي!
حاتم :- قرب عليييهم بهدووء وشاف لريم بنضرة حاده...منووو هذه ريم احكي بسرعه قبل ما نقربع الدنيا على راسك!
سعد :- طلع البطاقة من جيبه...تفضل شوف خوي انا نكون الدكتور متعها واللي رح يهتم بالحمل المدام ريم...!
حاتم : خدي البطاقة وبدي يتفرج وهوو مزال مش مصدق...امممممم هذه بطاقتك قتلي!
سعد :- بلع ريقه بخوووف...اءءءءء ايه هي!
حاتم :- انت شن تحسابنا عايشين في امريكا ولا شني...قصدي جو التحضر هذه مش لينا...احكي منو انت توا ولا ناخد دي🔞...ونقتلك توا احكي!
سعد :- ش ش ش شوووف انا نخدم في المستشفى تبع الاستاذ رواد...والمدام ملاك هي اللي بعتتني هني!
حاتم :- جمع افكاره وتفكر ان ملاك كرهاته لأن خدي القسم منها...وربي نوريك يا بنت الكلب اللي اسمك ملاك...!
سعد :- اءءءءء...انا كييف كملت الفحص متعها وهي حالتها مستقره...سلام!
حاتم :- خداه من رقبته...وررب العزة مزال نلقاك حط رجل على عتبت الحوووش هذه نقطعهالك وقوول للفاسدة اللي بعتتاك مش محتاجين جميل من حد فاهم ولالا يا مصخ يا كلب...ودفه بالقوووة برا الحوش...وصكر الباب!
سعد :- خدي نفسس عمييق...انت اصبر عليا بسسس ونخليك تدفع ثمن الدفه هذه اللي توا يا مصخ...ركب سيارته ومشي وهو متعصب من حاتم ويفكر في ريم...!
حاتم :- خشش يجري لريم يبي يهزبها...انتي خييرك انتي معندكش راجل في الحوش ولا شني اتكلمي خير ما نبدا فيييك توا!
ريم :- ترعش وخايفه...خيييرك حاتم شنو درت انا توا هو اللي جي وخش طوول بدون ما انا نسمحله!
حاتم :- تعصبت منها ونفخ في وجها...اووووف منك بناخد مفتاح الخزنه ورح نرجع لشغلي...ورح نصكر عليك باب الحوش باش معاش تخشي ومعاش تطلعي فاهمه!
ريم :- خيييره هذه شن درت توا اني...جووو زايد وخلاص!
حاتم :- ركب السيارة وهوو ناووي ملاك...!
ترن ترن ترن :-
حاتم :- رد على المكالمة...الو السلام عليكم
الشرطة :- انتم تكونوا جيران المدام ملاك عبد العزيز الترهوني صح؟
حاتم :- ايه احني تفضل خوي؟
الشرطة :- المدام ملاك تعرضت لحادث سير منا أدى لوفاتها تفضلوا معاي انت وباقي الجيران لتتميم اجراءتها وياريت لو في حد من عيلتها يجي اولى منكم...وفي ميزان حسانتكم!
حاتم :- انصدم من الخبر...كييف كييف ماتت قصدك هي ولا مزالت عايشه اتكلم😯؟؟؟
الشرطة :- عطاتك عمرها...الله غالب...وفصل الخط!
حاتم :- نزل يجري بفزززع وخش لريم...ريم ريم ريم اسسمعي!
ريم :- انخلعت تحسابه كشفهم😨...خيييرك حاتم هو اللي خش عليا الحقير هو مش انا!
حاتم :- تي شنووو تقولي انتي ملاك دارت حادث وماتت فيييه😨!
ريم :- شهقت...كيييف ووين انهار احرررف😨
حاتم :- البسي عبايتك بسسرعه خلينا نتأكدووا من الخبر صح او لا!
ريم :- تي شنوو لينا علاقة فيها تموت ولا تنحرق انا منحبهاش المراه هذه...افتكينا منها!
حاتم :- قصدي عيييب متجيش لقطه قدام ياسمين و رواد !
ريم :- اوووف اووف انا حامل وتعبانه مش ناقصة دره كبد وسيرة الاموات توا😣...لبست عبايتها ع سريع وطلعت ركبت السيارة!
حاتم :- شغل السيارة وبدي يجري وماشي لطريق مكان الحادثة🔥...!
أنت تقرأ
الشيطانه ( روايات ليبية )
Misterio / Suspensoهذه الرواية للكاتب :- حسن الجامعي تتكلم عن إمراة شريرة جدا فعلت جرائم كثيرا واشياء لا تصدق لكي تتيسر امورها وحياتها ، ولديها اعداء محطين بيها من جميع الجهات ، تجمع الرواية بين الاثارة و التشويق والجرائم والكره 🔥 ( الجزء الاول _ الثاني ) MBC LIBYA...
