#الشيطانه 4 ( حلقة إضافية )
" الجزء الثاني "
#حسن_الجامعي
عند نورية و نسمة في الحبس:-
( اقتلي البنت اللي اسمها نسمة مقابل 2000000 دولار... قبل جلسة المحكمة بيومين )
( وهذه رقمي اتصلي بيا
لو في تلفون في سجن 092******* )
نورية :- شهقت...ششششني😨😨...انهار مغبر تي منو هذه...حتى الخط غريب هلبا...انتي يا امال نكلم فيك يا فرخه...!
امال :- قلبت عيونها بملل...شن تبي...تبي ديري عركه تانية؟؟؟
نورية :- اسمعي نبي تلفون وبسرعه...ضروووري بكل بكل...!
امال :- باهي نبي باكو دخان مالبورو سعودي الاصلي...والا منيش عاطيتك التلفون...!
نورية :- بخبث...اسمعي لو تتعاوني معاي رح نعطيك 100 الف دولار شن قلتي؟؟؟
امال :- 😱😱ششهقت...من وين هذه كله...شن فيه الظرف اللي وصلك توا...؟؟؟
نورية :- وصلني فيه كل خيير بس توا انتي عطيني التلفون وبعدين نحكيلك كل شي بتفصيل...بسس توا لازم نبي التلفون...!
امال :- طلعت التلفون من تحت التربة...خووودي اهوا وبسسرعه عندك اقل من ربع ساعه والا شرطية تشوفك ونطيحو في مصايب على راسك...!
نورية :- ووووه عليا اني...غير عطيني وانتي شوفيها من الباب ولو جت قوليلي...!
البنات :- كلهم يتفرجو على نورية و امال لأن واضح انهم يخططو في حاجه...!
نورية :- نلقا وحده فاتحه فمها نقصهولها فاهمه ولالا...!
امال :- هيا اتصلي بسسرعه نورية مش وقتك توا انتي وتهديداتك...😨!
نورية :- خدت تلفون وخدت الرقم وبدت تتصل...تي ردي يا بهييييمه...!
مجهول :- ردت عليها...منو البهيمة يا بهمية...!
نورية :- انهار مغبر علي راسك...هذه شنو انتي كيف سمعتيني قبل ما تفتحي الخط😲...؟؟؟؟؟
مجهول :- صكري فمك واسمعيني كويس...نبيك تقتلي المراه اللي اسمها نسمة هي جت جديدة عندكم...انا بعتتلك الظرف ومكتوب فيه طبعا في حال معندكش تلفون...بس توا عندك ونبيك تتواصلي معاي لعند ما نسسمع خبر موت المراه اللي اسمها نسمة...المحكمة قريبه ومنبوهاش تعيش لعند وقت المحكمة فاهمه ولالا...!؟؟؟؟
نورية :- وانا شنو اللي يضمن انك رح تعطيني المبلغ هذه...قصدي شن بيعرفني انك مرات تطلعي وحده نصابه وكدابة...!
مجهول :- انا اللي عندي قلته...تبي توافقي باهي لو متبيش خلاص خليك عمرك كله في الحبس...واللي عليها درتهولك🤷♀️...!
نورية :- لحظة باهي...نبي نعرف شن اسسمك انتي؟؟؟
نسمة :- حسست ان في شي غلط بين نورية و امال وشافت التلفون😲😲...!
مجهول :- تمام رح نقولك اسمي...انا اسمي ريم مرت الدكتور حاتم...!
😨؟؟؟؟؟؟؟؟
________________
في حوش ملاك وعيلتها:-
الساعة 5 العشية 🌥...!
نعيمة :- هيا حبيبتي ريهام خلينا نتفرجو على ديار اكييده الحوش فيه مسبح سباحه ولالا؟؟؟
نورا :- يا حليليييي😍❤...مسبح وجو هيا خلينا نتفرجو...!
سعدية :- يالاهوووووووي على العيلة الزبالة دي...انتم مبتحسووش دي ميته انتم مفروض في جنازتها دلوقتي😨؟؟؟؟؟
نعيمة و ريهام ونورا :- خلووها تتكلم برووحها ومعدلوووش عليييها...!
الباب متع الحوش :- تصكر بروووحها وبالقووووة😳؟؟؟؟؟؟؟؟
ريهام :-شهقت بصووت عالي... انهار احرفففف😨...هذه شني؟؟؟
نعيمة :- حطت ايدها على قلبها...الباب تصكر بروووحه😨؟؟؟؟؟
سعدية :- شهقت...يانهاااار اسسود ومنيل!
ريهام :- تي منو يلي صكر الباب توا...انتي سعدية صكرتيييه؟؟؟
سعدية :- لا يا فندم انا ماعملتش اي حاجه...هو الباب اتصكر لوحدووو😨!
ريهام :- اها اكيييده تصكر من الريح القوية بالك...!
نعيمة :- تي وووينها الريح القوية اللطف...الجوو نوو؟؟؟
ريهام :- تي خلاص عادي يعني تصكر بروحه الباب...هيا اركبو خلينا نتفرجو على الحوش...!
نورا :- ماما قصدي كان بتقعدو اهني انا عندي حوايجي في الحوش مني بيجيبهم!
نعيمة :- ضمي فمك توا نحيبوهم غير نتفرجو على الحوش وكان عجبنا نجيبوهم حوايجنا في ليل بعدين...!
ريهام :- شوفوو الدار هذه عجبتني هلبا انا رح ناخدها...وانتم شن رايكم...!
سعدية :- انا عجبتني الغرفة دي حلوة اووي اوي😊...!
ريهام :- انتي ضمي فمك وشوفي شغلك...بري للمطبخ ديري اي حاجه ناكلوها جعت انا راهو...!
سعدية :- لا يا شيخة انا مش ناقصة...ومعليش يعني الشهر خلص وانا لحد دلوقتي مخديتش الطبطبة...!
ريهام :- مخديتيش شنو مفهمتش عليك...؟؟؟؟
سعدية :- ملقيتش الطبطبة يا حبيبتي...انا عايزة الواد اللي اسمو بديع...بصراحه بشتغل هنا عشان اشوف الاستاذ بديع🤤❤❤
ريهام :- تييي منو هو بديع...شن تحكي انتي؟؟
نعيمة :- خلاص ريهام فوتيها خلينا نتفرجو على باقي الحوش...هو ناقصتكم انا هياااا سحيفة الملح...وانتي بري ديري مكرونه جعانه انا...!
نورا :- ماما توا بوي يتصل بيك ويبدا يعارك عطلنا عليه...وعطلنا حتى على الغدي...!
نعيمة :- ضمي فمك توا اختك مسرة ديرله الغدي...ريت بالله نسيب الحوش الكبير هذه ونمشي ندير غدي في حوش الفقر هداكا...!
ريهام :- سعدية بري ديري الغدي وبعدين نبي نكلمك في موضوع بديع هذه اللي مخشش دماغي...!
نورا :- انا بنطلع نجيب شيشة مية من المحل عطشانه مووووت...متبوش شي انتم؟؟؟
نعيمة :- جيبلي معاك حتى انا ريقي ناشف...!
ريهام :- شوفي الصالةو العز اللي عايشة فيه الحيوانه ملاك...ريتي ريتي ما يطلع منها عالمصيبه...!
نورا :- حاولت تفتح الباب مباش ينفتح...تي خييره هذه مباش يفتح؟؟؟؟
ريهام :- نحي نحي انتي ضعيفة متقدريش تفتحي حتى الباب...تي قصدي لما بتتزوجي كيف بتفتحي حوشك بالله عليييك...!
نورا :- قصدي عادي نفتحه بالمفتاح🙂...!
سعدية :- صح 🤷♀️
ريهام :- تستهبلي انتي😂😂😂...وحاووولت تفتح الباب مباش يفتح...خيره بلاه هذه الباب!
نعيمة :- شافت ورقة نزلت من تحت الباب...شوووفي هذه ورقة توا خششت من تحت الباب😨...؟؟؟؟
ريهام :- شافت لورقة وهي مصدوومة...شن فيها الورقة هذه...وشافت المكتووب؟؟؟
أنت تقرأ
الشيطانه ( روايات ليبية )
Mistério / Suspenseهذه الرواية للكاتب :- حسن الجامعي تتكلم عن إمراة شريرة جدا فعلت جرائم كثيرا واشياء لا تصدق لكي تتيسر امورها وحياتها ، ولديها اعداء محطين بيها من جميع الجهات ، تجمع الرواية بين الاثارة و التشويق والجرائم والكره 🔥 ( الجزء الاول _ الثاني ) MBC LIBYA...
