روايه "عشقت ملتزمة"

" الفصل التاسع "

ذهبت عائله الحاج ابراهيم ومع الحاج أحمد بينما ظل أصدقاء أدهم بجانبه
************
فى المشفى بالتحديد غرفه جنه
كان يجلس مازن معها

مازن . حمدالله على سلامتك ياجنه
جنه . الله يسلمك يا مازن......شكرا إنك أنقذت حياتى
مازن. اوعى تقولى كده انتى بنت خالتي وهتبقى مراتى قريب إن شاء الله
جنه بخجل . إن شاء الله .....ماما كويسه يا مازن
مازن بهدوء. شوفى ياجنه ربنا مش بيكتب لينا حاجه وحشه ابداً صح
جنه بإماءه. اه طبعا
مازن . خالتو تعبت شويه وهى محجوزه فى الاوضه اللى جنبك
جنه بدموع. الحمد لله على كل شيء الحمد لله ...يارب تشفيها فاانت الشافى

حزن مازن عندما رأى جنه تبكى ولكنه حمد الله بداخله ثم قام بإعطاء جنه منديل كى تمسح دموعها

مازن . اتفضلى..... تأخذ جنه المنديل وتشكره وتقوم بتجفيف دموعها(ناس كتير بيبقوا مخطوبين أو حتى من غير خطوبه ويمسك أيديها ولا يحضنها وده حرام ربنا حرمه ومازن كان قادر يستغل الفرصه ويمسح دموعها بايده ويلمس وشها بس هو خاف من ربنا إنه بغضب عليهم فيابنات الحلال احلى كتير بجد مفيش اجمل منه)سمع مازن صوت طرقات على باب الغرفه
مازن. اتفضل.....تدخل الممرضه ومعها الفطور
الممرضه. انا جبت الفطار يلا عشان تاكلى وتاخدى العلاج
جنه. حاضر ......تناولت الفطور وأخذت علاجها وتركها مازن كى ترتاح قليلا
************
فى منزل حور
دلف الجميع إلى الداخل وذهبت حور إلى غرفتها
فى الغرفه
قامت بتبديل ثيابها ووضعت سجاده صلاتها وشرعت فى صلاه الضحى بعد أن انتهت قامت بالاستغفار وبترديد آيه الكرسى وأخذت مصحفها وقرأت سوره يوسف بنيه أن يفرج الله كرب أدهم وعائلته (بنات مش شرط سوره يس تكون بتفرج الهم القرآن كله مفرج للهم عشان مفيش حد يفضل يقرأ سوره ويعتقد إن دى مفرجه الهم والكرب )ثم قرأت قليلا فى المصحف وقامت بغلقه
**********
فى الخارج
جلس الحاج ابراهيم وبجواره سعاد

الحاج ابراهيم بحزن. بس المقدم أدهم صعب عليا جدا حقيقى زعلت عشانه ولما حضنى حسيته مهموم اوووى والدنيا جايه عليه
سعاد بحزن. معاك حق انا شوفت نظره الحزن والوجع فى عيونه ربنا يهون عليه يارب
الحاج ابراهيم . يارب ياسعاد يارب .....انا هصلى الظهر فى الجامع لما يأذن إن شاء الله وهروح الشركه اشوف بقيت الشغل
سعاد . ربنا معاك يارب
**********
فى منزل الحاج احمد دلف الجميع وذهبت الفتاتان إلى غرفتهم
جلس الحاج احمد على الأريكة بارهاق

سميره بحزن. مالك يااخويا شكلك تعبان
الحاج احمد بحزن. زعلان عشان المقدم أدهم واللى حصل لى
سعاد بحزن. ده نصيب وربنا أكيد لى حكمه فى كل حاجه بتحصل للبنى آدم سواء خير أو شر وده ركن من أركان الايمان أن نؤمن بالقدر خيره وشره ولازم نحمد ربنا على كل حاجه بتحصل فى حياتنا

الحاج احمد شعر براحه كبيره بعد أن تفوهت سميره بهذا الكلام فقال بحنان. ربنا يحفظك ويطول بعمرك يا غاليه حقيقى ربنا رزقني بجوهره مستحيل الاقى زيها فى يوم
سميره بحب وحنان. ربنا يباركلى فى عمرك يارب والله أنت الغالى واجمل حد فى دنيتى تعرف أنا فى كل سجده بحمد ربنا إنه رزقنى بيك
الحاج احمد بحب . بحبك اووووى ياغاليه ياام الغالين صحيح انا بعد الظهر هروح الشركه مع الحاج ابراهيم
سميره . تروح وترجع بالسلامه
*********
فى غرفه مريم وريم
بعد أن ابدلوا ثيابهن باأخرى
كانت مريم تفكر فى نظره اسر لها رغم أنه غض بصره بعد أن تطلع لها ولكن كانت نظره أحستها مختلفه فكانت عيناه تلمع