روايه "عشقت ملتزمة"

"الفصل الرابع"

فى فيلا أدهم
كان أدهم يرى كابوس ثم قام من نومه مفزوع
أدهم بصراخ. ماتسبنييييش ......ثم أخذ يلهث كثيرا بسبب هذا الكابوس فسمع أذان الفجر فقام بالدلوف إلى شرفته وظل يتحدث كثيرا مع ذاته

أدهم بداخله: ياترى الحلم ده تفسيره ايه او الرساله اللى فى معناها أيه

ظل يحدث نفسه كثيرا ثم دلف إلى الداخل ونام مره أخرى دون تاديه فرضه (ناس كتيره بتكسل عن الصلاه بس مايعرفوش إن الصلاه دى كنز الله يهديهم ويهدينا)
************
فى غرفه سميه
بعد أن أدت فرضها كانت تجلس وبيدها المصحف تقرأ بعض الآيات ومن ثم انتهت وقامت بالدعاء إلى أولادها وإلى مازن أيضا وأن يصلح الله أحوالهم
******
فى منزل حور
استيقظت حور قبل الفجر بساعه وقامت بالدلوف إلى المرحاض كى تتوضأ ثم خرجت ودلفت إلى غرفتها قامت بارتداء اسدال الصلاه ووضعت سجاده صلاتها على الأرض و قالت دعاء استفتاح الصلاه وشرعت فى صلاه قيام الليل بنيه أن يريح الله قلبها ويعوضها خيرا عن كل سوء وشر أصابها (بنات النيه محلها القلب لأن بسمع بنات قبل ماتصلى وهى واقفه على سجاده الصلاه بتقول اللهم إنى نويت أن اصلى صلاه وتذكر اسم الصلاه وده غلط النيه بتكون فى القلب فقط والدليل هتعرفوا بعدين)ثم انتهت حور من صلاه القيام وظلت جالسه على سجاده الصلاه لبضع دقايق وكانت تستغفر ثلاث مرات ثم أمسكت بمصحفها وقرأت وردها إلى أن أذن المؤذن بقول "الله أكبر الله أكبر
أشهد أن لا إله إلا الله أشهد أن لا إله إلا الله
أشهد أن محمد رسول الله أشهد أن محمد رسول الله
حى على الصلاه حى على الصلاه
حى على الفلاح حى على الفلاح
الصلاه خير من النوم الصلاه خير من النوم
الله أكبر الله أكبر
لا إله إلا الله )كانت حور تردد وراء المؤذن وعندما أنتهى قامت بقول الدعاء (اللهم رب هذه الدعوة التامه الصلاه القائمه أتى سيدنا محمد الوسيلة والفضيلة والدرجة العاليه الرفيعه وبعثه المقام المحمود التى وعدته وصلى اللهم على سيدنا ومولانا محمد وعلى آله وصحبه أجمعين )ثم دعت كثيرا حور فهى تعرف أن دعائها فى هذا الوقت لن يرد أبدا (الدعاء مابين الأذان والإقامة مستجاب يابنات مش بيترد)ثم أدت سنه الفجر وانتظرت ربع ساعه وقامت بتأديه صلاه الفجر (بنات اول اما تسمعوا الفجر ماتصليش الفجر على طول صلى بعد تلت ساعه لأن ده التوقيت الصحيح لى وأنا اتاكدت كتير من المعلومه دى الفجر فى مصر بياذن عن معاده بتلت الساعه اى بنوته عايزه تسأل شيخ بس يكون شيخ مش اى شيخ تسأله )بعد أن إنتهت أمسكت مصحفها وقرأت بعض من آيات الله ثم اغلقته ووضعته فى مكانه المخصص وسمعت صوت أبيها بالخارج قامت بالدلوف إلى الخارج
*******
فى الخارج
ذهبت حور تجاه أبيها مبتسمه

حور بابتسامه وهى تقبل يد والدها. صليت الفجر ياهيما فى الجامع
الحاج إبراهيم بحنان وهو يحتضنها. اه ياقلب هيما صليته فى الجامع
حور . ربنا يتقبل يارب
الحاج إبراهيم وهو يلاعب وجنتيها. ويتقبل منك ياحبيبه قلب ابوكى

ثم جاءت سعاد من خلفهم

سعاد بغيظ. لا والله انتو بتحضنوا فى بعض وكمان بتلاعبها فى خدودها
حور بمشاكسه. هيما حبيبى يعمل إللى هو عايزه وبعدين بيدلعنى
سعاد بيغيره. نعم يااختى هيما مش انا قولتلك ميت مره ماتقوليش لى كده قدامى وبعدين ايه بيدلعنى دى ......ثم نظرت إلى إبراهيم وقالت.وأنت ياحاج بتدلع بنتك ومش بتدلعنى طيب زحلت

مثلت أنها حزينه وعلى وشك البكاء فقام الحاج إبراهيم بالذهاب اتجاهها

الحاج إبراهيم بضحك على محبوبته . وأنا مقدرش على زعلك ابدا ياقلب هيما ....ثم قام باحتضانها فاابتسمت وبادلته إياه قطعت عليهم حور تلك اللحظات

حور . إحم إحم نحن هنا ياحوجيجه
سعاد بغيظ. تصدقى إنك فصيلة
حور بمرح. فصيله رقم واحد هههههههه
سعاد بغيظ. قول لبنتك تسكت
الحاج إبراهيم بضحك. انتوا مش هتبطلوا ابدا النقار والنقير ده وبعدين انا مش حلو عشان تتخانقوا عليا
سعاد بحب. مين ده إللى مش حلو دا أنت سيد الناس وتاج رأسى أنت احسن راجل فى الدنيا كفايه إن ربنا رزقنى بزوج صالح زيك
أكملت حور بحنان. حضرتك احسن أب فى الدنيا وفخر ليا وفعلا زى ماما قالت احسن راجل وأب صالح وكويس ......ثم قام الحاج إبراهيم باحتضانهم وقبل رأس زوجته وابنته

الحاج إبراهيم بسعاده. ربنا يحفظكم من كل شر ويطول فى عمركم ويبارك فى
رددت زوجته وابنته فى وقت واحد. ويطول فى عمرك ويبارك فى ويحفظك لينا
*********
فى بيت مريم وريم

قامت كلا منها بتأديه فرضها بعد أن صلوا القيام معا ثم قراؤا وردهم واستمعوا لصوت اباهم بالخارج فقاموا بالذهاب إلى الخارج
فى الخارج
كان يتحدث الحاج أحمد مع زوجته سميرة

ريم. تقبل الله ياحاج
الحاج أحمد بابتسامه. منا ومنكم إن شاء الله ياقلب الحج
مريم بحب. ربنا يتقبل
الحاج أحمد. منا ومنكم ياغاليه
ردد الجميع. اللهم أمين
سميره. ادخلوا ناموا شويه عقبال أما الساعه تيجى8عشان هنروح ابوكم قال إننا هنفطر عند عمكم الحاج إبراهيم
مريم وريم. حاضر

بالفعل ذهبت الفتيات إلى غرفتهم وقاموا بالنوم فهم كانوا يحتاجون إلى أن يرتاحوا قليلا

الحاج أحمد بابتسامه.تعالى عايزك
سميره بحب. حاضر .....ثم دلفوا إلى الداخل وقام الحاج أحمد بالجلوس على الفراش وقال لها أن تجلس بجواره

الحاج أحمد بحب. بقالك قد ايه مانمتيش على رجلى وسمعتى صوتى فى القرآن وانا بمسح على رأسك وضهرك
سميره . يااااه ياحاج بقالها كتير ثم أيه إللى فكرك
الحاج أحمد بتأنيب. انا عارف إن انشغلت عنك الفتره إللى فاتت بسبب الشغل بس والله ******
قطع حديثه سميره . أنت عمرك ماانشغلت عنى ودايما بتعاملنى بالموده والرحمه إللى ربنا أمر بيهم بين أى زوجين وبتتقى الله فيا
الحاج أحمد بحب. طب ممكن تنامى وتحطى رأسك على رجلى .....

نفذت سميره ما قاله ثم قام يقرأه بعض من آيات القرآن وهو يملس على رأسها وظهرها
********
فى غرفه حور
كانت جالسه على الفراش ثم نامت قليلا ومن ثم سمع المنزل بأكمله صراخها

استوووب اسفه جدا بجد إن اتأخرت وإن البارت قصير بس والله ربنا يعلم أنا كان يومى عامل ازاى والفصل مانتهاش على كده لى تكمله إن شاء لله
تقيمونى بكام من عشره ورايكم فى أحداث الفصل