A Beautiful Disaster

ABD 6

"Nice" nakangiti siya habang hinahaplos ang ulo ko.
Hindi ko alam na ang comforting pala sa pakiramdam kapag ganoon. Kaya siguro gustong-gusto ng mga aso kapag hinahaplos-haplos ang ulo nila.

Ano ba naman itong naiisip ko?
Nakuha ko pang ikumpara ang sarili ko sa aso.

Nandito kami ngayon sa Timezone. Nagpapagalingan maglaro ng basketball. Magkatabi kaming dalawa habang nagpaparamihan ng naso-shoot na bola.
Sa pangatlong round ay tumigil na kami. Nangangalay na ang braso ko kakatira ng bola at namamanhid na rin ang mga binti at paa kong bahagyang naka angat para lang makaporma ng maayos sa pag tira. Una at pangalawang laro namin ay panalo ako pero sa pangatlo ay hindi na.
Duda akong pinagbibigyan niya lang ako. Ang tangkad nya at halos dahan-dahan lang ang pag tira. Parang walang timer na hinahabol.

Sumubok pa kaming maglaro ng iba. Pati iyong parang aso-aso na malaki na sinasakyan ng mga bata ay hindi niya pinalampas. Hindi ko napigilan ang sarili ko na kuhanan sya ng picture. Ang cute niya kasing panoorin. Ang laki niyang tao para sumakay doon. Abot na abot niya ang sahig dahil sa haba ng binti niya. Nang mapatingin siya sa akin ay dali dali kong binaba ang cellphone ko. Tumawa siya at lumapit sa akin. Hinila nya ako papunta doon sa parang Dalmatian na aso at pinasakay. Iniwan iyon ng mag-ama kanina na umaandar pa kaya naisipan niyang sumakay. Dinamay pa talaga ako. Buti nalang hindi kami nasita ng bantay.
Sinubukan din namin iyong nilaro noong couple kanina sa second floor kaya lang mukhang may daya talaga yata ang machine. Naubos nalang ang mga tokens namin, wala man lang kaming nakuha kahit isa. Naisip kong papalitan ang mga ticket na nakuha namin pero hindi pa sapat ang mga iyon para mapapalitan ng kahit maliit na stuff toy man lang. Tama lang para sa eraser na ang liit-liit. Kaya naisip kong itago nalang ang mga ticket. Gagawin kong remembrance.

Alas siete nang nagdesisyon kami na kumain na. Nakakagutom din maglaro nang maglaro.
Nagulat pa siya ng dalhin ko siya sa food court ng mall kung saan madalas kaming magbabarkada.

"Wait! We're going to eat here?"
Kinakabahan ko syang nilingon. Saan pala dapat?
Ako ang magbabayad ngayon dahil siya na ang nagbayad ng pinang laro at sine namin. Ayoko naman na i-shoulder niya lahat. Nakakahiya naman!
Kahit pa hindi daw dapat ako mahiyang pagbayarin ang lalaki sa date sabi ni Angelika.
Pero hindi naman siguro date ang tawag dito diba? Eye ball? Ganon ata dapat. Para kasing ang romantic ng dating pag date ang ginamit na term eh.
Ay ewan! Ang gulo!

"Oo.Why? Is there a problem? Don't worry, masarap ang mga foods dito"

"Liza, i think we shouldn't eat here" nag-aalinlangan niyang sinabi.

"Huh?Why? Where do you wanna eat? Jollibee? McDo?"

"No! I'm not gonna treat you in a fast food in our first date. Let's eat upstairs. There's this very nice restaurant there. I went there with my cousin and Lola the other day. The foods are masarap" wala na akong nagawa ng hilahin niya ako paalis.

Anong masama kung sa fast food kami kakain? Pero teka... date daw. Sa kanya na mismo nanggaling.
Pero shuta kasi! Baka kapusin ako sa pambayad.
Ang mga restaurant pa naman sa upper floor ay mukhang mamahalin.

"But... Casper, Ako ang magbabayad naman. I'll treat you here. Promise masarap din ang mga pagkain doon. Lagi kami doon ng mga barkada ko."

Hindi ko alam kung naintindihan nya ba halos ang sinabi ko pero patuloy pa rin siya sa paghila sa braso ko. Wala naman problema sakin dahil ang tela naman ng magkapatong kong jacket ang nahahawakan niya at di naman ganoon ka nakakailang.

"There..." sabi nya pagka upo namin sa restaurant na tinutukoy niya.
"Much better, dibah?"conyong sabi niya pa.

Tama sya. Maganda nga dito. First time ko 'tong maka pasok dito dahil palagi lang naman kaming magkakaibigan sa food court. Nadadaanan lang namin madalas ang restaurant na 'to. Mukha kasing mahal ang mga pagkain dito eh. Kaming tatlo na mga estudyante pa lang, at umaasa lang sa allowance pang school ay hindi afford kumain dito. Well, pwera nalang siguro kung maglalaan ka ng budget para dito.