مجنونتى حور

اقتباس ❤️✨

~ زين ممكن اسالك سؤال ..؟

• ايه الادب اللى نزل عليكى ده وبعدين يعنى لو قولت لاء مانتى هتسالى برده

~ كده يازين طب ماشى

• ايوا حطى ايدك فى وسطك وادينى ضهرك واعملى مخصمانى فقولك متزعليش تقومى مبتسمة ومتروديش فقولك هجيبلك شيكولاته وغزل البنات تقومى ضحكة ها وبعدين اكمل

~ دايما قفشنى كده انا بقيت اخاف منك انا بحس نفسى شفافة قدامك

• اعمل ايه طفلتى بقا

~ طب ممكن بقا

• طريقتك دى قلقانى اتفضلى يا ستى صدعينى

~ انت نسيتها ؟!

• هى مين ؟!

~ انت هتستهبل هو فى غيرها وانا معرفش

• انتى ازاى كده هو فى واحدة لسه مكملتش 7 سنين تتكلم فى المواضيع دى اصلا

~ مش انا اتكلمت ؟!

• ايوا

~ يبقا فيه
متهربش بقا وجاوب

• ايوا و لاء

~ ايه اللى ايوا و لاء سؤالى اجابته محددة ياما ايوا ياما لاء مفيش الخيارة التالتة دى !

• خيارة 😂 .. طب انا هسالك سؤال؟!

~ وهتجاوبنى

• سيبى الاجابة بعدين .. لو انتى واجهتى مشكلة هتعملى ايه ؟

~ مش هيبقا فى مشاكل اصلا

• اصلا ليه ياختى بنت مين حضرتك

~ بنت الاسيوطى وبعدين لاسباب كتير

• ممكن تتكرمى وتعرفينى سبب واحد من اسبابك الكتير دى

~ اول سبب واهمهم انت جنبى فاكيد مش هيبقا فى مشاكل ولو فيه انت هتحلها وقضى الامر

• ياسلاام طب افرضى مش موجود

~ قصدك لما تسافر ؟! هو انت ينفع متسافرش

• هنرجع للموضوع ده تانى مش اتفقنا هحطك فى الشنطة ها افرضى مش موجود ؟

~ سهلة هتصل بيك وهحكيلك وتقولى اعملى ايه ؟

• طب افرضى مرديتش عليكى ومتقوليش هستناك

~ ثوانى هفكر .. هقعد اعيط

• قولت طفلة محدش صدقنى

~ يعنى اعمل ايه انا مواجهتش مشاكل قبل كده

• هقولك تعملى ايه بس اوعى تنسى مفهوم

~ هحاول .. خلاص متقلبش وشك مفهوم

• اول متواجهك مشكلة انا عارف انك هتتعصبى وتعيطى وتضعفى بس اول متهدى قعدى فكرى بالعقل فكرى فى حكمة ربنا فى اللى حصلك وفكرى فى الخير اللى جايلك منه وبعدين عايزك تنسى ونفس الوقت متنسيش

~ حلوة النكتة دى 😂

• ع فكرة مش بهزر

~ مانت اللى بتقول كلام مش مفهوم

• مانتى لو سيبتينى كملت

~ خلاص انى اسف

• عايزك تنسى علشان تقدرى تستمرى ومتنسيش علشان متتعبيش لانى عارف ومتاكد انك هتتعبى واوى كمان

~ ايه الثقة دى جايبها منين ؟ وبعدين انت بتستقل بيا وهذا غير مسموح وبعدين انا حور والاجر ع الله

• المهم فاهمة ..؟

~ اه اه طبعا

• مش هتتغيرى ابدا عايزة الموضوع يخلص وخلاص

~ انت عارف انى مبحبش كلام الكبار اللى بيخنق

• امتى اشوفك كبيرة وناضجة

~ بعيد الشر عايزنى اشيب واعجز لاء يابابا انا لسه صغيرة ..

★ فعلا انت لوحدك هتفضل تجازف في الدنيا لوحدك مش ضعف بس انت لازم تتعود تكون لوحدك دايما علشان لو الي بيشجعك اختفي ..
تعرف تكمل انسي العالم والناس ركز في مستقبلك وبس فكر نفسك انك تقدر ع المستحيل ..
‏و تستاهل تتكسر تاني لو رجعت لحاجة كسرتك، تستاهل يتوجع قلبك الف مره تاني لو عافرت في حاجه ربنا شاء انها متبقاش من نصيبك ، انسى علشان تعرف تكمل .. بلاش تدمر تفكيرك وحياتك على حاجه انت عارف ومتأكد انها مستحيل ترجع ..
محدش بيتأذي غيرك ..