مجنونتى حور

البارت التالت

فضلت تسال نفسها اسئلة كتير مين هو الشاب الوسيم ده .. وازاى شاف امنياتى وبعدين اخذت الزجاجة ورجعت البيت وقالت لطنط نعمة انها هتسيب البيت وفعلا سابت البيت وراحت سكن المغتربات ولحسن الحظ او لسوء الحظ فضلت فى اوضة لوحدها احساسها بالغربة زاد وحست اكتر بالوحدة فعدى يوم واتنين وكل يوم احساسها بالوحدة بيزيد ..
وفى يوم ع العصر كده نزلت تشترى قهوة وهى ماشية لمحت اسم محل لبيع الاكلات المصرية باسم كل براحتك وعلى راحتك استغربت وقررت تدخل وبعد عده دقائق جاء الجارسون وادلها القائمة وقالتله ممكن شويه وقاللها تمام اول متقررى ناديلى وفعلا مشى وهى فضلت تنظر حولها باستغراب اكتر واخذت تقول : ليه الناس دى كلها كده بتتصنع المثالية .. اسم المطعم مش منطبق عليهم بياكلوا وهما اصلا مش ع راحتهم خالص طب هما ليه بيتصنعوا الايتيكيت والله احنا غراب جدا .. انا لازم اعمل حاجة وخطرت ع بالها فكرة ..نادت ع الجارسون وطلع وقلم علشان يسجل الطلبات
- اؤمرى يافندم تحبى نبدا بالشوربة
حور: لاء انا عايزة حاجة غريبة ومختلفة طبق فى كل حاجة فاهمنى
- اسف يافندم بس بصراحة مش فاهم حاجة ممكن توضحى
حور : طب افاهمك ازاى؟ لاقيتها ناديلى الشيف
- طب ممكن اعرف ليه ؟
حور: لانك مش هتفهم طلبى
-تمام يا فندم .. هنادى عليه
فى المطبخ ،
- ياشييف ياشييف
الشيف : ايه يابنى ادم الدوشة اللى انت عاملها دى .. انت عارف انى مش بحب الدوشة
- يعم انت هتتنفخ فيها
الشيف : بقا كده .. طب يالا بره من غير مطرود
- استنى يعم فكرتنى فى بنت بره عايزك
الشيف : انا ميت مرة قايلك محدش لازم يعرف انى بشتغل هنا انت مجنون يابنى
- اهدا يستا البنت دى مختلفة ومش زى البنات اللى دايما بتجى تسال عليك
الشيف : وايش عرفك يا نابغة عصرك
- اتريق اتريق اطلع وشوف بعد تفكير قرر يطلع وراح عندها وقال افندم طلبتنى .. فى نقص حضرتك
حور : لاء ابدا بس الجارسون مكنشى فاهمنى فقولت انت ممكن تفهمنى مع انى اشك
الشيف: نعم ياختى تشوكى
حور: ايه ياختى دى .. بعدين ايوا اشك انا اللى اعرفه الشيفات بتبقا كبيرة فى السن فاستغربت معالينا هتعرف تساعدنى
الشيف: اولا مش كل الشيفات كبيرة ثانيا افندم عايزة ايه
حور : عايزة طبق غريب يبقا مينفعش يتاكل هنا
الشيف ايوا يعنى عايزة ايه..؟
حور: افاهمك ازاى بس ؟! بص انا عايزة محشى ووبص انا عايزة اكلة تتاكل بالايد
الشيف : ممكن اعرف ليه ممكن افهم اكتر واقدر اساعدك
حور: اوكى هقولك اسم مطعمك بيقول كل براحتك صح
الشيف: مظبوط
حور: بص بقا ع كل الناس دى هتلاقيهم مش بياكلوا براحتهم وبيتصنعوا فهمتنى يعنى عايزة ابدا انا وانت اكيد عارف ايه اللى هيحصل
الشيف: معاكى حق دقايق وطلبك يكون جاهز
الشيف كان هيمشى فحور وقفته وقالتله ممكن متكترش علشان المزانية وكده
الشيف: تمام وبعدين مشى وقال للجارسون مش بتحب التصوير جهز موبايلك وورينى شاطرتك .. ودخل وبعد دقائق طلع وبعدين عمل دوشة علشان الناس تلتفتله وبعدين حط الطبق الملئ بكل انواع المحشى بالاضافة الى الحمام
الشيف: بتمنى يعجبك
حور: شكرا
ذهب الشيف  وحور بدات تاكل كانت بتاكل محشى بايديها وهو سخن وكانها فى البيت ومش بتصبر او تقول سخن وكده لاء مستمرة لدرجة ان الناس كانوا مستغربين واللى يقول مش كده انتى فى مكان عام ده بيحصل فى البيت مش فى مطعم وراجل كبير بيقول يابنتى انتى باينة مفجوعة وهى ولا هنا وفضلت تاكل ومش بتبص ع حد وبعدين الناس بدوا يطلعوا موبايلهم ويصوروها وبعد ماخلصت طلبت الحساب ..فلاقت الشيف جاى ومعاه طبق مليان شيكولات عبارة عن حاجة متغرقة شيكولات من كل الانواع حور انبهرت بيها جدا واخدتها منه وبدات تاكل والشيكولات بقت ع كل وشها وبرده مهماش وكملت وبعدين بصت حوليها لاقت اللى لسه بيصور ففضلت تبتسم لهم وتضحك وكانها من المشاهير ودول الصحافين اللى جايين يصوروها فضلت تعمل وضعيات علشان اللى بيصورها والناس فضلت تضحك ع المجنونة بتاعتنا وبعد الكثير من التصوير دخلت للشيف وقالتله بجد تسلم ايدك الاكل كان بيجنن الحساب كام بقا ..؟
الشيف: الحساب اعتبريه ادفع وبعدين انت عملتى وهتعملى دعاية للمطعم ده يعتبر كادو مننا لحضرتك
حور: بس ده كتير وبعدين عملت دعاية ازاى
الشيف طلع الموبايل ووراها الفيديو اللى جارسون صوره انصدمت ان كان شكلها بيئة اوى كده بس ضحكت وقالت انا فعلا مفجوعة اوى بص اللى يشوفنى يقول ماكلتش محشى قبل كده وفضلت تضحك وبعدين قالها اللى تعمل كده تبقا جريئة اوى
حور ضحكت وقالت يعنى فى رايك ابقى اجراءة بنت فى اسكندرية
الشيف ضحك وقال طبعا يا.. 
حور اسمى حور  
عمر اتشرفت بمعرفتك ..
شكرا يا عمر بجد ..
ممكن اسال سؤال شخصى ..
لاء مش مرتبطة ..
                                 
    ••••••••••~~~~~~~~~~~~~~~••••••••••

بتمنى بارت انهاردة يكون عجبكوا 😍🥰
هستنى رايكوا سوا نقد ايجابى او سلبى
دمتم بخير ❤️❤️✨