#نيران_حبه
#ساسوو
#ساره_ علي_مسعد
الفصل السابع❤️
****************
سناء وقفت بهدوء ورفعت كتفها ببرود :
مش هقنعها تتجوز وهي متجوزه اصلا
سامح الجمله لجمته ومش عارف ينطق وبيردد بتوهان :
متجوزه...متجوزه.... ازاي ومين وامتي
سناء قعدت تاني واخدت نفس طويل قررت تفضح السر لابنها علشان يبعد فكرة جواز سيلا دي خالص بصلته بهدوء :
هو ايه اللي ازاي ومين هيكون مين يعني جوزها هي اتجوزت غيره
سامح بصدمه : ازاي ياامي وهو مطلقها
سناء بهدوء : ردها
سامح بحيره : ردها طب ليه اتجوز ولاء انا مش فاهم حاجه
سناء : انا عن نفسي مش فاهمه بقالي تلات سنين مش فاهمه ليه طلقها طالما بيحبها وليه ردها ومانعني ان اقول
سامح بصلها وهيا هزت رأسها بهدوء وبدأت تحكيله عن اليوم اللي ادهم كلمها فيه بعد طلاقهم بااسبوع وسفرهم السويد
&فلاش بااااااك &
سناء كانت قاعده في شقتهم اللي في السويد بتقلب في مجله تسلي نفسها بعد ماسيلا نزلت شغلها اخيرا بعد اقناع كبير منها ومن نادر انها تتخطى الازمه جرس البيت رن وهي قامت تفتح اتفجأت بأدهم قدمها ضيقت عنيه بااستغرب وربعت ايديها :
نعم عايز ايه وجاي ورانا ليه
ادهم دخل وقفل الباب وراه وقرب منها وباس رأسها وفك ايديها اللي مربعها :
وحشتيني ياست الكل جاي اطمن عليكم
زقته بعيد عنها براحه ومسكت ودنه :
طالما متنيل علي عينك ومش قادر علي بعدها بتطلقها ليه وتعمل فجوه بينك وبين ابن خالك لا وكمان تطلق البت المسكينه وتتاهمها بالخيانه ياابن ساميه
ادهم حاول يبعد ايديها عن ودنه اللي وجعته لحد ماقدر فعلا يبعدها ومسك ايديها وباسها :
ابوس ايديكي اهدي وانا هفهمك اهدي
سناء بغضب وبتضربه : اهدي ايه يادبش ياحيوان بطلق البت في وقت محتاجك فيه ياغبي
ادهم صرخ براحه : اهدي بقا ياجدتي سيلا لسه مراتي اهدي
سناء وقفت بصدمه : نعم يااخويا لسه مراتك ازاي وانت طلقتها قدامى مراتك ازي
ادهم قرب منها بترقب وساعدها تقعد وقعد قصادها علي الارض :
ردتها ياجدتي من يومين ردتها عند مأذون
سناء بحيره : طب ليه طلقتها بس فهمني
ادهم بهدوء : ست الكل مقدرش اقولك اي حاجه كل اللي اقدر اقوله اني مصدقها
سناء بفرحه : دي سيلا هتفرح اوووي متعرفش انت حالتها عامله ازاي دي باعيني دبلانه ومش وسرحانه ديما
تنهد ادهم بتعب : بس انا مش عايز سيلا تعرف ياجدتي ولا اي حد
سناء بدهشه واستغراب : ليه ياادهم ليه يابني مش عايزها تعرف ليه
