#نيران_حبه
#ساسوو
الفصل السابع عشر ❤️
***************
طرقت باب غرفتها ودخلت وجدتها تقف في منتصف الغرفه حائره التفت اليها سيلا بهدوء تقول :
هي المشايه اللي في اوضة الالعاب تنفع تيجي هنا
رفعت دعاء حاجبها بدهشه توقعت ان تكون غاضبه او تبكي لما قالته تلك الحيه لفتحها جرحا حاولت سيلا بقدر الامكان نسيانه اقتربت منها :
مشايه ايه ياسيلا اللي بتسألي عنها
سيلا ببرود : هتكون ايه يعني يادعاء عايزه اتمشي فيها ايه
هزت دعاء راسها بيأس : انتي غريبه واحده تانيه كانت غضبت وقلبت الدنيا لكن مش تكون بارده بالشكل دا في ايه ياسيلا
رفعت كتفها بلامبالاه : في ان انا اغضب لو الموضوع فارق معايا
دعاء بذهول : والموضوع فعلا مش فارق معاكي....مش فارق معاكي.....مش مصدقه مش فارق معاكي ان ادهم كدا خلاص مصيره بقا مع الحيه دي
تحدثت ببرود : والله محدش راح قاله اتجوزها ومحدش راح قاله خلف منها ثم انا شايفه ان اخوكي ذات نفسه عادي انتي تزعلي ليه المفروض تفرحي زي عمتك
وقفت غاضبه تصرخ في وجهها بغيظ :
سيلااا في ايه ايه الجحود دا انتي مش كدا جوزك مع واحده تانيه في حضنها انتي واعيه لدا
اتكأت علي عصايتها تقف امامها بكل هدوء :
اعمل ايه يعني اروح اسقطها زي ماسقط مثلا ولا اعمل ايه ها
اتسعت عينيها مذهوله لتكمل سيلا ببرود :
ولا اخير اخوكي بيني وبين ابنه اللي بسببه طلقني من تلات سنين واتهمني بقتله اللى انا اصلا لحد دلوقتي معرفش سبب اجهاضي مجرد اتهام اخوكي ليا وان اخدت دوا اجهاض وانا اساسا مش فاكره انا اخدت من الدوا دا ولا لاء
دعاء بدهشه : انتي مش كنتي قولتي انك اغمي عليكي في الشركه والدكتوره قالت اجهاد!
هزت راسها ايجابا : دا اللي احنا نعرفه بس اخوكي والادهي كمان الحيه مراته عارفه بالموضوع
دعاء بهدوء مخيف : معقوله تكون السبب
نظرت لها بهدوء ترفع كتفها ببرود :
مش فارق معايا ان كان هيا ولا غيرها مش هيرجع البيبي لبطني تاني
اشفقت دعاء عليها كثيرا كانت سيلا فرحه كثيرا بذالك الحمل هي اول من علمت عنه وعلمت انها كانت تخطط لمفاجأة ادهم بذالك لكن منذ ان علم وبدات المشاكل تفتح أبوابها ليمر يومين فقط يومين وتحدث تلك الحادثه باتت علي يقين ان تلك الحيه لها دخل في ذالك وان هناك يد خفيه تساعدها
*****ساسوو******
كان في غرفته جالس علي مقعده بهدوء عكس مابداخله من غضب ينظر لجهاز اللاب توب الخاص به يقول ببرود :
لا سيبهم كدا علي عماهم لحد ما يوقعوا نفسهم بنفسهم
ظهر علي شاشة جهازه صورة اياد يجلس هو الاخر في احد الغرف يضع قدم فوق الاخري يبتسم ساخرا :
وقعوا في ايد الصياد اللي مش بيرحمو بس انت عرفت ازاي انها بتخونك معاه وانها اصلا حامل منه
