#نيران_حبه
#ساسوو
#ساره_ علي_مسعد
الفصل الثاني ❤️
************
نزلت من العربيه والتقت عنيهم في نظره غريبه احاسيس. كتير عصفت قلبها اشتياق وجع غضب حب اتمنت لو يشيل النضاره اللي علي عنيه مشتاقه لنظرة عنبه اتمنت لو تجري تترمي في حضنه مدت رجليها وبتمشي ناحيته وشبه ابتسامه هتلعن عن فرحتها لكن فجأه وقفت خطواتها وشريط الذكريات المؤلمه بيمر قدامها وكلمة انتي طالق بترن في ودانها اتجمدت مكانها واتغيرت ملامحها وفضلت واقفه جامده
اما هو فكان مراقبها من اول ما نزلت من العربيه ومتابع تغير ملامحها قربو من بعض وبدون مشاعر وقفو قصاد بعض مد ايده يسلم عليها وهي بصت لايديه وبعدها بصتله واتكلمت بجمود :
اسفه ياباشمهندس مبسلمش علي راجل غريب
ادهم رجع ايده بحرج وغضب وكان هيرد عليها لكن سناء اتكلمت قبل ماهو يرد والوضع يسوء :
يلا ياحبايبي نطلع بدل وقفتنا دي
دهم ابتسم وقرب منها وباس راسها :
اسف ياست الكل عندنا اجتماع مهم جدا دلوقتي يادوبك نلحقه
لوت سناء شفتيها بضيق :
يعني مش هتتغدا معايا ياادهم
ادهم بحب : حقك عليا ياقلبي بس بجد الميتنج مهم الشركه داخله مشروع كبير جدا ومبنفعش يتأجل
تليفونه رن وكان المتصل ولاء مراته بتلقائبه رفع نظره لسيلا ومتردد يرد وفكر يتجاهل المكلمه بس مع اصرار الرنين رد :
ايوه ياولاء
اول ماسمعت اسمها بصت ناحية وفضلت متبعاه لحد ماخلص بصت لجدتها
انا طالعه لان تعبت من الوقفه
هزت سناء رأسها بتفهم وسيلا نقلت لدعاء وتابعت :
ابقي كلميني بليل علشان اعرف لسه ناقص ايه
اعتذرت وتحركت تحت نظرات الجمبع
******ساسوو******
في فيلا الصياد
ولاء حدفت موبايلها بعنف علي الكنبه تحت نظرات نورهان المذهوله بصتلها بدهشه وولاء هي كمان بصتلها واتكلمت بغضب :
يعني ارتاح منها تلات سنين ومحدش يعرف عنها حاجه ولا حد بيجيب سيرتها وهو اول مايعرف انها اتنيلت وجات يروح جري عندها
اقتربت نورهان منها بهدوء تربت علي كتفها وبتحاول تهديها :
اهدي بس وفهميني في ايه ؟!
ازالت ايديها من علي كتفها بعنف :
متقوليش اهدي دي ماهو مش انا اطلقهم واستنا تلات سنين بحالهم علشان نتجور وفي الاخر تيجي تاني واتاخده
ضيقت نورهان عينيهل بااستغراب :
طلقتيهم ! قصدك ايه ياولاء ؟!
لعنت نفسها علي غبائها وبتكلم نفسها :
هي ناقصاك مش وقتك انتي كمان
بصتلها واتكلمت بهدوء :
اقصدي انه لما عرف انها اللي قتلت ابنه وماصدقت انه طلقها ماانتي عارفه يانوني
هزت نورهان رأسها بتفهم : طب انتي زعلانه ليه دلوقتي هو رايح لجدته مش ليها... وبأفعالك دي هتخليها تأخده منك والمره دي مش هتعرفي ترجعيه
