#ساكتفي_بالواقع_ولن_احلم_بالمستقبل
الحلقة الاولي
الحاج : شن ياحاجة مافي طويسة شاهي
الحاجة : هيا هي
نسرين : خليك ياعميمه توا نجيب انا ...صبيت
الحاجة : الله يربحك يابنيتي ديما متعبتك
نسرين : اي تعب انتم اهلي مانجيب لاعز منكم ...عديت للمطبخ
الحاجة : وين ماشيه لابسه
صفاء : بنعدو لعمو محمد انا وصلاح
الحاج : كنكم في شي
صفاء : لالا بنشوف ويه ليا ايام عليها ونقولولهم علي الزرده
الحاج : باهي طريقكم بيضاء بعد مافي حاجة سوو
صفاء : لالا مافي شي
احمد : السلام عليكم صفصف صلاح قالك هيا راهو رقيتله طولتي يخطب براهههههه
صفاء : ههههه حي عليا ....طلعت نجري
الحاجة : ديما مطيور هالفرخ
احمد : هضا صلاح عاد ....قعمزت جنبهم
نسرين : جيت وجبت صفرة الشاهي والكعك ....تفضلي يااعميمه ...حطيتها قدامها
الحاجة : نجك ليااا قعمزي هي
نسرين : قعمزت جنبها
الحاجة : صبيت الشاهي ومديت للحاج ....تفضل ياحاج
الحاج : يزيد فضلك وصحيتي يابنيتي تعبناك
نسرين : مافش تعب والله وكله راحة ليا
الحاج : اهو مش قدامك بس نحكي هك بس والله ديما نقول فيها للحاجة نسرين مستحيل تجي كنه زيها ولا واحدة منهن تاخذ مكانها ربي يكملك بعقلك وربي يحفظك ويسعدك
الحاجة : امين واي والله كل مانلتموا الحاج يقولي فيها
نسرين : وانتم اهلي والله هضا واجبي مافش جميل
احمد : اشكروني حتي انا عاد ههههههه مافش زيي راهو
خالد : خياااانه شكيره من ورانا وانا كني
احمد : ههههه بسم الله وانت ديما زاقب من وين طلعت
كلهم : ههههههههه
الحاجة : كان جوا داره هههه
خالد : ننقنا نسرين مافش زيها ماتقصر مع حد وانا مع كلام الحاج
احمد : اوووو خلود يشكر فيك
خالد : تي ديما نشكر فيها اسالها ياحانط
نسرين : اي والله خلوده عمره ماقصر
خالد : يعني اطلع منها انت هههههه
احمد : ههههه طالع من مبكري راهو
كلهم : هههههههههه
~~~~~~~~~~~~~~~~~~~
