#سأكتفي_بالواقع_ولن_أحلم_بالمستقبل
الحلقة 9
صلاح : اليوم من الصباح نرن علي سحر مافش رد ونداز في رسائل نفس الشي انشغلت عليها فصلت من الشغل وعديت شور حوش عمتي زكيه وصلت قدام الباب لقيت صبايا طالعات منهم خليتهن ركبن السيارة وجيت دقيت فتحتلي عمتي زكيه ....السلام عليكم
زكيه : اهلين حبيبي تفضل انست ياعمتي
صلاح : تانسك الجنه كيف حالكم جيت نسال عليكم
زكيه : تفضل ياغالي سلمك نشاد
صلاح : غير نشغلت عليكم كيف وين حسام
زكيه : طلع بعد العصر عشان جايين عرب
صلاح : عرب عليش كنكم ان شاء الله خير
زكيه : اها خير عرب يخطبوا في سحر
صلاح : ششششنووو كيف
زكيه : كنك بسم الله
صلاح : انتي عارفه الي بيني وبين سحر كيف جوها عرب
زكيه : كان عندك فيها نصيب مانلقي خير منك
سحر : ماما .... طلعت لقيت صلاح برا ....صلاااح
صلاح : وين نرن من الصباح ماتردي تريتك توتي في روحك للعرسان
سحر : كنك معصب هما عرب جايين يشوفوا
صلاح : بس عمتي قالت يخطبوا
سحر : باهي ويخطبوا عادي زي كل البنات يجوا عرب يخطبوا فيهن عادي
صلاح : كيف عادي تي انا كم مرة نقولك نديرو شي رسمي انتي ترفضي عليش تستقبلي في العرب من الاساس بعد انتي ماتبي او انتي عاجبك الجو وتبي
سحر : فكني من تعصيبك عادي عرب جايين ويخطبوا ونقولوا مافش نصيب مش موضوع
صلاح : قولي الي تبيه ....صبيت وسيبتهم وطلعت
روحت رقيلي خشيت مانحق في شي قدامي انا خاشه قبلتني صفاء وايناس وايه يضحكن في الجنان جيتهن ......لمي روحك انتي وياها في حوش ناس قاعدات مش شارع
صفاء : نصدمت من كلام صلاح ....كنك انت
ايناس : رقتلي من كلمة صلاح .......انت لم روحك كنك هك تحكي معانا
صلاح : نحكي كيف مانبي مش شوركن انتن لمن روحكن قاعدات تسهوكن في الجنان
صفاء : بسم الله انت كنك راهو نكلم بابا احترم روحك عيب هك تحكي
ايه : بدون مانحكي صبيت وخذيت القيله بتاعي وجيت بنعدي
صلاح : وين ماشيه
ايه : بنروح حول من قدامي
صلاح : السيابه في حوشكم تطلعي وتمشي بروحك
ايه : امباه ... سيبته وعديت شور الباب
صلاح : ماتفهميش انتي او شن
