#سأكتفي_بالواقع_ولن_أحلم_بالمستقبل
الحلقة 4
احمد : عطيهن الكورة كنك انت
ايه : انت شن جايك منهن مش شورك
صلاح : اصلا عارف انتي صاحبة الافكار الساقطه
خالد : هاااي انت لم روحك
حسام : صلاح عيب كنك ياراجل
ايه : خلوه هضا متخلف اصلا وتفكيره هو الساقط
صلاح : شن قلتي هاااا ...جيت شورها
احمد : صبيت قدامه .....وخر لوره
الحاجة : يافرخ خليهن يلعبن راهو نحرش فيك الحاج
نهارك احرف
صابرين : والله ياوليدي مادارن شي غلط يلعبن بس
زكيه : لالا عيب ساد غير عياطهن شن هضا عنده حق
ايه : نلعبوه نحن مافي شي عيب شن تحقوا فينا نديرو
صلاح : صكري فمك خير مانصكره لكي وانتلفن جوا هيا
خالد : تي لم روحك واحكي كويس كنك انت
ايه : عارف ماتبي تعطي الكورة والله نعدي لعمو نحرشه فيك
صلاح : اقلبي وجهك
ايه : تم ....عديت شور شاليه خالوا
خالد : توا يبالك مع باتي
صفاء : خليه يستاهل
صلاح : شن رايك تقلبي وجك انتي
احمد : احترم روحك قدامي تحكي هك معاهن هات الكورة قلت
صلاح : حول يااحمد مش شورك
خالد : الصبرر يارب .........فجاة
الحاج : صلاااااح كنك مع البنات
صلاح : نصدمت بعد جابت باتي بجد .... ااااه لاشي
ايه : مايبش يعطينا الكورة
صفاء : وقالنا خشن جوا ويهزب
ايه : مش نحن استاذنه منك ياعموو قبل نلعبوا
الحاج : صح ويه جت واستاذنتني وقلتلهن عادي وبعدين ليش جايين للبحر مش عشان نغيرو جو وانت مالك بيهن
الاء : عطينا الكورة
صلاح : هنا يتعايطن والدنيا تتفرج عليهن
خالد : تي البحر فاضي راهو
احمد : مافي حد غير انت تتسبل وتكلمنا معه مادورش وحتي امي قالتله مابش يعدل
الحاج : عطيهن الكورة وسيبهن في حالهن هيا امشوا وخلوهن
صلاح : عزقت الكورة وعديت شور الشاليه
الحاج : هيا كلكم شور الشاليه سيبوهن مع امهاتكم
خالد : تم ....عدينا وسيبنهم مع باتي
