#سأكتفي_بالواقع_ولن_أحلم_بالمستقبل
الحلقة التانية
احمد : صفصف اكتبيلي انتي ونسرين شن ناقص عشان نعدي نجيبه توا خير
صفاء : كتبت ماما ونسرين
احمد : وين الورقة باهي
نسرين : عند اعميمه توا نجيبها ....صبيت لقيت اعميمه جايه ....اعميمه ورقة الطلبات وين
الحاجة : في المطبخ
نسرين : توا نجيبها
احمد : باهي بالمرة فنجان قهوة معك
نسرين : حاضر هيا
صفاء : توا نجي نساعدك ....خشيت معاها
الحاجة : باتك طول حسيته
احمد : عند عمي محمد اعرفيه ديما يطول غادي ...نحن نحكوا فجاة يخش علينا خالد وصلاح يتهارجو ويتعاركوا صبينا نجرو .....هيييي كنكم بسم الله
الحاجة : نقص صوتك انت وياه كنكم
خالد : والله نهار بوه اسود كيف هك يقولي نعدي بناخذ وداد طلع راجلها قالي مانبهش تعدي هك
صلاح : تي راجلها ياهمي كنك انت
الحاجة : عادي مراته وحر فيها مايبيها تعدي كنك انت يافرخ
صلاح : تي دار طحنه مع الراجل
احمد : حي علي بوك شن درت نعنجد وجك
صلاح : والله عديت جبته من غادي داير طحنه مع الراجل ومفجع اختك واعيالها الغبي
خالد : لم فمك غبي عينك
احمد : غبي وستين الف غبي نعنجد اصلك شن دخلك بيها انت عندها راجل وتمشي علي شوره قال لا يعني لا
الحاجة : حي علي العار وعلي الفضايح وحي عليك من بوك نهارك احرف
خالد : تي مازال نهاره ماخذه نصيبه
احمد : كنك انت يامتخلف هذي مراته ماتطلع من شور راجلها اخسارة مانك راجل وعارف الشي هضا وباتك بروحه مع امك كلمته هو الي تمشي والكلمة تمشي عليها وعلينا كلنا
صلاح : فوته هضا مايفهم ......برمة بنعدي يمسكني من دبشي
خالد : شن قلت هااا من مايفهم هاااا
احمد : سيب خوك بطل اهبال سيبه يافرخ نحكي انااا
الحاجة : والله احسابك عند باتك سيب خوك
صلاح : حول يدك احسن مش وقتك
احمد : مش محوولهااا هي
صلاح : واندفه بكل قوتي يجي طايح
احمد : وقف بيضرب صلاح وانجي قدامه .....وقف بلا اهبال
خالد : تي حووول من قدامي
أنت تقرأ
سأكتفي بالوقع ولن أحلم بالمستقبل .(منقوله)
Roman d'amourروايه ليبيه بتمنه تعجبكم (لم تكتمل بعد)
