#سأكتفي_بالواقع_ولن_احلم_بالمستقبل
الحلقة 11
ايه : طلعت من الزحمه وخشيت في طريق القاعات فطنت لسيارة ماشيه وراي استغربت كل مانخفف السرعه يخفف بعد نجري يجري خفت وكانت السيارة ظلام اسود قعدت نجري بسيارة وسيارة ورايه معش عرفت شن اندير رنيت علي صفاء فتحت
صفاء : ههههه رايفتي عليا
ايه : صفاء من جايبكم عطيه ليااا بسرعه
صفاء : كنك
ايه : تي جيبيه بس
صفاء : صلاح شوف ايه
صلاح : كنها
صفاء : تي شوفها تبيك
صلاح : الو ايه
ايه : صلاح انت وين قريب من طريق ال....
صلاح : قدامي كنك شن في
ايه : في سيارة تجري ورايه وانا بروحي في طريق هذي
صلاح : تعرفيه
ايه : معتمه السيارة ولونها رصاصي
صلاح : انا في طريق جاي رد بالك توقفي وين بضبط انتي
ايه : انا في جهة الكافيهات نمشي
صلاح : تمام انا قريب منك
ايه : الرصيد بيفصل ،،،،،طووووط ....نعنجده فصل ....شويه ورن رقم غريب عليا فتحت ....الو
صلاح : ايوا انا صلاح
ايه : ههههه نحسابك خالد ....فجاة ....وااااك ياااحمااار
صلاح : كنك شن في
ايه : خبطني من لوراء ودارلي بضي الفريتشات
صلاح : ماتوقفش تسمعي فيا انا قريب منك خلاص
ايه : باهي حي هضا وقف علي محل ال.... راهو
صلاح : كملي طريقك انتي
ايه : باهي اصلا خلاص قريب من قاعة انا ،،،،،،،،،، طووووووط..... شويه ووصلت وقفت السيارة ونزلت خشيت للقاعة
~~~~~~~~~~~~~~~~~~
صفاء : وصلت قالتلك
صلاح : اهاا وصلت ....خطمت من جنب المحل الي قالتلي عليه ايه شفت السيارة برا وقفت علي جنب ...توا نجي
الحاجة : تي وين ماشي يافرخ وقت علينا
صلاح : نجيب رصيد بس .....نزلت بسرعه للمحل لقيت شابين جوا وواحد منهم هو الي في صباح شفته في المحل بتاع مشكلة ايه عرفته طول
صاحب المحل : تفضل ياخونا
صلاح : انا جاي بنقول كلمتين للشاب هضا
الشاب : اناااا
صلاح : طروح تلاحق في بنات الناس بسيارة واضايق فيهن فوتها تمام واخر مرة هذي تجي شورها البنت تفهم
