ထူးသက်ကျော် စာသင်ချိန်ပြီးတော့ နွေဦးရိပ်ကို နှုတ်ဆက်တယ်။
"ငါ အိမ်ပြန်တော့မယ် မင်းနဲ့ ခင်ရတာ တကယ်ကို အဆင်ပြေပါတယ်"
"ဂင်ချားနား "
"အေး "
"ငါရဲ့ အခန်းဖော်က မလာသေးဘူးကွ "
"အော် ဟုတ်လား ဘယ်အခန်းလဲ"
"အခန်း ၈ A အပေါ်ထပ် လေ ဟိုထောင့်ဆုံးခန်း"
သူနေရမယ့်အခန်းကို ညွှန်ပြတယ်။
"ခနဟ ငါကြည့်လိုက်ဦးမယ် ငါ့အခန်းကို"
ထူးသက်ကျော် သူကျူရှင် ကတ်ကို ဆွဲထုတ်ပြီးကြည့်လိုက်တယ်။
" ငါ ၈ Bဟ "
"အော် အဲတာဆို ငါတို့ ၂ယောက်က မျက်နှာချင်းဆိုင်ပေါ့ "
"အေးပေါ့ အခန်းလဲလို့ရချင်ရင် ရမှာ မင်းအခန်းဖော်နဲ့ ညှိကြည့်လေ ငါလည်း ရောက်တဲ့နေ့ညှိကြည့်တာပေါ့"
"အေး ဘိုင့်ဘိုင်ကွာ"
"me too"
ထူးသက်ကျော် ဦးထုပ်ကို ဆောင်းပြီး ပြန်ထွက်လာခဲ့တယ်။ သူ့အရှေ့က သွားနေတဲ့ လူရဲ့ ကျောပြင်ကို ကြည့်ပြီး ကောင်းလင်းဆက်ပိုင်ကို သတိရလာတယ်။
မင်းလည်း အခုဆို ရန်ကုန်ကို ရောက်နေမှာပဲ။ ထူးသက်ကျော် Blackpink ရဲ့ Stayသီချင်းကို တိုးတိုးလေး ညည်းရင် သွားနေတယ်။ 🎙️🎙️🎙️ရှေ့ကလူက နှေးနေတာကြောင့် သူ့ကို ကျော်တက်ပြီးသွားလိုက်တယ်။ အရှေ့မှာ ရေခဲမုန့်ဆိုင်ပဲ။ ချောကလက် နှမ်းကပ် ရေခဲမုန့်လေး ဝယ်သွားဦးမှပဲ။ သူဆိုင်ထဲကို ဝင်သွားတော့ နောက်က တစ်ယောက်လည်း လိုက်လာတယ်။ ထူးသက်ကျော် လှည့်ကြည့်ပေမဲ့ အဲကောင်က အရပ်ရှည်နေတော့ အပေါ်က ကြော်ငြာဆိုင်းဘုတ်က သူ့မျက်နှာကို ကွယ်နေသလိုဖြစ်နေတယ်။ အရေးမကြီးပါဘူး။ သူနဲ့မှ မသိတာ။
"အစ်ကို ထောပတ်သီး အရသာ နဲ့ ချောကလက်အရသာ ၂မျိုးပေးပါ နှမ်းကပ်ပါယူမယ်"
"နှမ်းကပ်က မြေပဲနဲ့ပဲရမယ် ယူမလား"
"မြေပဲ မထည့်နဲ့ ကျွန်တော်နဲ့ မတည့်လို့"
"အဲတာဆို အစ်ကို အသစ်လုပ်ပေးမယ် စောင့်ရင်းနဲ့ အစ်ကိုတို့ဆီမှာ အသစ်ထွက်တဲ့ ဒိန်ချဥ်ရေခဲမုန့်ကို မြည်းပေးပါလား"
YOU ARE READING
FANCY U
RomanceName - Fancy U Main characters - ဗညားမင်းခန့်ပိုင်၊ထူးသက်ကျော် Cove in Clover series - 1 Version - Both Unicode and Zawgyi Versions Chapters - 48 completed Description -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျ...
