တီ.....တီ.......တီ
ဗညား စာရင်းလုပ်နေတုန်း ဖုန်းမြည်လာတာကြောင့် ကြည့်လိုက်တော့ ထူး။
"Hello ထူး"
"အင်း ဗညား ညကျရင် club သွားမလို့ လိုက်ခဲ့မလား"
"ဘယ်သူနဲ့ သွားမှာလဲ "
"ကာရံတို့နဲ့လေ စစ်ခေါင်မှူးတို့ရောပဲ"
"ကိုယ် မအားသေးလို့ ညကျရင် အိမ်ပြန်လာခဲ့ နောက်ကျအောင် မနေနဲ့ ကိုယ်အိမ်မှာ စောင့်နေမယ်"
"အင်း အင်း ဒါဆို ဖုန်းချလိုက်ပြီနော် ဂရုစိုက်ဦး "
"ကိုယ့်ကို ချစ်လား "
"ချစ်တယ် မွ ဘိုင့်"
ချသွားတဲ့ ဖုန်းကို ကြည့်ပြီး ဗညားပြုံးမိတယ်။
ဒေါက် ..ဒေါက်...ဒေါက်
"ဘယ်သူလဲ"
"ကိုဗညား ကျွန်တော် ပုညမင်းပါ"
"အော် ပုညမင်း ဝင်ခဲ့"
"ညကျရင် အပြင်သွားချင်လို့ ပြီးတော့ ကျွန်တော့မွေးနေ့ အဲတာ ခွင့်တောင်းတာ "
"တခြားသူတွေရောပါလား "
"အဖွဲ့ထဲက လူတွေပဲပါတာ အခုသွားမှာကလည်း private clubမို့လို့ နောက်လဆို koreaသွားရတော့မှာမို့ သူငယ်ချင်းတွေနဲ့ တွေ့ချင်လို့ "
"okလေ bodyguard ခေါ်သွား ထိန်းထိန်းသိမ်းသိမ်းနေ သတင်းတွေ ထွက်လာရင် မကောင်းဘူး "
"ဟုတ် ကိုဗညား လိုက်ခဲ့ပါလား"
"တော်ပါပြီ ပုညမင်းတို့ပဲ သွားပါ"
"ကိုဗညားကလည်း ချေလိုက်တာ လိုက်ခဲ့ပါဆို "
တဂျီဂျီနဲ့ ပြောနေတာကြောင့် ခေါင်းညိမ့်ပြလိုက်တယ်။
ဗညားက koreaမှာရှိတဲ့ entertainment တစ်ခုနဲ့ ပူးပေါင်းထားတယ်။
တကယ်တော့ entertainment ဖက်ကိုသွားဖို့ အစီအစဥ်က မရှိ။
ဒါပေမဲ့ ကိုယ့်ရဲ့ အိမ်သူသက်ထား အလောင်းအလျာလေးက kpoper မဟုတ်လား။
idolတွေကို ကြည့်ရင်း နေ့တိုင်း အလွမ်းသယ်နေသူကို ချစ်ရပြန်တော့လည်း koreaကို သွားဖို့ အကြောင်းရှာရတာပေါ့။
မျက်နှာရလည်း နည်းလား။
အခွင့်သင့်ရင် စားရခွင့်တောင် ကြုံဦးမှာ။
ပုညမင်းဆိုတာက ဗညား မာမီ သူငယ်ချင်းရဲ့သား။
မာမီက မိတ်ဆက်ပေးလို့ စသိလာတာ။
သူတို့က talent ရှိလို့လည်းပါတယ်။
အာ့ကြောင့် ဗညားက ကူညီဖို့တွေးလိုက်တာ။
အခုမှ စလုပ်တာဖြစ်လို့ တော်တော်ပင်ပန်းတယ် ပြောရမလားပဲ။
နိုင်ငံခြားက အဖွဲ့အစည်းတွေနဲ့ ချိတ်ဆက်လုပ်ရတော့ အစည်းအဝေးတွေမှာ ကိုယ့်ဖက်က သေချာနေဖို့ လိုတယ်။
အဲတာကြောင့် ဝက်ပေါက်လေးကိုတောင် အချိန်သိပ်မပေးနိုင်။
ကိုကြီးကလည်း ပွဲတစ်ခုလုပ်ရင် ဝေးရင် မသွားပေမဲ့ အာရှတွင်းနိုင်ငံတွေဆို ကိုယ်တိုင်သွားတာမို့ မြန်မာက အလုပ်တွေ အကုန် ဗညားကပဲ ဦးစီးရတယ်။
အသက် ၁၉ နှစ်နဲ့ CEO ပေါက်စ တစ်ယောက်မို့ လူတွေက သိပ်တော့ မကြည်ဖြူချင်။
နောက်လဆို ပုညမင်းတို့ အဖွဲ့ က Traning ကာလ စပြီ။
ဗညားကတော့ တွေးထားပြီးသား။
ဝက်ကလေး ကျောင်းပြီးရင် အခုထောင်ထားတဲ့ ကုမ္ပဏီနဲ့ ဝက်ကလေးကို တင်တောင်းမယ်။
ဗညားအတွက် ငွေက အခက်အခဲမရှိပါဘူး။
ဒါပေမဲ့ ကိုယ်ချစ်တဲ့လူကို ကိုယ်တိုင်ရှာထားတာနဲ့ပဲ ထားချင်တယ်။
ညကျရင် club သွားရမယ်။
တကယ်ဆို ဗညား မလိုက်ချင်။
ပုညမင်းဆိုတာ သူ တာဝန်ခံထားတဲ့ dancer မဟုတ်လား။
YOU ARE READING
𝙁𝙖𝙣𝙘𝙮 𝙐
RomanceDescription -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျောင်းတွေ အသီးသီးပြောင်းရတဲ့အခါမှာလည်း ထုတ်ဖော်ပြောဆိုခွင့် မရှိခဲ့သော ထူးသက်ကျော်ဆိုတဲ့ ကောင်လေးတစ်ယောက်သည် အကြောင်းအမျိုးမျိုးကြောင့် အထက်တန်းကိုရောက်တဲ့အခါ သ...
