𝙁𝙖𝙣𝙘𝙮 𝙐

episode 26 unicode

အင်္ဂါနေ့။

မဟာကတော့ အလင်းသစ်နဲ့ Date ဖို့ ချိန်းထားတာကြောင့် မနက်ထဲက ရေမိုးချိုးပြီး ပြင်ဆင်နေလေရဲ့။
အဝတ်တွေကို စိတ်တိုင်းကျရွေးနေရတာ မနက်ထဲက။
အသက် ၂၆ အရွယ် လူတစ်ယောက်အနေနဲ့ first date အတွက် perfect ဖြစ်နေရမယ်လေ။
မဟာက အပြင်သိပ်ထွက်တဲ့လူ မဟုတ်လို့ အဝတ်တွေက ရုံးသွားဖို့နဲ့ ပွဲတက်ဖို့အတွက် suitတွေ သာများတယ်။
date ဖို့ပါဆိုနေ Roဆန်နေရမယ်လေ။
တစ်ခုမှ စိတ်တိုင်းမကျဘူး။
ဘယ်လို လုပ်ရပါ့။
အာ သိပြီ ပိုင်လေးကို မေးရမယ်။
VC ခေါ်တော့ အလုပ်လုပ်နေရင်း တန်းလန်းပြန်ဖြေတယ်။
ဗညားကို မေးပြီး ပြင်ဆင်လိုက်တယ်။
အရိုးရှင်း ဆုံးက အလိုက်ဖက်ဆုံးပါပဲ။
နောက်ဆုံးတော့ suitတွေလို လူကြီးဆန်ဆန် မဝတ်ဘဲ အပြာနုရောင်shirtကို ဂျင်းအဖြူရောင်နဲ့ တွဲဝတ်လိုက်တယ်။
ခါတိုင်းသပ်တင်နေတဲ့ ဆံပင်တွေကို ချထားလိုက်တယ်။
မှန်ထဲကို ကြည့်ပြီး မဟာပြုံးလိုက်တယ်။
သူ ဒီလို မဝတ်တာ ကျောင်းပြီးထဲကပေါ့။

"ဝိုးး ကိုကြီးက မအိုသေးဘူးပဲ great great လက်မထောင်ပြတယ် "

"ဟုတ်လား ဒါနဲ့ ပိုင်လေး မလာသေးဘူးလား ကိုတို့ ခနနေသွားတော့မယ် "

"အာ ဟုတ်သားပဲ ထူးတစ်ယောက်ထဲ ကျန်မှာ မဟုတ်လား လာပြီ လာပြီ "

ကမန်းကတန်း ဖုန်းချပြီး ​ပြေးလာတော့တယ်။

မဟာ အဆင်သင့် ဝယ်ထားတဲ့ ပန်းစည်းလေးကို ကိုင်ပြီး ဆင်းလာတယ်။

"ဝိုးး ဦးလေးကြီး လန်းလှချည်လား ဒီလိုကျတော့လည်း ဦးလေးကြီးက ချောသား အဲတာကို ဘာလို့suitတွေချည်းဝတ်နေတာတုန်း တမင်အိုအောင် "

"အေးပါကွာ ခနနေရင် ပိုင်လေး လာလိမ့်မယ် ဒါနဲ့ အလင်းသစ်ရော "

"ဟိုမှာ "

မဟာနဲ့ အရောင်ဆင်တူhoodieလေးနဲ့ ဘောင်းဘီတိုကလည်း အဖြူရောင်လေးပဲ။
ချစ်ဖို့ကောင်းလိုက်တာကွာ။
အနားကပ်လိုက်တာနဲ့ လာဗန်ဒါပန်းနံ့သင်းသင်းလေး နဲ့။
ဒီရှေ့က လူသားကို ကလေး၂ယောက်အဖေဆိုတာ ဘယ်သူယုံပါ့မလဲ။

"ကိုမဟာ အဲလောက်ကြီး မကြည့်နဲ့လေ အနေခက်တယ် "

ရှက်နေလို့ ခပ်ရဲရဲ ဖြစ်နေတဲ့ ပါး၂ဖက်ကို အသဲယားစရာ။