ဒီနေ့ဆို အလင်းသစ်ရဲ့ ကလေး ၂ယောက်က ၅နှစ်ပြည့်ပြီ။ အဲတာကြောင့် မွေးနေ့လက်ဆောင်အနေနဲ့ သဘာဝသစ်တောရွာလေးကို လိုက်ပို့ပေးဖို့ စီစဥ်ခဲ့ခြင်းပင်။ အေးချမ်းပြီး သဘာဝပတ်ဝန်းကျင်ကို ခံစားတတ်ဖို့က ငယ်ငယ်ထဲက သင်ပေးမှ ရတယ်။ မြို့နဲ့ အနည်းငယ်လှမ်းတာကြောင့် မနက်မလင်းခင်ထဲက အိမ်က ထွက်ဖို့ စီစဥ်ခဲ့ခြင်းပင်။ မနက် ၅ နာရီခွဲလောက်ဆို အဆင့်သင့်ဖြစ်နေပြီ။ ကလေးတွေကတော့ တက်ကြွလို့နေတယ်။
"ခန့်လင်းရေ မင်းပါးပါးကို ဆွဲကူလိုက်ဦး"
အလင်းသစ်က အစားအသောက်တွေကို ညထဲက ကြိုတင်ချက်ပြုတ်ထားပြီး ပြင်ဆင်ထားသည်။ကလေးတွေကို အပြင်စာစားတာကို သိပ်သဘောမကျတာကြောင့်ပင်။
"ကဲအဆင်သင့်ဖြစ်ရင် သွားရအောင် "
ဆောင်းဦးမို့လို့ သစ်တောထဲမှာ အေးနိုင်တယ်။အလင်းသစ်က အစိမ်းနုရောင်ကုတ်လေးကို ဂျင်းအဖြူလေးနဲ့ တွဲဖက်ဝတ်ဆင်ထားတယ်။ သားအဖသုံးယောက်လုံးက ဆင်တူခေါင်းစွပ်ပန်းရောင် ယုန်နားရွက်လေးတွေနဲ့။ လည်ပင်းပေါ်နေတာကြောင့် မဟာက သူ့လည်ပင်းက မာဖလာကို အလင်းသစ်ကို စည်းပေးလိုက်တယ်။
"အေးနေလိမ့်မယ် ပတ်ထားလိုက်"
"ဟုတ် ကျေးဇူးပါနော်"
အအေးဓာတ်ကြောင့် နှာထိပ်လေးတွေကို နီရဲလျက်။ ဝင်းဝါတဲ့ အသားအရေက အရောင်နုနုလေးတွေနဲ့ သိပ်ကို လိုက်ဖက်တယ်။ ယောကျ်ားဆန်တဲ့ ဟန်ပန်မျိုးရှိနေသလို ချစ်စရာကောင်းတဲ့ ဟန်လည်း ရှိတယ်။နှာထိပ်လေးကို ဖွဖွဆွဲညှစ်လိုက်တယ်။
"ချစ်စရာကောင်းတယ် "
"ပါးပါးရေ "
ခန့်ရှင်းက ကားပေါ်တက်ဖို့ အော်ခေါ်နေပြီ။ အလင်းသစ်က အနေခက်သွားတဲ့ပုံနဲ့ လ်ဝါး ၂ဖက်ကို ပွတ်သပ်နေတယ်။
"သွားကြရအောင်"
"ဦးဦး ခန့်ရှင်း အရှေ့မှာ ထိုင်မယ်"
"သခင်လေးရဲ့ သဘောအတိုင်းပါဗျ "
မင်းသားလေးတွေကို လုပ်ပြသလို ကိုယ်ဟန်ကို လုပ်ပြတော့ ကားရှေ့ခန်းကို ကျော့ကျော့မော့မော့ တက်သွားလေရဲ့။
YOU ARE READING
𝙁𝙖𝙣𝙘𝙮 𝙐
RomanceDescription -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျောင်းတွေ အသီးသီးပြောင်းရတဲ့အခါမှာလည်း ထုတ်ဖော်ပြောဆိုခွင့် မရှိခဲ့သော ထူးသက်ကျော်ဆိုတဲ့ ကောင်လေးတစ်ယောက်သည် အကြောင်းအမျိုးမျိုးကြောင့် အထက်တန်းကိုရောက်တဲ့အခါ သ...
