ဒီနေ့က မဟာတို့ Bangkok ကိုသွားမယ့်နေ့။
luggage တစ်လုံးစီသာ ယူလာခဲ့တာမို့ ပြသနာ မရှိ။
အလင်းသစ်ကတော့ ကလေးတွေနဲ့ ခွဲရတာမို့လို့ သိပ်တော့ မပျော်လှ။
လေယာဥ်မထွက်ခင်အထိ တတွတ်တွတ် မှာနေရှာတာ။
ထူးကတော့ ကလေး၂ယောက်နဲ့ ကျန်ခဲ့တယ်။
ကလေးတွေကလည်း သိပ်တော့ မငို။
၁၀ရက်လောက်ကြာမှာ မို့လို့ အလုပ်ကို ခွင့်တိုင်ပြီး ခွင့်ယူထားတယ်။
ဗညားကတော့ အလုပ်သွားဖို့ ပြင်နေတယ်။
ကလေးတွေက အရုပ်ဆက်တမ်းဆော့နေတာကြောင့် ခနထားခဲ့ပြီး အခန်းထဲ ဝင်လာခဲ့တယ်။
necktie ချည်နေတဲ့ ဗညားကို ကူပြီး ချည်ပေးလိုက်တယ်။
"ထူး "
"အင်း "
"ကိုယ့်ကို ဘာမှ မမေးဘူးလား "
"ဘာလဲ ဟိုပုညမင်းနဲ့ ကိစ္စလား"
"အင်း စိတ်ထဲ ထင့်နေတာမျိုး မရှိဘူးလား "
"ဟင့်အင်း ငါမင်းကို ချစ်ခဲ့တာ မင်းတစ်ယောက်ထဲကိုပဲ ချစ်တာ မင်းဘယ်သူ့ကိုပဲချစ်ချစ် ငါ ဂရုစိုက်ဘူး ဒါပေမဲ့ အဲလိုတွေ သတင်းတွေ ထွက်လာတဲ့ အထိဖြစ်နေတာတွေကတော့ ငါ့ကို စိတ်ပျက်စေတယ် "
"သဝန်တိုတာမျိုးလည်း မဖြစ်ဘူးလား"
"ဟင့်အင်း ကလေးဆန်လွန်းတယ် မင်းကို ယုံကြည်ထားတာမို့လို့ မင်းကြိုက်တာ မင်းလုပ်လို့ရတယ် ဒါပေမဲ့ အလိုက်တသိဖြေရှင်းချက် တစ်ချို့ကိုတော့ ငါလိုချင်တယ် ဥပမာ ငါ clubသွားတဲ့ညက မင်းတို့ တူတူတွဲကနေတာမျိုးပေါ့ အဲလိုမျိုးက ငါ မမေးလည်း ဖြေရှင်းသင့်တယ်လို့ ငါထင်တယ်"
"အင်းပါ ကိုယ်အနေအထိုင် ဆင်ခြင်ပါ့မယ် ပုညမင်းဆိုတာ ကိုယ့်မာမီသူငယ်ချင်းရဲ့ သားပါ အဲတာကြောင့် အရမ်းရင်းနှီးနေတာပါ ကိုယ်မင်းကိုပဲ ချစ်တာပါ"
"အင်း ဖြစ်နိုင်ပါတယ် "
ဗညားက ထူးကို ဗီရိုနဲ့ ကပ်လိုက်ပြီး နမ်းလိုက်တယ်။
လည်တိုင်အထိ အမှတ်တစ်ချို့လုပ်ခဲ့တယ်။
"စားချင်တာရှိရင် စာပို့လိုက် ညနေကျရင် အပြန် ဝင်ဝယ်ခဲ့မယ် "
YOU ARE READING
𝙁𝙖𝙣𝙘𝙮 𝙐
RomanceDescription -အလယ်တန်းကျောင်းသား ဘဝတုန်းက တိတ်တခိုးချစ်ရတဲ့ ကောင်လေးကို အလယ်တန်းပြီးလို့ ကျောင်းတွေ အသီးသီးပြောင်းရတဲ့အခါမှာလည်း ထုတ်ဖော်ပြောဆိုခွင့် မရှိခဲ့သော ထူးသက်ကျော်ဆိုတဲ့ ကောင်လေးတစ်ယောက်သည် အကြောင်းအမျိုးမျိုးကြောင့် အထက်တန်းကိုရောက်တဲ့အခါ သ...
