Magic Shop ( SELF-PUBLISHED - IMMAC PPH)

COMFORTING TEARS (3)

Three years ago.

"Seryoso ba kayo sa bagay na ito?" Napatingin ako kay Yshey noong magtanong ito at naupo sa tabi ni RM. "A band? Like someone will sing and the rest will play some instruments?"

"If that's your definition of a band, then yes, Yshey. Iyon ang gusto naming gawin," sagot ni Suga at may inilapag na papel sa ibabaw ng mesa. Tahimik kong kinuha ito at napangisi noong makitang mga listahan ito ng pangalan ng bandang nais nilang buohin.

"Kaninong ideya ba ito?" Tanong ko sa kanila at pinagpatuloy ang pagbabasa sa mga pangalang naroon.

"It was actually my idea," natigilan ako noong marinig iyon mula kay Vaughn. Hindi ko ito binigyan pansin at nagpatuloy lang sa pagbabasa. "We all love making, performing and playing music. Might as well seryosohin na namin ito."

"Hindi ba ito abala sa pag-aaral niyo?" tanong ko at inilapag ng muli ang mga papel sa mesa. "Matrabaho ang pagbabanda."

"Well, kung ikaw ang Band Manager namin, wala siguro kaming problema," ani Hope na siyang ikinakunot ng noo ko.

"Ako? Band Manager? No, thanks. Abala na ako sa musical club ng university. Ayaw ko nang dagdagan pa ang stress at trabaho ko," wika ko at napabaling sa kapatid ko. Nagkibit-balikat ako dito at nagpaalam na sa kanila.

Lumipas ang isang linggo ay wala akong narinig muli tungkol sa plano ng kapatid ko at ng mga kaibigan nito. A band? Seryoso ba talaga sila? That's a lot of work to do! Kung walang agency at magaling na manager ang hahawak sa kanila, hindi sila mapapansin ng madla. Masiyadong malakas ang kumpetisyon sa larangan ng musika dito sa Pilipinas. Maraming magagaling na mga artist at kung ang isang kagaya ko ang gusto nilang humawak sa banda nila, nagsasayang lang sila ng talento nila.

"Dee, nasa labas si Vaughn. Hinahanap ka," wika ni Gheera na siyang ikinakunot ng noo ko. Binitawan ko ang music sheet na hawak-hawak at walang imik na tumayo mula sa kinatatayuan. Mabilis akong naglakad patungo sa pinto ng music room at lumabas na roon.

Nakayuko na V ang bumungad sa akin. Abala ito sa cellphone niya at pangiti-ngiti pa. Typical playboy vibe talaga ang isang ito!

Seriously, Daniela Marie? Bakit mo nga nagustuhan ang isang ito?

Napairap na lamang ako at mabilis na lumapit dito. At noong nasa tapat na niya ako, mabilis na umayos nang pagkakatayo si V at ibinulsa ang hawak-hawak na telepono.

"Dee!" Aniya at nginitian ako.

"May kailangan ka?" I coldly asked him.

"Napag-isipan mo na ba iyong tungkol sa banda?"

Banda? I see. Hindi pa rin pala sila tapos tungkol sa usapang ito.

"Wala akong dapat pag-isipan, V. Hindi ko kayo ihahandle," sambit ko dito at mabilis na tinalikuran ito. Agad naman akong natigil sa paghakbang noong pigilan ako ni V. Napabaling ako sa kanya at pinagtaasan ko ito ng isang kilay.

"Ikaw lang ang nasa isip naming puwedeng humawak sa banda, Dee. Please, pagbigyan mo na kami."

"Bakit ako? Puwede naman si Yshey."

"Si Yshey? Walang alam si Yshey sa ganito, Dee. You're the expert here! We need you." Sambit ni V at marahang binitawan ang braso ko. "Give us a chance. Kung walang pumansin sa amin, o ayaw nila sa musikang ginagawa namin, we can disband and just forget about the band."

"V..."

"Please, Dee," pakiusap nito habang matamang nakatingin sa akin.

Oh great, Daniela Marie! Huwag kang magpapadala sa mga mata ng lalaking iyan! Damn!