💫 فرفارة فالكوزينة 💫

💥 بارت 1 💥

☄فرفارة فالكوزينة ☄ الجزء : 1 بقلم :فرح حدادي عثمان : وااااا مي فرقيييني علييك راااه ديك لبنت هي لي منخطبش مااشي من دووقي سعدية : حاالفة بحلوفي تا ميديها حد من غيرك البنت فرفارة فالكوزينة فاش مشينا تغدينا عندهم لبنت معندي منقول فيها و انا عجباتني عثمان : اوا صافي تزوجي بيها نتي سعدية : نتزوجوها بجوج عثمان : اعوذ بالله الواليدة طلعات ليزبيان مدميتهاش فيك سعدية : شنو هادي ؟؟ عثمان : مكتصااحبش مع رجال سعدية : سير ليقل حيااك تقادو لكتاف وليتي كلمتي بكلمتك و تقلل عليا الحيى نسيتي رااسك و ياماتك وليتي تقول عليا كنتصاحب مع رجال عثمان بصدمة : انا امي ؟؟!! انتا قلتها ؟؟ سعدية :شنو دبا انا كداابة و الله اولدي و متغبر عليا كمارتك تاا ندير ودني فحلقي عثمان : يهديك الله الواليدة ديما مشوهانة مع جيران خليت ليك هاد دار انا كاع خرج و خبط لباب محس غا بالقاميجة مرمية عليه من الشرجم و الغوات تابعو سعدية : لبس قاميجتك ليضربك البرد الصكع ليتبعك لبلا و تفوت 12 و متجيش لماا درت على والديك زكروم كاانو داايزين من حداه جوج بنات لي سمعوها و بداو كيضحكو و بداا كيغزز فسناانو عثمان : وا لواليدة يهديك الله سعدية : متعلييش عليا صوتك دوز يديه على وجهو بقوة الأعصاب و مشا ركب فطنوبيلتو لي كانت من نوع Dacia و عفط عفطة وحدة كانت مو باقا كطل عليه من شرجم غا شاافتو كسيرا تبعاتو كلامها سعدية : اييه تقاادو لكتاف كبر و خدم و بغا يجيب ليا شي جعواقة من دوك المكروفات و لاهما تكون ليك و قمر هي لي تكون ليك فمنزل اخر فنفس الحي ، هاد الحي لي معمرينو غا اصحاب الطبقة المتوسطة نااس عايشين على قدهم ما هوما من صغار (البروليتارية ) ما هوما من الكبار (البرجوازيين ) شادة الكصعة بين يديها و تبرد فيها ، دليك تعطيه قتلة بالنسبة ليها و لكن هدا ماشي رأي مها تيمة : ويلي ويلي درنا لولاد بكري تي دلكي مزيان يا عوجة الفراقش اشداك دليك الميت عندك قمر : و راني كندلك ا مي و زيديون راه عندي 19 عام وااش منين عندي 14 عام و نتي توقفي عليا فالكوزينة راني تعلمت دبا تيمة :هااك هااك على تعلمت على طيابك زين يا بنيتي و نصيبك لي يبرد القلب و على العواد لي حملتي فضهرك و شعلتي لينا بيهم العافية اشمعي هاااه المرة رااه خااصها تكون فؤفارة فالكوزينة قمر: و هاادشي كامل لاش ؟ تيمة : على قرايتك زينة لي قريتي و توضفتي ليا احساب ليك اتخرجي و نولي خدامة عندك و نجي نصبغ ليك ضفاارك تي نوضي تجمعي فيقي من الgلبة قمر وقفات و تعوجاات و شافت فدفارها : نيت شحاال هادي مصبغتكم محسات غا باليد لي نزلات على راسها و مع هي مرخية دغيا جابت ليها وجهها فالكصعة مع كانت تعجن فوق البوطاجي خلات تيمة غا مدهشرة و موسعة عينيها على جهدهم الهضرة لي كانت مسرحة غادية و تقطع فيها تيمة : تي عجني ت...ع...ج.....ن ليك هزات قمر وجهها من فوق الكصعة و ما هي الى دقائق حتى بدات كتسمع المديح و الطرب كيف العادة تيمة : واااااهياااااا بنت الحرام ضيعات ليا العجينة واااهي بنت الحراام ضيعات ليا دقيق ......# يتبع