قبل كل شئ مبروك على صحاب الباك و ألف مبروك و اللي منجحوش نورمال مهيش نهاية العالم أعرفو بلي السهم يرجع للوراء باش ينطلق بسرعة أكبر العام جاي نشاله و المهم نرجعو للكرو 👇👇👇♥️
راقت لي و عجبتني بزااف هذي👇👇
كي نهدر معاك حاولي تفهمينـــــــــــــــــي
و اللي راه في قلبك غير أهدريه
أنا ما قلتلكش بالسيف أبغينــــــــــــــــــــي
قلبك من حقوا يعشق اللي يبغيه
أنا طلبت منك غير تصارحينــــــــــــــــــي
و لو بخط برية واش عليــــه
جوابك كيما كان يربينـــــــــــــــــــــــــ ـــي
أو ما تهمنيش كلمة لالا ولاّ إيه
غير كلمة , تفري اللي بينك وبينـــــــــــي
و تريحني من لعذاب اللي راني فيه
يا الغالية راكي عييتينــــــــــــــــــــــــ ــــي
وقتاش قلب العاشق تفهميه
طبطبت و ناديت ما جاوبتينـــــــــــــــــــي
ما عرفتش علاش بابك بلعتيه
لو صرالك ما صرالي تعدرينـــــــــــــــــي
أنا همي غير ربي اللي عالم بيه
محقور في عشقك حقرتينــــــــــــــــــــــي
قلبي كان هاني و أنتي هولتيه
مظلوم في غرامك ظلمتينــــــــــــــــــــــي
و جميع من ظلم الدنيا دارت عليه
بريء و بسكاتك تهمتينــــــــــــــــــــــــ ـي
ربي يحاسبك على الشيء اللي درتيه
درتيني عدوك في قفصك سجنتينــــــــــي
عماتك الدنيا عقلك ودرتيــــــه
في سجن لعذاب وحدي خليتينـــــــــــــي
بلعتي لبواب و المفتاح أديتيــه
لكن ربي كريم و قادر ينجينـــــــــــــــي
و ما بقالي غير نوكل أمري ليه
قادر المولى يبليك كيما بليتينـــــــــــــــي
و يسجنك فالقفص اللي راني فيه
ما طلبتش المحال غير حاجة تكفينــــــي
صارحيني و اللي في قلبك أهدريه
أنا حتى لو كان نعرف بلي تكرهينــــــي
نحلف على وجهي ما تزيديش تشوفيه
ما نبكيلك ما تطيح دمعة من عينـــــــــــي
لو كان يبكي قلبي نقلعه نرميه
نبغيك , نبغيك أومانرضاش باش تذليــــي
و لو نموت , الذل ما نرض بيه
أنا نموت غير فالقلب اللي يبغينـــــــــــــي
و اللي باعني تدور الدنيا نشريه
أنتي صاح طفلة شابة تعجبينــــــــــــــــي
و هاد الشــــي لازم عليك تعرفيه
أو ماتقدريش تعرفي حتى تعرفينــــــــــــي
أو باش تعرفيني لازم عقلك تكاكيـــه
هامل في قلبي و زدتي همّلتينــــــــــــــي
الهامل هموم اللي عداها تكفيــــــه
راني كي الطير في قفصك سجنتينــــــــي
و اللي فديته بدمعة ربي عالم بيه.
♥️♥️🥀
شهر و أنا حالتي مقلبة شهر محكيت مع حد مرديت على حد أميرة و أمال و بيكي حاس روحي الكل محطمة و منحب نعذب حتى حد معاي قلبي تجرح من جيهتها لهاد الدرجة قلبها قسا عليا لهاذ الدرجة أنا معنديش معنى في حياتها لهاد الدرجة كرهتني نستعرف لي أنا غلطت كي بعدت من غير ما نتكلم و قبلها جرحتها أما لي عملتو مش بيدي حكاية أنو أنا جيت من غير رضاية أمي و سبب في تعاستها يدمرني كل ما نتفكرو و زيد منبعد مرضي رحت بلا منهدر على خاطر كانت كاينة إمكانية كبيرة أني نموت و محبيتش نخليها متعلقة بيا و تتعدب بعد موتي أما أنا لي قاعد نتعدب هي لي تقول أنو أنا كنت أناني بالعكس أنا نخمم فيها ألف مرة قبل منخمم في روحي هي بالنسبة ليا صغرونتي هي الطفلة الصغيرة لي عشقتها و عشقة برائتها مستحيل نخمم نهار نآذيها في الوقت لي أنا كنت نموت و خممت أنو منخليهاش متعلقة بيا و ضيع قرايتها محبيتش نكون سبة في تدميرها يمكن لي علاقتنا من أصلها كانت غلط في غلط هي طفلة صغيرة و مراهقة تعدبت بحاجة إسمها حب لي حتى من الكبار و الراشدين مايتحملوش عذابو صحيح. شهر هربت من كلش و المواجهة و كرهت من كل شئ على هذيك اليوم باش نروح للبحر لبلاصة لي كنت نروحلها أنا و صغرونتي كي كنا كوبل لبس قشي
أنت تقرأ
حبيبتي أنتي (مكتملة ) ❤️
Romanceقصة عشق من طرف واحد ثاني كرونيك ليا كرونيك جديدة و مختلفة تحكي على قصة حب من طرف واحد لي البطل فيها صعيييب بزاااف و زيد سكارجي و يعشق في طفلة أصغر منو ب 10 سنين لي تخاف منو قادر القدر يجمعهم ولا لا هاد الكل تعرفوه في الكرو حبيب...
