أريحيني على صدرك♥️....
لأني متعب مثلك💖💯....
دعي إسمي و عنواني و ماذا كنت 🥀♥️....
سنين العمر تخنقها دروب الصمت 🖤🔥....
و جئت إليك لا أدري لماذا جئت 💝✨......
فخلف الباب أمطار تطاردني 💙💫....
شتاء قاتم الأنفاس يخنقني ♥️💯.....
و أقدام بلون الليل تسحقني ♥️🥀.....
و ليس لدي أحباب 🖤🔥....
و لا بيت ليؤويني من الطوفان 💝✨.....
و جئت إليك تحملني 💙💫
رياح الشك ... الإيمان ♥️💯
فهل أرتاح بعض الوقت في عينيك ♥️🥀....
أم أمضي مع الأحزان 🖤🔥....
و هل من الناس من يعطي 💝✨...
بلا ثمن ....بلا دين ..... بلا ميزان ....؟؟💙💫....
♥️🥀🖤
إياد
جا وقت الكورتاج حتى يجيبو لعروسة كنت نستنى في رهف و ليليان قدام سيارتي حتى سمعت صوت ليليان تعيطلي أما مكانتش معاها رهف كانت طفلة أخرى نضن لي جات عند ليث كي كنت بكري إييييه متخيبش و الله زلة و محلاها اووف ليث واش تمسخير لي تخمم فيه المهم عرفت بلي هي إسمها بيكي و حاجة لي عجبتني بزاااف أنها تفاهمت هي وليليان كنت نستنا في رهف باش تروح معانا أما قاتلي بيكي أنو هي باش تروح مع أم لعريس لا علينا ركبت و حطيتلهم لغناء للخر روبلوها في نص الطاكسي بالشطيح و العياط فرحت سيرتو كي شفت ليليان فرحانة لهديك الدرجة عندي قداه مشفتهاش فرحانة هك حمدالله يا ربي كي وصلنا خممت نخلي ليليان في الطاكسي أول حاجة باش مديرونجيش بيكي و نخليها على راحتها و زيد نخاف تتودر مع هاذ الغاشي تستنا في الطاكسي لين يخرجو لعروسة منبعد تروح للعرس في الصالة حبست الطاكسي علا خاطر وصلنا
ليليان متنزليش أستناي هنا حتى تخرج لعروسة
علااااش ؟! أنا حابة نهبط نشوف
رهف مكانش و أنا منقدرش نهبط معاك
حتى قصت عليا بيكي حسيت من صوتها كأنها منرفزة
سي إياد أنا مرايحة نعلها شئ نضن عادي إذا نزلت معاي
اااا مش هكاك أما منحبهاش ديرونجيك
لا مش باش ديرونجيني
اوكي مالا روحي ليليان
ياااااي أحلى بيكي
ههههه
حسيتها تغشت من كلامي كي تجي نحكي معاها منحب حتى واحد يتنرڤز ولا يفهم كلامي بالغالط
نرجعو للعرس
دخلو الناس الكل يزغرتو و عاملين جو تقدم أمين سلم على جبين مرتو شطحو شوية كيف كيف و عملو تصاور من بعد خرجت تحت جناح بوها و كسرو الدنيا بصوت البارود ركبت في الطاكسي منبعد ولات الناس الكل لطاكسيات أما المرة هاذي كان ليث و رهف في طاكسي و حدهم و أكيد بيكي ولات مع إياد و ليليان و مشا الكورتاج والناس الكل عاملة حالة
نروحو لطاكسي عند رهف و ليث مني ركبو و رهف ساكتة أما ليث فرحان و التبسيمة مافرقتش فمو
صفا رهف
اممم أنتيك الحمد الله
اااا رهف نعرف لي أنا غلطة معاك البارح و كل شئ أما والله عملت هكاك من غير قصد و غيرتي عليك كلاتني
ههههه تغير عليا هههه علاش بربي حرقك لحليب عليا و أنا معلباليش
رهف نحكي سيريو
حتى أنا منيش نتمسخر و تعيش خلي علاقتنا بحدود جيران برك و متفسدهاش
تعرف لي أنا نحبك و مستحيل ننساك
ههههه أي تحبني والله الهدرة هاذي أهدرها مع رهف صغيرة لي قبل سنين كانت تأمنك أما درك طار الحمام
ههههه أنني لدرك مزالتي صغرونة { و قرصها من خشمها( نيفها)}
ايييي أنتي واش حاسب روحك هبط يدك و متزيدش تمسني فاهم
هههه اوووووو القطة ولات تخبش و واعرة
بربي أخطاني أعتقني برحمة الشوابين متزيدش تحكي معايا بزااافني ما تعدبت في جرتك
أنا تاني تعذبت بزاااف على الأقل أسمعيني و أعرفي سبب بعدي
امممم درك نقلك سبب باش منتعبكش بزاااف أنتي عرفت كيفاه تلعب بيا براڤو و سافرت عشت حياتك و وليت لبلادك و يا ريتك وليت وحدك وليت و معاك حبيبتك زادة أما متنساش أنو دعوة لولية بلية و ديجا أنتي هك قاعد تخون في حبيبتك
بربي شكون هاذي حبيبتي لي من صباح و أنتي تتكلم عليها
ااااا ديجا نسيتها لهاد الدرجة امممم خليني نفكرك بيكي شكون هيا
ههههه بيكي ؟!
أيا الحمدلله كي تفكرت
ههههه رهف غرت ؟!
ههههه أنا نغير و من شكون من بيكي علاه خير نشاله فاه هي خير مني
هههه اممم هي أولا مش فرخة كيفك و زيد بوڨوصة
ربي يهنيكم و درك تعيش ٱسكت عليا متفسدليش نهاري
هههه على راحتك و حط غناية دلتلي ڨلبي أفووون و يغني فيها و عامل جو
عرفتك أنتي تبدلت حياتي منا شحال عمري وين كنتي ديتي لعقل و الڨلب ملكتي كي الجنية فيا سكنتي (×2)
ياااو خلوها دير كيما تبغي و من عندي راها أوطوريزي أنا لي بغيت حاي على عمري و هااااي ربي داتلي ڨلبي ....يا نصيبي...أنتي عمري يا حبيبي ..... مام أنتي راها عينك فيا و مبغيتيش تبينيلي علبالي و غمضت عينيا بغيتك أنت تڨوليهالي ....
يغني و كل دقيقة يشوف معاها عين على طريق و عين عليها
هدي هيا الأغنية 👇👇♥️
نوليو عند بيكي و إياد لي طريق كاملة و هوما مقلبينها و عاملين جو لغناء آفووون و إياد كل مرة يزيڨزاڨي بالطاكسي و بيكي تشطح هي و ليليان و يزغرتو و يصفرو المهم روبلوها بمعنى الكلمة حتى وصلو لصال و هبطو ليليان حاكمة في يد بيكي و اليد الأخرى في يد إياد
هبطت لعروس و تروبلت الحالة بشطيح و زادو هبطو رهف و ليث و ماشيين حدا بعض لي يشوفهم يقول كوبل خارجين على بعضهم هي قصيرة توصل لقلبو هههه و هو طويل و ضخم مخبيها بجهامتو دخلو لاصال طيشت لعروسة بوكي النوار جا في يد رهف و هي فرحانة بيه كأنها عملت إنجاز دخلو روبلوها بشطيح منبعد حطولهم أغنية SLoooow
لعريس و لعروسة في الوسط و لي كوبل دايرين بيهم و يشطحو على أنغام الرومنسية بيكي و إياد مع بعض أميرة و راجلها رهف و ليث لي بسيف قبلت تشطح معاه حطت يديها على أكتافو و هو حاوطها بيديه من وسطها و بقاو طالقين رواحهم و يتمشاو مع ألحان الأغنية شوية و قرب منها أكثر و قالها بصوت ضعيف و كلو حب
رهف نحبك نعشقك باش نموت من غيرك كل ما أنتي بعيدة أنا نحس روحي باش نموت و مكانش هواء الدنيا بلا بيك ماتسوى شئ عندي
حس بدمعتها كي طاحت زاد قربها منو أكثر و زير عليها مليح و قالها
منحبكش تبكي دموعك يقتلوني ههه تعرف تمنيت كون جيت أنا و أنني ليوم في بلاصة أمين ... نعشقك يا روحي ....
حتى لقاها بعدت عليه و بقات تشوف معاه بعيون مدمعة و شواربها يرجفو و راحت تجري للدوش لحڨ وراها و دخل عليها لقاها تبكي بقهرة قرب منها و......
♥️💙🖤✨
نهاية البارت
Vote et bn gSto 💜❤️👇
أنت تقرأ
حبيبتي أنتي (مكتملة ) ❤️
Romanceقصة عشق من طرف واحد ثاني كرونيك ليا كرونيك جديدة و مختلفة تحكي على قصة حب من طرف واحد لي البطل فيها صعيييب بزاااف و زيد سكارجي و يعشق في طفلة أصغر منو ب 10 سنين لي تخاف منو قادر القدر يجمعهم ولا لا هاد الكل تعرفوه في الكرو حبيب...
