لم أعد أجيد لغة العتاب ؛ فالإهتمام الذي يأتي من بعد إلحاح ما عاد يغريني ؛ و الشعور الذي يأتي من بعد لوم ما عاد يرضيني و الوصل الذي يأتي من بعد مهانة لا حاجة لي به
♥️💖
فات شهر و العلاقة بين رهف و ليث تمشي و تتخرب هو ديما مطفيها كل ليلة تستناه وهو مطفيها صبرت صبرت حتى ليلة طاحت فيه
ليث وينك كل ليلة تروح سكران شبيه عزاك راك باش تهبلني معاك
شاف معاها من الفوق منبعد قالها
ٱدخل لدار لا يشوفك حد
منيش مروحة فاهم يا تفهمني شبيك يا والله مش باش نتحرك مش بكيفك
حتى لقاتو جبدها بقوة و دخلها لطاكسي و بدا يسوق بزربة
ليييث بلللعقل باش نعملو أكسيدون ياااا ربي حبس باش تقتلنا
أسكت عليا أسكت منحبش نسمع صوتك
بقات في بلاصتها خايفة و تبكي بالساكتة بقا يمشي بزربة منبعد شد فران بالقوي تهزت و تنفضت هيا معاه هبط من الطاكسي و راح جيهتها و هبطها كانو حدا البحر
شوفي أنا حبيتك و نعرف أنني زادة بادلتيني نفس الشعور أما أنا عرفت بلي الشخص الغلط ليك و أنني تستاهلي واحد خير مني
اوووف يا ربي رايح تهبلني بالهدرة هذي علاش كنا لباس علينا واش صرا حتى أنتي تبدلتي هك علاااش يا ربي واش صرا
اوووف يا ربي و خبط يدو مع السور حتى قفزت من بلاصتها من الخلعة
نهدرلك باش تتهناي أما منحتاج حتى شفقة ني منك ني غيرك أنا يا لالا مسخ رخيس عذبت أمي قبل ما نجي أنا ولد حراااام يااا ربي علاااش أنا جيت منبعد رخيس و الحيوان لي يتسمى بابا إغتصب يما فهمتييي أنا السبة باش يما دات كلب كيما رخيس هذاك أنا حكمي الموت على خاطر جيت كنت سبب في دمار حياة لمرى لي جبتني أنا ولد حراااام ياااا ربي ( و طاح على رجليه و الدموع يهبطو كي شلال على خدو لازم نعرفو حاجة أنو راجل إذا بكا فهمو كبر فوق كتافو و مقادرش يتحمل ) علااااش العبد لي نحبو نكون أنا السبة في تعاستو يما لي حبيتها أنا سبة في تعاستها أنتي رغم لي نعشقك أما منيش قادر نشوف في وجهك أنتي صغيرة. و بريئة و كي نمسك أنا باش نخمجك معاي و نفسدك ياااا ربي راني كرهت كل مانقول دنيا زهاتلي تزيد تتفرما في وجهي 25 سنة و أنا عايش في كذبة 25 سنة و أنا نحب نعرف علاش الحيوان هذاك يكرهني في الأخير نعرف لي أنا ولد حراااام أنا الحجرة لي عرقلت ليما حياتها لي خلاتها تزوج بحيوان و تعيش في غمة حتى تموت بغصة و هي من نهار عرفت بلي أنا في كرشها و هي تتعدب (حط راسو بين رجليه و خلا دموعو تاخد طريقها )
رهف
شهر و أنا و ليث علاقتنا من السئ للأسوء كل ليلة نستناه يروح سكران للخر منقدرش نهدر معاه أما بزاف كرهت حابة نعرف شنوة صار حتى ولا هك و تبدل جيت نهدر معاه لقيتو دخلني لطاكسي و يمشي ڤيتاس عللخر حتى وليت نشهد و ندعي ربي منعملوش أكسيدون بعد محبسنا من لبحر إتصدمت شنوة سمعت منيش مصدقة لي أمو إمرأة مغتصبة أما مفهمتش علاش يلوم في روحو هو معندو حتى دخل حتى معندوش أمو و بوه أنا باش نكون أمو و بوه و زيد تخلعت كي شفتو يبكي عمري ولا تصورتو يبكي هبطت على ركايبيا و أنا زادة نبكي بسكات و عنقتو زاد هو عنقني و حشا راسو في رقبتي لي تبلت بدموعو و كل مرة يزير عليا قربت من وذنو وقتلو
متخممش أنتي معندك حتى دخل أنا نحبك كيف ما انتي أنا حبيت ليث راجل المتناقض لواعر و لحنين لي قد كلمتو محبتش عايلتو أنا نحبك أنتي أنا باش نكونلك الأم و الأب و الأخوة و صحاب و كل شئ أما يعيشك ما تعملش في روحك هكا راك تقتل في روحك و تقتلني أنا نحبك و نعشقك و نموت فيك و منحبش نشوفك محطم هك أنتي هو ليث لقوي لي ما يهزو حد كل شئ مع الوقت يتنسا و يفوت و باش نجيبو أنا و أنتي دراري و تعوظهم حنان الأب لي مادقتوش نحبك عمري
ما عمل حتى ردة فعل بقا معنقني حتى بعد عليا حسيت لحمي كشبت من بعدو أما قال حاجة لي عمري و لا تصورت يهدرهالي ولا يجي يوم و تصرا
كل شئ فض بيناتنا و كل واحد فينا يروح يشوف طريقة
هدرتو هبطت عليا كيف الصاعقة منيش مأمنة بسيف خرجت الكلمة من فمي
ععع..علاش ؟؟ تحح..تكحي صح؟!
أي سيبون أنا كرهت مني حاب حتى واحد يبقى في حياتي
أمااا ... أما أنا قابلة بكل شئ قابلة نصبر معاك واللح نحبك والله علاش تحب كل شئ يفض
أنا لي عليا قلتو و درك هيا ولي نوصلك
خلاني في بلاصتي جامدة وراح ركب طريق كاملة و أنا نبكي بشهقة و هو مش معبرني حتى حبسنا قالي
الدنيا هاذي مكتوب و أنا قداه حاجة في حياتي تخليك تتعذب معاي و نعرف لي باش تلقى لي يوالمك ( هدرتو مش من القلب قسمنعضمن ههه)
من الصدمة ملقيت منهدر شفت معاه و قتلو
يعطيك الصحة حرقتلي قلبي كيما حبيت و جيت خارجة نجري و دخلت بلعقل لدار لأنو ناس كامل راقدة. و كون يشوفوني تخلى دخلت لبيتي مقدرتش نستوعب بكيت بكيت بكيت حتى نشفو دموعي و بقيت كل مرة نبررلو و عندي أمل أنو غدوة يطلب سماح و نوليو عادي أما با فرحة و ما تمت نضت الصباح بعتتني يما نشري الخبز خرجت شفت أمين مريح فوق كرسي و باين عليه منرڤز رحت ليه
صباح الخير أمين
واشمن خير يرحم باباك على الصباح
شبيك شفما
ليث
شبيه ليث واش صرا تكلم
ليث خلا ورقة في بيتو مكتوب فيها بلي سافر و نهدر لحتى واحد من قبل
شنوة
حسيت الدنيا بدات دور بيا روحي كاملة ترعش دموعي طاحو ويدان على خدي محسيتش بروحي واش صار حتى بديت نفطن لقيت روحي في سبيطار و أميرة فوق راسي
الحمد الله على سلامتك أستماي نعيط ليماك تجي
أميرة حبسي صح ليث سافر
هبطت راسها حسيت بدم حبسلي يعني صح سافر و سمح فيا بلا مايهدرلي ولا يودعني يعني أنا كنت لعبة بين يديه حكمتني كريييز تاع بكا و عياط حتى دخلو الطبة يتجراو و دارولي مهدئ و بقيت مدة طويلة في سبيطار و منبعد خرجت و حالتي كل مرة تدهور على حبيبي لي راح و خلاني على حبيبي لي دا معاه قلبي و خلاني عايشة جثة بلا روح
💔💔
نهاية البارت
Vote et bn gSto 💜❤️👇
أنت تقرأ
حبيبتي أنتي (مكتملة ) ❤️
Romanceقصة عشق من طرف واحد ثاني كرونيك ليا كرونيك جديدة و مختلفة تحكي على قصة حب من طرف واحد لي البطل فيها صعيييب بزاااف و زيد سكارجي و يعشق في طفلة أصغر منو ب 10 سنين لي تخاف منو قادر القدر يجمعهم ولا لا هاد الكل تعرفوه في الكرو حبيب...
