و هكذا سأعيش 🙂
أغار عليك دون علمك ✋
و أحبك و أنت لست لي 😞
و أخاف عليك و أنت لا تدري 💔
...
..
.
💜❤️
After two days
الليلة البنات بداو يوجدو في رواحهم علاخاطر غدوة حنة أميرة كانو البنات كامل متجمعين أميرة و رهف و ميليسا (بنت خال أميرة ) مريم (بنت عمها) و بداو يجبدو في شعورهم لغدوة
رهف : أميرة وينو شارجار ثيليفوني رايح يطفا ونسيت شارجاري في دارنا
أميرة؛ شوفي فوق table de nuit
راحت رهف تشوف ملقتوش
رهف؛ مكانش
أميرة : شوفي في الخزانة
رهف ؛ ملقيتوش
أميرة : اووو بلاك داه ليث روحي لبيتو أكيد تلقايه نتم
رهف ؛ سيريوس بايبي نروح الوقت هذا لبيت الوحش باش يقتلني
ميليسا : ههههه والله عندك الحق وحش صح
أميرة : ههه علاش واش جاتكم عليه والله مكانش أحن منو و أصلا درك مزال مدخلش تلقاي البيت فارغة
رهف متأكدة أنو مكانش
أميرة إيه متأكدة
رهف اوكي مالا نروح نجيبو بزربة و نجي
رهف 💜
رحت لبيت الوحش و دخلت بللللللعقل شعلت الضو كي لقيت البيت فارغة حتى رجعلي النفس بديت نحوس على شارجار ياااا ربي وينو نسيت باش نسقسيها وين نلقاه حتى شفتو فوق السرير رحت عبيتو و دورت خارجة و نتخلع للمنظر لي شفتو قدامي أوووو مااااي ڨاااد صدمة كبيرة ياااو فضت مال الوحش واقف و مسند عند الباب كي شافني بدا يقدم أما مهوش يمشي ڨدڨد يمشي و يتمايل نشاله مايكونش شارب يا ربي مزلت صغيرة و حابة نعيش قرب مني حصرني مع الحيط ضربتني ريحة الشراب منو قوية ياااربي أسترني تكلم بصوت ضعيف
واش راكي ديري هنا
من الخوف مقدرتش حتى نرد وليت نرجف وحدي منبعد بسيف خرجت الهدرة من فمي
جيت ندي شارجار
تبسم على جنب منبعد حط يدو على خدي نووو واااي والله نكسرلك هاذ اليد يا وحش يا كلب أما هاذي الكل هدرتها في قلبي علاخاطر من الخوف بقيت ساكتة و كي حط يدو زدت جمدت أكثر وحسيت بدني الكل يرعش و قلبي يضرب بزربة أول مرة يقرب مني واحد هك يا ربي إبلعيني يا أرض بقا يمشي في يدو على خدي منبعد قالي علاش كي نروح كل ليلة منلقاكش هوني علاش مقدرتش نفرح بيك علاش الدنيا ديما عكستني لعباد لي نحبهم ديما بعاد عليا أمي و ماتت و الطفلة لي حبيتها الناس الكل يقولولي أنساها طفلة صغيرة طفلة متقدرش تكمل معاك تخافك عللاااش ميحبني حد وحش أنا
زاد قرب أكثر حتى لقيتو حضني يااا ربي كون يدخل درك واحد يفهمنا بالغالط أما بصراحة غادني و دمعة طاحتلي و في نفس الوقت منعرفش علاش تقلقت كي قالي طفلة لي نحبها زعمة شكون هاذي اووف ديجا أنا واش مدخلني فيها
متخلينيش عييت وحدي نعرف أنك تكرهني
بسيف قدرت نتكلم أما بصوت متقطع
لا ... لا أنا .. منكرهكش ..
زاد زير عليا و حشا راسو في رقبتي و نفسو السخون بدا يضرب فيا و أنا قلبي ولا يضرب بقوة حاستو باش يخرج من صدري يااا ربي واش هاذ الليلة منبعد بديت نحس فيه يثقال متقليش باش يرقد مستحيل نقدرلو بقيت نحاول بكل قوتي نوصلو لفراشو عدلتو على الفراش و غطيتو مليح بقيت مدة و أنا نشوف معاه كيفاه راقد تقول ملايكة يهبل منبعد فقت مع روحي هزيت شارجار و خرجت كي وليت للبيت لقيتهم ديجا كملو
أميرة ؛ وينك يا بنتي رحتي تجيبي شارجار قعدتي عام
محبيتش نحكي واش صار خاصة أنو مناش وحدنا و قادر يروح بالهم لحوايج خلاف
رهف : امممم بسيف لقيت شارجار كنت نحوس عليه
أميرة : المهم لقيتيه راني وجدتلك بلاصتك
رهف : اوكي بونوي لبنات
الكل : بونوي
حاولت نرقد أما كل ما نغمض عينيا تجي صورتو قدامي كيفاش عنقني بقيت نتقلب في فراشي و بسيف رقدت
ليث
نضت الصباح راسي باش يطرشق من الوجع لبارح شربت بزااااف و مندكرش واش صرا قمت من بلاصتي غسلت وجهي و رحت للكوزينة نفطر لقيت أميرة و البنات معاها بقيت نفطر حتى دخلت رهف أش تعمل هاذي هوني
رهف: صباح الخير
الكل: صباح النور
أميرة : ليث يعيش خويا تقدر توصلني أنا و رهف عند الحفافة
ليث: اوكي نفطر و نروحو
حتى نلقا رهف جابت كاس جي و ريحت حذاي و قاعدة تشوف معاي من تحت لتحت مش من عادتها أكيد فما حاجة تكلم بصوت خفيف على قد متسمع هيا برك
رهف صفا فما حاجة ؟!
اااا .... اممم لا أما ... ممم حبيت نسأل عليك صفا ؟
ههه تبسمت على جنب حسيت روحي باش نطير أول مرة تسأل عليا قلبي رفرف
ههه صفا الحمد الله و أنتي
تبسمت معاي ياااا عمري على تبسيمتها تعشق
صفا امممم أنا نروح نوجد روحي
وقامت تجري هههه الفرخة كاش نهار باش تقتلني كملت فطوري و رحت بدلت قشي لبست هكا 👇
أنت تقرأ
حبيبتي أنتي (مكتملة ) ❤️
Romanceقصة عشق من طرف واحد ثاني كرونيك ليا كرونيك جديدة و مختلفة تحكي على قصة حب من طرف واحد لي البطل فيها صعيييب بزاااف و زيد سكارجي و يعشق في طفلة أصغر منو ب 10 سنين لي تخاف منو قادر القدر يجمعهم ولا لا هاد الكل تعرفوه في الكرو حبيب...
