السلام عليكم
هذيان بين جمر وجليد
الفصل ستة وثلاثين
نورا ناصر ..
الى من يهمها الامررر
ماذا لو تبادلنا الأدوار ...
بيني وبينك أيها البعيد
أنت تأخذ قلبي الحنون ....
و أنا آخذ قلبك العنيد
تحرق نفسك لإرضائي ......
و أنا شعوري كالجليد
تكتب لي قصائد غزلٍ ....
يلين من رقتها الحديد
لكني لا أكترث لأمرك ....
أتجاهلك لأفعل ما أريد
و يكتوي فؤادك شوقا ً...
وأنا أنعم بعيش رغيد
بقلم...هيام الدليمية ..
هدى ...
انصدمت ، خليت ايدي على حلكَي ، لا يا ألله شنو هالمصايب هاي ، ربي رحمتك ..
عفية عهود خو ما ماتوا كليلي الله يخليج .
ردت : مادري يكولون حالتهم خطرة الشيخ بغيبوبة والضابط اصابته يم قلبه .
سألتها بغصة : لهيب كالج هالحجي ؟
جاوبت : لا ولج المواقع مخبوصة بيهم هو لهيب من فترة عاتبته ليش ميرد ع رسايلي .
كال ابوه قطع عنه الحوالة ومعاقبة وهو جان ديشتغل ويريد يرجع للعراق وديجمع فلوس التكت .
وسألني عنج كووومة اذا عندي تواصل وياج هاي اول الاشهر الي راح بيها جان يسألني عنج .
بس انتي وينج اخباركم انقطعت فد مرة ماكو ابد وتليفونج مغلق .
انعصر قلبي تمتمت لهيب يسأل عني!!!
كالت شنو ماسمعت ..
ظليت اتمتم وحدي ابجي واشهك ..
واني عبالي ناسيني!
عفية عهود دزي رقمه هسه فدوة محتاجته ..
بس كوليلي شبيط انتي اشو تبجين بالاول عبالي على عمج بس اتضح انت ماعندج خبر عن الحادثة الي تعرضوا الها شبيج هسه ؟
بنحيب جاوبتها بس دزيلي رقمه هسه الله ينطيج العافية ان شاءالله بنتي راح تموت وابوهه مايدري عنها .
انصدمت : بنتج هدى ؟ بنتج صار عندج بنية ؟ صدووك والله ولاندري ليش ضميتي علينا شنو تخافين من الحسد ؟
_ عفية مو وكتج هسه عهود خلي لهيب يجي يشوف بنته قبل لتموت اني بالمستشفى وبنتي بين الحيا والموت ، وبعدين احترك اني امووت اني مستعدة اتحمل منه اي عقاب عسى مايكون الموت ميخالف .
ردت والله سالفتج سالفة هسه ادزه الج برسالة بس بعدين اريد اعرف كل شي منج .
سديته منها باوعت لعمي يمي خطية ، لازم بالحايط وتعبان ، ويباوعلي بقهر .
كتله عمو تعبناك ويانه هواي والله ...
كال بنتي لاتكولين هيج انه المن جبتكم يمي غير اعرف ما الكم احد بويه لاتخافين خاف بيت الشيخ يحملونج مسؤؤلية الصار ببنتهم انه ما اتخلى عنج .
أنت تقرأ
هذيانٌ بين جمرٍ وجليد ..(ارملة اخي المجنونة)
ChickLitتم تغيير اسم الرواية لتصبح " هذيانٌ بين جمرٍ وجليد " بعد ان كان عنوانها السابق " انا وارملة اخي المجنونة " ..هي : انثى مجنونةٌ ،، تستأجر القوة المزيفة لبعض الوقت ،، ومتسلحة بعناد الانوثة .. هو : رجل عديم الشعور وغارق بالقسوة المشتعلة ،، يرفض ال...
