متزعلوش على الـِ راح منكم لأنه مش بتاعكم...👌🏻
كل الـِ راح منك مش بتاعك، وكل شيء فقدته في الدنيا فقدته لحكمة فبلاش تزعل كتير ع الـِ راح..
كل حاجة بتجيلك في الدنيا ما هي إلا رزق من ربنا ، والرزق ملك لله، فهو شيء مؤقت ربنا سبحانه وتعالى أودعه عندك وفي أي وقت وارد جدََا إنه يسترد وديعته...
الشيخ الشعراوي بيقول كل حاجة بتروح عنك مش بتاعتك؛ الفلوس الـِ راحت منک ووجدها شخص غيرك هي مش رزقك هي رزق لحد غيرك، الأكل الـِ أكلته وبطنك وجعتك بعده وتقيأته، هو مش رزقك هـو رزق للحشرات الـِ استنفعت بيه من بعدك .. 🌸
معلمتنا كانت بتقولنا الدنيا عارية مستردة؛ يعني شيء أخدناه بشرط إنه يُستَرد مننا تاني 👌🏻
زي بالضبط لما واحد يقولک خد الشقة دي عيش فيها دلوقتي عشان أنا مش عايزها وبعد فترة قالك يلا اطلع منها عشان أنا عايزها، هل كدا هيكون ظلمک؟! مستحيل دا عين العدل لأنها مش بتاعتك هي في الأصل بتاعته هو 💜
ولله المثل الأعلى...احنا جايين في الدنيا ضيوف *"عرض زائل"* هنسيبها احنا في يوم من الأيام يإما هي الـِ هتسيبنا، محدش مُخلد فيها ✋🏻
هي دي سنة الحياة...!!
فمتتعلقوش بالدنيا أوي؛ لإن هي بالـِ فيها سايبينا سايبينا...فارموا الدنيا ورا ظهركم واعملوا لاخرتكم وبس 🌸👌🏻
كلامي دا رسالة ليك ولكل واحد ربنا ابتلاه بفقد عزيز عليه، والدنيا بعدها قفلت في وشه، ومبقاش عارف يعيش من بعده..
°والدك أو أي حد عزيز عليک فقدته هو ملك لله عز وجل، جه للدنيا فترة وسابها، ..موته مش نهاية الكون تقدر تعيش بعده وتعمر الكون بإيمانک وصبرک...المُصاب عظيم آه...لكن هي دي سنة الله في كونه، والدنيا ما هي إلا دار بلاء؛ فنصبر لأننا احنا كمان هنسيبها في يوم من الأيام ...👌🏻🌸
وثق بأن ربنا سبحانه وتعالى هيعوضك بخير من الـِ راح منک.
عشان کدا الرسول أمرنا إننا نقول عند المصيبة: *"اللهم أجرني في مصيبتي واخلف لي خيرََا منها"*.
طب إيه خير من أبويا، أو من أمي لما يروحوا عني؟!
عطاء ربنا واسع، وكرمه وسع الحدود؛ فما أخذ منک إلا ليعطيک..
ولعل موت شخص عزيز عليک يكون سبب هدايتک؛ فيعوضک بالهداية، ولعل موته يكون سببك إنك تتعظ وتعرف إن الموت علينا حق وتعمل لآخرتك؛ فيعوضک بالبصيرة
💙
وابنى على كده كل حاجة في حياتك
أي فرصة راحت منک، متزعلش أوي، لأنها في الأصل مش رزقك *مش فرصتك إنتِ*
كل حاجة ضاعت منک ولقاها حد بعدك متزعلش عشان ربنا جعلك سبب علشان الأمانه توصل لصاحبها ، لعله كان في حاجة ماسة ليها.
الشيء الـِ اتسرق منک متزعلش عليه هو خلاص مبقاش بتاعك..
عيشها ببساطة ومتندمش عالـِ راح *دنيا وراحت، والراحة في الجنة*
°كل باب اتقفل، قصاده ألف باب ممكن يتفتح، بس انت ثق بالله، ونأمل إن يكون عوض ربنا لينا يفتح أبواب الجنة الثمانية لينا ندخل من أيهم شئنا ❤️
وأخيرََا..🌸
لا تنظر إلا ما أُخذ منک ولكن انظر إلى ما بقي لك..💜
#سلمها_لله 💜🌸
#خواطر_مسلمة 🦋
أنت تقرأ
🌸 السابقات الى الجنة 🌸..(الجزء 2)
Diversosومَا رضيـتُ من الأثْـوابِ عَاريَّها ، ولستُ ألبسُ شيـئاً يُلفـت النظَرَ إنّ العَفيْـفةَ لا تُبـدي مَفـاتنَـها ذاتَ الحيَاءِ تغضُّ الطرفَ والبصَرَ ❤️🤍🖤 ان ارتدائي لـ النقاب سيظل اعظم انتصاراتي😍💜 وقـل للنقاب أنـني أحـبـه وانـه لـقـلبي أعلي مـ...
