🌸 السابقات الى الجنة 🌸..(الجزء 2)

عايزة ألتزم .. أبدأ أزاي ؟! 💙🦋

عايزة ألتزم .. أبدأ أزاي ؟! 💙🦋
أزاي اكون بنت ملتزمة ؟!
عايزة أقرب م ربنا بس مش عارفة أبدأ منين !
نفسي ربنا يرضى عني !،💙🦋

تابعوا ..💙🦋

1)بصي يا ستي الموضوع ده حله بسيط جدا بس أنتي ف الاول جددي النية كده بينك وبين ربنا و أوعديه أنك مش هتعملي اي ذنب م الذنوب اللي كنتي بتعمليها ف الأول ..💙🦋

وخلي بالك انك وعدتي ربنا مش أي حد .. يعني لازم توفي بالوعد ده ..💙🦋

2)المهم نبدأ بقا كده بأول حاجة : الصلاة 💙🦋
بالنسبة للبنوتات اللي مش بيصلوا مش بتصلوا ليه ؟!
ع فكرة اللي فاضل مش كتير وهتندموا بعدين

وبالنسبة بقا للبنوتات اللي بتصلي وبتقطع بصي يا طيبة .. 💙🦋
أنتي عليكي بس تفرشي سجادة صلاة ف ركن صغنن ف اوضتك .. وهو ده هيبقي المسجد بتاعك وأهم حاجة الخشوع .. أفتحي الشباك بتاع اوضتك وهيبقا في هوا وانتي بتصلي أحساس ب راحة كبيرة وكل حاجة حواليكي هادية بجد شعور جميل الله بجد ..💙🦋

3)نتوضأ براحة ونتقن ف الوضوء ..💙🦋
ونقول الدعاء ده بعد الوضوء "هنتشاهد الأول طبعا وبعديها هنقول اللهم أجعلنا من التوابين وأجعلنا من المتطهرين"💙🦋

و الأفضل ننوع ف السور اللي بنقرأها بعد كل ركعة .. ولو بتصلي بسرعة بطأي شوية .. ركزي ف كل كلمة بتقوليها .. تخيلي نفسك قدام واحدة صحبتك بتحبيها أوي ف طبعا واقفة معاها وبتتكلموا كتير ومركزة معاها بقا طبعا ..
ما بالك بقا ب ربنا اللي خلقك وخلقك كل الناس اللي حواليكي دول ..💙🦋

4)ومننساش طبعا السنن بقا اللي هي أيه ..💙🦋
صلاة الضحى 💙🦋
اقلها ٢ وافضلها ٨ اكثرها ١٢ !
وقتها ؟؟ من بعد الشروق ب ١٠ دقائق إلي قبل الظهر ب ١٠ دقائق ..
كنزها الأول .. ركعتين لو قمت بصلاتهم كأنك تصدقت ب ٣٦٠صدقه في اليوم عن مفاصل جسمك"💙🦋
كنزها الثاني .. ركعتين لو قمت بصلاتهم تُصبح من الاوابين" "في الحديث ( قال ﷺ لا يُحافِظ علي صلاةِ الضّحي إلا اواب وهي صلاة الأَوابين )"الأوابين جمع أواب والأواب هو الكثير الرجوع إلي الله بالتوبه وقيل هو المطيع !قال تعالي { فإِنه كان للأوابين غفوراً }"
حافظي عليها دي كنز ..💙🦋

قيام الليل أو التهجد : هي الصلاة من بعد العشاء لقبل الفجر وعدد ركعتها مفتوح وأقل حاجة ركعتين ..💙🦋

5)وياريت بلاش الكسل يعني تصلي أول ما تسمعي صوت الأذان ع طول ف وقتها كده ..
لأنك لو مصلتيش بعد لما تسمعي الأذان ع طول هتضطري تستني للصلاة اللي بعدها وهنكروت الصلاة ونصليها بسرعة ف صلي ف وقتها أفضل ..💙🦋

6)السنن الرواتب : ركعتين قبل الفجر .. أربع ركعات قبل الظهر .. ركعتين بعد الظهر .. ركعتين بعد المغرب .. ركعتين بعد العشاء ..
ومتكسليش ده هيتبنيلك بيت ف الجنة ..💙🦋

أذكار الصباح والمساء : حصنوا قلوبكم وأوعوا تكونوا برا الحصن ده ..💙🦋
فضل قراءة الأذكار ..💙🦋
-زيادة الحسنات والثواب
-دخول الجنَّة بفضل الله وكرمه
-دوام نِعَم الله جلّ وعلا والبركة فيها
-كفاية الهم والغم والحزن في الدُّنيا والآخرة
-طمأنينة القلب وانشراح الصدر
-التحصن من الشيطان ومكائده
-إمداد الجسم بالقوة والطاقة
-جلب الرزق وقضاء الدَّين

7)الاغأني : بالله ع قد ما تقدروا قللوا منها لحد ما تمنعوها خالص
أنا كنت كده ع فكرة بس الحمدلله منعتها 💙
كنت بسمع كتير أوي ف اليوم كان لازم كل يوم اسمع أغاني .. كنت مدمنة للموضوع يعني لحد الحمدلله تركتها لله وربنا هيعوضني افضل منها يوم القيامة .. 💙🦋
أنتي كمان خدي القرار م دلوقتي محدش ضامن يعيش كمان 5 ثواني ..

أمسحي كل الأغاني اللي ع موبايلك ، ونزلي الساوند عليه أناشيد جميلة بجد تبارك الله ف صوت اللي بيقولوها وهي ف الاول هتستغربيها ويمكن متحبيهاش أنا كنت كده الاول بس بجد طلعت جميلة وأحسن مليون مرة م الاغاني 💙
بس اسمعوها بدون موسيقي
-حفظ المكان الذي يبيت فيه الإنسان
أذكارك حصنَك ..💙🦋

8)نيجي بقا للقرآن ..💙🦋
لازم يبقي عندك ورد قرأن يا حورية ولو صفحة قراءة كل يوم .. بس مش عايزين نهجر القرآن ده اللي هينورلك قبرك بأذن الله ..💙🦋

نيجي بقا للصوم ..💙🦋
الصوم : عندك الاتنين والخميس والأيام ال13 و 14 و15 م كل شهر هجري ..💙🦋
ف الأول طبعا هتتعبي وتعطشي وتجوعي وأول ما تفطري هتاكلي كتيرر أنا كنت كده ف الاول بس لما تتعودي هتلاقي مبقتيش تتعبي ولا تعطشي ولا اي حاجة خالص ولما هتاكلي مش هتاكلي كتير وده حلو عشان الدايت😹😹

9)ساعدي الناس : أبسط حاجة ساعدي صحابك خففي عنهم خنقتهم .. أسمعيهم وانصحيهم قوللهم كلام حلو كده اديهم طاقة يكملوا ف الحياة ومتنسيش "الكلمة الطيبة صدقة" 💙🦋

و أخر حاجة هقولها متاذيش حد .. وخليكي متسامحة وقلبك نضيف وروحك حلوة
"إِنَّكَ مَيٍتُ وَ إِنَهُم مَيِتُونَ"💙🦋

#بداية_إلتزام")