لا اله الا الله محمد رسول الله 💕
***********************
فى صباح اليوم التالى
اخذت شيرين الرسالة ثم ذهبت الى عم جميل قبل ان تتجه الى عملها
شيرين: سلام عليكم ياعم جميل
جميل:وعليكم السلام ورحمة الله وبركاته خير يابنتى؟
شيرين: الرسالة اللى انت جبتهالى امبارح جاتلك ازاى
جميل: فيه ولد صغير من الشارع جابهالى
شيرين: انت تعرف الولد ده؟
جميل:بشوفه بيعدى من هنا بس معرفش عنه حاجة
شيرين: ولا عنوانه؟
جميل:على ما اعتقد ساكن فى العمارة اللى قصادنا
شيرين: طب تعرف اسم اهله اى حاجه؟
جميل:لأ يابنتى
شيرين: طيب ياعم جميل انا هحتاجك بما انك تعرف شكله عشان تتعرف عليه
جميل:طيب يابنتى
&فى مكان عمل شيرين &
وصلت الى هناك اخيرا واتجهت الى قاعة الاجتماعات فورا وكان الجميع هناك
سالم:قبل مانبدأ اى حاجه فيه عضو جديد جاى معانا هنا ثم نادى بصوت مرتفع:اتفضلى يا انسة سارة
دخلت سارة تلك الفتاة ذات البشرة القمحية والعيون السوداء الحادة كانت محجبة ثم وقفت بثقة امام الجميع وعرفت بنفسها : انا سارة عصام العاصى العضو الجديد معاكم هنا ان شاء الله
سالم: اهلا وسهلا بيكى ياسارة وان شاء الله تستمرى معانا هنا
جلست سارة بجوار شيرين ثم قال العميد: دلوقتى هنبدأ طبعا سارة عارفه القضية لانها اطلعت على ملفها
شيرين: طبعا زى ماتوقعت جالى رسالة تانيه من المجرم امبارح وفيها معاد ومكان الجريمة الجايه المطلوب مننا نحدد الضحية بس
سالم: تمام نبدأ فى الرسالة
محمود: "ينطلق كالريح ليعيش حياته يحب الحرية ويعشقها ويلعب الهواء بشعره" ايه معنى الكلام ده؟
عادل:احنا فعلا لو مشينا مع اول الرسالة هنفهم ان المقصود بالشخص ده انسان بس اخر الرسالة بيقول عكس كده بيقول انه حيوان زى المره اللى فاتت لانه قال "مع الاسف هو اقوى منه وسوف يمسكه"
علاء:طبعا المطلوب مننا نعرف الحيوان ده ايه؟
محمود: اكيد وصف الحيوان هو اللى فالاول الحيوان ده سريع ،بيحب الجرى،بيحب الخضرة وكمان عنده شعر يعنى كده استبعدنا الطيور فيه عندنا حيوانات تانيه سريعة وليها شعر زى الفهد ،الغزالة،ال........
شيرين: الحصان ايوه اكيد المره دى قصده الحصان سريع، بيحب الحرية ،عنده فعلا شعر طويل وكمان الحصان هو اشهر حيوان منتشر هنا فيه مزارع ليه وفيه سباقات
علاء: يعنى احنا المفروض دلوقتى نجيب معلومات عن الاشخاص اللى عندها احصنة ومزارع
شيرين: مش بالظبط كده احنا هنجيب معلومات عن اشهر الناس فى المجال ده اللى فعلا شهرتهم واسعة
محمود: طيب خلاص اصلا المعاد اللى حدده المجرم بعد بكره ان شاء الله
سالم: خلاص هنتقابل بكره ان شاء الله تانى بعد ماتجيبوا المعلومات الازمة
الجميع: تمام يافندم
أنت تقرأ
الصياد
Mistério / Suspenseيقولون ان الفتاة رمز الحنان رمز الامومة رمز الرحمه اما هى فمختلفة تماما هى القسوة والجبروت هى التى تقتل بلا رحمه هى التى لاتعرف المستحيل كَثُر ضحاياها وهى لاتزال بقلب قاسى لا يعرف الرحمه ربما اصبح القتل هوايتها ومنظر الدماء هو هوسها اعدائها كثي...
