قانون فجره

الحلقه 5

#قانون_فجره

الحلقه 5

جود: بيتزوجك🙂
ماريا: هاا هاا بارد
جود : 😂😂
ماريا: مفهمتش خيرك تضحك هلبا
جاد: ادخل انت وياها
رجع جاد للسياره سكرها ودرسها ولحقهم لقاهم في الصاله .
دخلت ماريا وقعمزت : اوو غيرتو الصالون
لوح جود المفاتيح: جديات !! منعرفش
ماريا: واااو واحد في بيته ومش فاهم شي
ماريا: على سيرة البيت !! امك وين ؟
جود: قدا خالتي 💆‍♀️
ماريا: امم كويس
دخل جاد وفتح فونه: الو بوي
فتحي : ايوه
جاد : جبتها
فتحي : كويس وتوا اقنعها
جاد: بصراحه قرارك مريب شويه
فتحي : مفيش اي شي مريب البنت يتيمه وعيب نخلوها في الشارع🙂
جاد: به
فتحي : مشيت لفجره
جاد : اي موضوع طويل صار نحكيلك بعدين
فتحي : تمام هي
سكر جاد الهاتف ودخل للصاله : انت نوض بالك بنهدرز علاها
اتكت ماريا عالصالون : خليه خيره
جود : اي خيرني 🙂مش مطب دوه اني ره ادوي بسلاسه🙂
تنهد جاد: انتي بتقعدي هني
رفعت ماريا راسها: اوك بصارة الزواج هضمتها لكن البصاره هاذي متنقبلش
جاد: منبصرش
ماريا:لا ساهله
جاد: نبي نفهم علاش شاده في رفضك هذا
عدلت ماريا جلستها : اني مش مزهرية شفقه ياجاد
جاد: ومن قال انك مزهرية شفقه
جود : اي !! صح انتي مزهريه لكن مش شفقه
رفع جاد يده: شفتيي!! هذا اللي تبيه يقعد
جود : شن قلت توا به😨
جاد: نوض جود بالله نوض
وقف جود : وزع وزع ننن
قعمز جاد بجنب ماريا: ماريا من لما وانتي صغيره كنت معاك صح
ماريا: جو الشخص الطيب مش نافع معاك ره
جاد: ماريا من لما كنتي خرا كنت معاك صح
ماريا: صح
جاد: وربيتك وقعدت نخنب في الماكله ونعطيك صح
ماريا: صح
جاد: وكرهنا مديرة الميتم في عيشتها صح
ماريا : بالذات جود ديما تلز فيه😂
جاد: شفتي كيف يا ماريا اني خوك الحيوان يلي ديما تبهذلي فيا اني معنديش خوات لكن انتي زي اختي
ماريا: بديت تنجرف شويه للشخص الطيب وبرضو مش نافع معاك 😂
جاد : به شني ياجرذه بتسكني معانا ولا كيف
ماريا: مش حنضم ومش حنغسل ماعين وبناخذ سيارة جود
جود : هي هي سيارة شني شن دخلني اني امشي مش سيارة جاد تسوقي فاها وخنبتاها كملي جميلك وخليها عندك
ماريا : المهم نبصر عليك بنضم 💆‍♀️
جاد : تمام
رجعت ماريا اتكت عالسرير وغطت راسها بالطاقيه : عارفه ان بوك قاللك جيبها معانا
جود: وكيف عرفتي
جاد : هاذي تعرف كل شي عالأساس
ماريا: وعارفه نية بوك شنو وعلاش جابني
جاد: علاش
رفعت ماريا الطاقيه شويه: خليها مع الوقت تنعرف احلى🔥

💜روايات ريان عبدو 💜

دخل عبد السلام لفجره
فجره : عظم الله اجرك
عبد السلام : عزاك نقبله لو جيتي يافجره مش اني نجيك
فجره : هات اللي عندك يا عبد السلام
عبد السلام : ورقة طلاق حفيدتك تفضلي خوذيها
فجره: به كويس
استفزه عبد السلام برود فجره فقرر يلويلها يدها: تو نشوفو من يلملك هالفضيحه بعد مانتشرت
فجره : انتشرت ؟
عبد السلام : اي انتشرت بين القبايل وحتى الصوره عند الكل😏 لنشوفو يافجره كيف بتعدلي الوضع وكيف بتلمي هالفضيحه يلي بتودرك
فجره : شن قصدك
عبد السلام : خليك مع الوقت تو تعرفي قصدي
فجره : به تمام وانت في طريقك لم فضايح ولدك تمام
عبد السلام : شن قصدك
فجره : خليك مع الوقت تو تعرف قصدي احسن وله😏🔥
سكرت فجره الباب ومسكت في الحيط
دارت الدنيا بيها بس فجأه خطرتلها فكره
ممكن لفكره هاذي تلم الفضيحه وتنستر وترجع فجره لمقامها
بس هل الفكره حتكون في صالح سمر ؟
وقفت فجره بثقه وقربت من الهاتف
ميلود : الو مدام
فجره : خبر الشيوخ ان الأجتماع الجاي بعد اربع  شهور تمام
ميلود : غريب ؟ قبل كل اسبوعين اجتماع
فجره : وتوا بتسألني يعنيي قتلك كلمه وحده خبرهم وخلاص 😒
ميلود : حاضر حاضر
نزل ميلود الهاتف : يافتحي شكلها الورقه وصلتها😂
فتحي : كويس هك معناها كل شي ماشي زي مانبو🙂🔥اربع  شهور تكمل عدة سمر حترفع اجتماع واني حنتكلم بين الرجاله 🔥
ميلود : واخيرا حيمشي كل شي زي مانبو
ابتسم فتحي بثقه 😏