#قانون_فجره
الحلقه 2
إلتفت جاد لسمر وسمع صوت سياره
بسرعة البرق شاف فونه لقي الخط مقطوع عرف ان ماريا هربت🤦♀️
رفع يده بهدوء لفوق : بنطلع توا
وخرت سمر للخلف وكانت تبي تعيط بس تذكرت كره عزوزتها وحماواتها ليها
لو لقو راجل في حوشها وحتى لو كان خانب ! كيف بتكون ردة فعلهم؟
وخصوصا إنها حفيدة فجره ☹💔
عدلت سمر وقفتها وقامت لين ودخلت للغرفه بشعور اللا مبالآة
تنهد جاد وكيف التفت بيطلع حس بضربه قويه على راسه وكان آخر شي شافه الظلام🙋♀️
حذفت سمر المزهريه عالأرض : حتى لو كانت الأسباب تمنعني ! مش حيمنعني فضولي🔥
💜روايات ريان عبدو 💜
اتكت فجره عالسرير وريحت راسها للخلف
تلمسو ايديها الجيهه الثانيه من السرير
فجره : اااه ياحاج ياريتك موجود توا أعدآئي أكثر من اللي يحبوني ياحاج ☹الله يرحمك الله يرحمك
غمضت فجره عيونها وسمحت للنعاس انه يتخللها ودخلت في نوم عميق💜
💜روايات ريان عبدو 💜
فتح جاد عيونه بشويه
شاف الدنيا مظلمه بجنبه وفي صوت عياط بيبي بعيد
بعد ربع ساعه عم الهدوء المكان
انفتح الضي بقوه
دخلت سمر ووقفت بعيد : لا نعرفك ولا تعرفني اكيد بس نبي نعرف السبب يلي خلاك تدخل في نص بيتي ياخناب شن ناوي تخنب👊
كح جاد وشاف لسمر : انتي عارفه ان المكنسه يلي في يدك مش رح تحميك !! وخصوصا أنك رابطتني بوشاح 🙂
غمضت سمر عيونها وفتحتهم : انت احمد ربك إني معيطتش ومادرتش العار
جاد: كنتي حديريه لو جيرانك يحبوك
قربت سمر من جاد: أنت منو
جاد: آخر شخص تتمني تعرفيه
سمر : علاش دخلت لحوشي
جاد : 🤐🤐🤐
سمر: واو يعني تكلمني وتهددني ولما نسألك تسكت
جاد:طلعيني من هني بالساهل او
سمر : او شني ؟ او شني
وقف جاد فوق وكان الوشاح يلي رابطاته طايح😂
طقطق رقبته على جنب وشافلها: او يصير شي ميعجبكش
وخرت سمر شويه للخلف
دفها جاد ودخل للمطبخ فتح الروشن وكيف بينقز سمع صوت وراه
سمر: به ممكن تقوللي علاش
جاد: موضوع حاصل بيني وبين المرحوم
نقز جاد من الروشن وسكراته سمر وراه
مانتبهتش لكلمة المرحوم دخلت لدارها واتكت بجنب بنتها
كانو في عيون تراقب فيهم من بعيد
وكالعاده العيون هاذم اكيد انتجو تفكير خامر😒
💜روايات ريان عبدو 💜
طلع جاد يجري وكيف بيطلع هاتفه وبيكلم ماريا ملقاش الهاتف
التفت لبيت سمر شافله مشواار
تجاهل الهاتف وكمل طريقه على رجليه🤦♀️
💜روايات ريان عبدو 💜
في الصبح 🏙
وقف ميلود وعدل الزبون وطلع من البيت لصالة فجره
شرب فتحي الشاهي وقعد يستنى في جاد
نزل جاد وابتسم : هيا
وقفت فجره وعدلت الردي
كحلت عيونها بكحل عربي ونزلت للصاله
الكل كان متحمس للقانون الجديد
قانون فجره 🔥
💜روايات ريان عبدو 💜
ناضت سمر من النوم
لقت لين تلعب بالمكعبات
قامتها في حظنها وطلعت بيها للمطبخ
كيف سخنت الشاهي وكلت بسكويت مع العصير
انفتح لباب بقوه كبيره ودخلت ام حسام وبناتها يلعلعو
طلعت سمر مستغربه: صباح الخير عمتي
أم حسام: عميي يعميك ان شاء الله يا اللي بلا ربايه ياقليلة الأصل
سمر: خير شن في 😳
قربت منها اخت حسام: مدخله راجل لبيتكم ياكلبه
سمر : لالا خانب مقدرتش نعيط ماهو....
اخت حسام : تعيطي تعيطي هااه الصوره اذي توري انك سكرتي الروشن وراه
ام حسام: هذا كله قلنا حفيدة فجره متربيه لكن متعين عار كلكم اتتفوو عليكم
قربو خوات حسام يضربو فيها
اي اي يضربو فيها
من قبل دمهم يغلي علاها
وتوا حصلو فرصه يفشو غلهم💔
طاحت سمر عالأرض تحت ضرباتهم وصوت عياط لين واصل لأخر الشارع💔
💜روايات ريان عبدو 💜
دخلت فجره وابتسمت لما شافتهم واقفين كلهم في الميعاد
قعمزت عالكرسي : تفضلو تفضلو
قعمزو الرجاله وشافولها
فجره : تفضلو خوذو الشاهي
وقف ميلود يمد في الشاهي والحلويات
فجره: طبعا اليوم ميلوداقترح عليا فكره حلوه وحبيت انها تكون القانون الجديد
شاف فتحي لميلود وضحك
فجره : القانون حيكون
عبد السلام : هذا شنو😳😳
فتحي: صوت عياط
التفت جاد للمكان يلي صادر منه صوت العياط
دخل عليهم ....... حوايجه دم وقعد يعيط 💔
...يتبع...
هذا اللي قدرت نكتبه توا🥺
أنت تقرأ
قانون فجره
Aksiكيف يكون شعورك لما تعيش تحت قوانين صارمه🔥 من لما تولد يقررو حتى من بتتزوج 🔥 كل تفاصيل حياتك تكون مبنيه على قوانين🔥 و فجره 🔥 هيا اللي تحكم فيك🔥 تابعوني في رواية قانون فجره 🔥 وحتعجبكم اكيد🔥
