#قانون_فجره
لايك قبل ماتقري حبيبتي💜
الحلقه 7
التفت جاد وتكلم بحزم : غرفتك هاذي وغرف...
شهقت سمر بصدمه : انتتت😳😳
جاد: قصدك مشفتينيش في الصاله 🙂
وخرت سمر بهدوء: لالا مشفتكش ملمحتكش ولو عرفتك انت كنت هربت
جاد: اسمعيني
سمر: شن بنسمع من قاتل زوجي ومدمر حياتي شننن
جاد: هذاكا اسمه زوج هوا 🙃
رفعت سمر الفازه فوق: للمره الثانيه نسألك انت منو
فتح جاد باكو الدخان طلع طرف
تحرك للسرير وقعمز عليه
نفخ الدخان من انفه وفمه : جاد ولد فتحي
سمر : فتحيييي !!! كان قلت من الأول علاش المؤثرات الدخانيه هاذي
وقف جاد: المؤثرات الدخانيه هاذي تروق فيا ومتخليش فيا نتعصب
سمر : ولو تعصبت شن بدير يعني
قرب جاد من سمر: الأحسن متعرفيش🔥
سمر: امبه تمام منبيش نعرف اصلا وتوا ممكن تطلع من غرفتي
جاد: غرفتك ؟
سمر: اي مش قلت هاذي غرفتك وغرفه
جاد: وغرفه ثانيه مفيش😀
سمر: وواااو بجديات شكرا يافجره شكرااا مزوجتيني لقاتل زوجي واللي مدمر حياتي واللي هاد عليا بيتي واااو شن نبي بعد هك من الدنيا
جاد: اني منبيكش ليكون في علمك بس وتوا بدلي وارقدي تو نرقد في الصالون ونحي الفازه من يدك المره هاذي مش مربوط بوشاح اني
شافتله سمر بشك ونزلت الفازه وفتحت الشنطه عالسرير
لقت توته بيج رفعتها للحمام بتلبسها💆♀️
💜روايات ريان عبدو 💜
لين: هذا حوثك صديقي
جود: شني مش كنتي تتكلمي باللاء شن قلبها ثاء
حركت لين يدها بطريقه تجنن وهيا تشرح: لا قصدي اني ملات نتكلم بسلعه ومتطلعش الحلوف فهمت عليا
مرايا: ميفهمش هذا حمار ره تعالي حبيبتي
لين : اني صديقتك ماليا
ماريا : اي اي😂
دخلت ماريا ولين ماسكه يدها وجود طلع للصاله
فتحيه: هاذي بنيتها ييي تجنن
النسون يلي بجنبها: اي محلاها ما شاء الله
قربت فتحيه بتمسك لين لين وخرت
ماريا: خيرك لين
لين : اقلبي بنقوللك حاجه
نزلت ماريا للين
قربت لين من وذن ماريا : اني بنت ناس منسلمش على بلانيه
ضحكت ماريا وشافت للين: توا حني مش برانيه حني عيلتك
اشرت لين بصبعها لماريا: وحاجه تانيه نبي حمام😀ونبي نلقد😀
وقفت ماريا: هي تعالي ليونه💜
💜روايات ريان عبدو 💜
طلعت سمر من الحمام وراسها ملفوف بوشاح
قربت من السرير ورقدت والوشاح ضايقها
رفع جاد راسه وشافلها : منبيش نعلمك لأني بنتنرفز لكن نبي نعلمك اننا متزوجين يعني اللي في راسك نحيه
رفعت سمر الوشاح فوق وربطاته ربطة صعايده : موضوعك هذا
جاد: لو بنتناقشو عالمواضيع منطقيا اني المفروض بجنبك توا راقد
قعمزت سمر وفتحت ضي السهاره : يعني توا بنتكلمو عالمنطق اوك يا ولد فتحي منطقيا المفترض انت في الحبس لأنك قاتل وبتخنب كنت وهاد على حرمه🙂
جاد: منطقيا لما تشوفي خانب تعيطي مش تضربيه بمزهريه وتربطيه بوشاح 😒
سمر : منطقيا ان.... ولا نقوللك معدش حنخوض معاك النقاش هذا لأنه عاق بصراحه
سكرت سمر الضي واتكت وهيا مش متريحه للنومه بكل☹💔
أنت تقرأ
قانون فجره
Actionكيف يكون شعورك لما تعيش تحت قوانين صارمه🔥 من لما تولد يقررو حتى من بتتزوج 🔥 كل تفاصيل حياتك تكون مبنيه على قوانين🔥 و فجره 🔥 هيا اللي تحكم فيك🔥 تابعوني في رواية قانون فجره 🔥 وحتعجبكم اكيد🔥
