قانون فجره

الحلقه 11

#قانون_فجره

الحلقه 11
للكاتبه: ريان عبدو

________________________________________________

حست سمر بيد جبدتها من رقبتها بقوه
طاحت عالأرض ورجعت تكح
رفعت عيونها وشافت جاد: احووو ج جاد
جاد: شديري هني
وقفت سمر وهيا تكح وتنظف في روحها من الغبره: جان قاللي نظفيلي غرفتي
شاف جاد للأرض ورجع شاف لسمر : اركبي وفوق ومتطلعيش الا لما نقوللك
سمرر: لكن
جاد:مفييش لكن فوق توا
قلبت سمر عيونها وطلعت من الغرفه
اما جاد تنهد وطلع من الغرفه ونزل لبوه

             💜روايات ريان عبدو 💜

التفتت ماريا ومن الخلعه رجعت لصقت في الباب: ج جان
جان: مكنتش نحسابك بتجي وتسكني هني
ماريا: عمي اصر
جان: ولو اصر !!! بعد اللي صار تقدري تجي
رفعت ماريا صبعها بتهديد: اطلع من غرفتي
وقف جان : ولو مطلعتش
فتحت ماريا الباب بسرعه وطلعت
كيف كان بيمسكها جان قدرت تهرب
ركبت فوق لغرفة سمر وقعدت تخبط عالبابا وتشوف للخلف بخوف🥺

❄والأن ❄
❄اصبح شعوري بالأمان يتلاشى❄

                  💜روايات ريان عبدو 💜

وقفت فجره وشافت للراجل: انت منو
الراجل : اني صاحب عيسى
فجره: تفضل شن تبي عيسى مش موجو...
الراحل: عيسى مات
وقفت فجره : شنو
الراجل: لقو جثتين طايحات من الحوازه من فوق والسياره مقلوبه الباين انهم طاحو من فوق
فجره: جثتين ؟
الراجل: اي
فجره: عيسى عنده زوز صغار ثانيين وينهم
الراجل: منعرفش لعند توا يدورو فيهم ملقوهمش
فجره: به تفضل اطلع
طلع الراجل كان مستغرب هلبا
خبروها بموت خوها وهيا متحركتلهاش ولا شعره
هل يمكن ان فجره شكت في شي ولو 1% 🙊

              💜روايات ريان عبدو 💜

فتحت سمر الباب ودفتها ماريا دخلت وسكراته الباب وكانت تتنفس بقوه وخوف
سمر : ماريا خيرك
دخلت ماريا للمطبخ عبت كاس مياه وشرباته دفعه وحده وكان واضح انها ترجف وخايفه
دخلت ماريا لصاله وقعمزت عالصالون وقعمزت سمر بحنبها
سمر: ليين هاتي كاس عصير لعمتك ماريا
لين من بعيد : استني نشوف في عيوني ملات سود
سمر : هيااا
لين : به به
طلعت لين تتكركب للكوجينه فتحت الثلاجه وجابت عصير وقربت من ماريا: هاك عصيل فلش
خذت ماريا العصير وشرباته دفعه وحده باقي🧏‍♀️
سمر: بري العبي
لين:نبي نهدلز
سمر: برييي
لين : خل تلوح ماليا لما نضلبك بالسلاح وانتي لاقده
مشت لين متنرفزه ورحعت سمر شافت لماريا: توا كيف تحسي
ماريا: ا احسن
سمر: تحبي تحكي ولا لا
ماريا: نبي نرتاح😶🥺
وقفت سمر ومشت لغرفتها جابت بطانيه ومخده: هاك ارتاحي
ماريا: متفتحيش الباب لحد
استغربت سمر بعدين ابتسمت باش تريح ماريا: تمام ارتاحي توا
سكرت سمر البلاكونه والشباك وسكرت الضي وطلعت لبنتها
لين: خيلها
سمر: مليضه
لين: عيونها سود من جان وله😱
سمر: ليونه اممم قولي من هك عمي جان عمي جود تمام
لين: به تمام اممم ماما
سمر: هممم
لين: خيله عمي جان لابس كناتيلا
سمر: كناتيرا ؟ ايمت شفتيه
لين : في التلفزيون
سمر : اما تلفزيون
لين: تعالي نوليك
طلعت لين لغرفة سمر وفتحت الدولاب وجبدت تابلت 🙊
حذفت التابلت فوق السرير وركبت فوق السرير: اهوا ماما
سمر: شن فيه
فتحت لين التاب وطلعو كاميرا مراقبه
سمر: اووو ترا هاتي
فتحت سمر الكاميرا وشافت الكاميره يلي في غرفة ماريا
سمعت شويه من كلامهم ونزلت التابلت😶
شافت للين وابتسمت: يلا ياقلبي انزلي العبي لوطه
طلعت لين ودخلت سمر للمطبخ تضرب في نسكافيه لماريا اللي نايمه😴

💜روايات ريان عبدو 💜

نزلت لين بشويه لعند ماوصلت للدرج شافت جود طالع من غرفته: عمي جود
جود : نعم
لين: الدلج طويل نزلني
جود: به تعالي اركبي
رفعت لين يدها وكبشت في رقبة جود: صنتك علق🙊
جود: كيف نايض من النوم
لين : انت وجهك كبيل
جود: به ممكن معدش تقرمي وتسكتي
لين: عيونك في تحتهم دايله سوده
جود: اسمهم هالات سوده ومن السهر وشويه
لمست لين عين جود وضغطت عليها قريب قلعتها😂: لا هلبا
جود: نقوللك حاجه !!! انزلي درهتيلي كبدي
نزلت لين ووقفت في نهاية الدرج : والله لما نضلبك بالسلاح
ضحك جود ودخل للمطبخ بيشرب ميه لقي جان : جان
التفت جان ورجع يقلب في كاسة العصير
قعمز جود عالبار: خيرك
جان: مدخلكش
جود: بيقعد هك منظرك امبهذل ديما
جان: مدخلكش
جود: بوي وين
جان: برضو مدخلكش
جود: نعرفه بوي وين😃
جان: بتمشي ولا بتقعد تنق هك نفختهم
جود: ونعرف حاجه ثانيه😃
جان: واللي هيا
وقف جود وخبط الطاسه عالبار بقوه: ابعد على ماريا احسن ميصير شي ميعجبكش
جان: وللمره الألف  مدخلكش
جود: هيا تكرهك ت ك ر ه ك ياجان افهمها
جان: مدخلكش😃
جود: دخلي ونص انت يلي مدخلكش وحذرتك
شرب جود الميه دفعه وحده وطلع من المطبخ
اما جان ف كان يفكر في هلبا حاجات
في نص تفكيره ابتسم بخبث
هل الأبتسامه هاذي تعني ان في شي في راسه
والسؤال الأهم
يلي في راسه بيصير ولالا🙊

💜روايات ريان عبدو 💜

دخلت لين للصاله شافت فتحيه وفتحي واول ماشافوها سكتو
قربت منهم وتربعت: كملو
فتحي: نكملو شن
لين : هدلزتكم
فتحيه : أ أههه اي المهم فتحي نبيك تجيبلي خضره وحوايج لل....
لين: كملو😃
فتحي : هانا نهدرزو😶
قربت لين من فتحي ومسكت وجهه ب يديها: فتحي اني صح صغيله لكن جداي فجله متعلمه منها له😃
فتحي : ش شن متعلمه منها
رجعت لين قعمزت وخذت كعكه من الصح: متعلمه منها ان لما ندخل على زوز ويسكتو 😃
فتحيه: به
نتشت لين من الكعكه: معناها يهدلزو ياعليا ولا على ماما وعلا على فجله😃
انصدم فتحي وشافلها: لللا مستحيل نهدرزو عليكم
لين: وجداي فجله علمتني ان في هلبا يكذبو على الصغال
فتحيه: هيي يافرخه نوضي اقلبي وجهك شني تكذبي في جدك
وقفت لين وعدلت قفطانها: معنديش جد اني وجداي فجله قالتلي ان اللي يتعصب فجأه معناها خايف منك انك شاك فيهم😃
فتحيه: لا هلبااا هك
قربت لين ولمست خد فتحيه: متخافيش فتحيه مش حنضلبكم بالسلاح
طلعت لين تجري وشافلت فتحيه لفتحي: حتى صغارهم اللي يبانو بريئين يفهمو🤦‍♀️
فتحي: معناها معدش تقولو شي بجنبها هاذي
فتحيه: استغفر الله وخلاص🤦‍♀️
دخل جان وشاف لأمه وبوه : امي
فتحيه : نعم وليدي
قعمز جان وابتسم: نبيكم تخطبولي
فتحيه: لولولوللييي هاذي الساعه المباركه 😍ومن سعيدة الحظ
تكلم جان بحماس : ماريا🔥

💜روايات ريان عبدو 💜

وتت سمر فناجين النسكافيه وحطتهم عالطاوله
سمعت الهاتف يرن قربت منه وفتحاته: الو
سمعت صوت بنت تضحك بشكل هستيري: مش انتي عارفه كمية كرهي ليك
سمر: اوو ضرتي قبل !!! اي به
البنت: توا شوفي كمية كرهي وين حطيتها
سمعت سمر صوت عياط لين
طلعت من البلكونه وعيطت بصوت عالي: ليييين

.....يتبع....

هل قرار جان بزواج ماريا كان صح🧏‍♀️وشن بتكون ردة فعل ماريا🧏‍♀️
شن صار في لين 🙊وليش البنت ماسكه كمية كره كبيره لسمر ؟ هل في سبب ثاني منعرفوشي🙊
وهل فجره شكت في موضوع عيسى🙊🧏‍♀️
كله بنعرفوه في الحلقه الجايه💜
متنسيش الكومنت ولايك عالحلقه🤤
ونادي صاحبتك تجي تقرا معاك🤤