قضية اسكندر

الحلقه 1

#قضية_سكندر_المقدمه

كانت غزلان قاعده في المكتب وتشوف الملفات تخش عليها مساعدتها وفي نفس الوقت صاحبتها
بريق:جاتك بنت تبي تقدم شكوه
غزلان عيونها في الملفات:خليها تدخل
بريق:تمام
غزلان مركزه على الملفات بعد شوي خشت البنت
فدوى عيونها متورماات:السلام عليكم
غزلان رفعت عيونها فيها:وعليكم السلام تفضلي قعمزي
قعمزت فدوه وهيا مشبكه يديها في بعض
غزلان ماسكه دفتر وقلم
غزلان:شن المشكله؟
فدوى تبكي بشوبه وتحكي: انا عندي ولدي عمره 13 سنه جت اكبر عصابه في البلاد وخطفاته وانا شفته شففته بعيوني بس مقدرتش ندير شي لانه كان موجه السلاح علي ويهددني ونبي نقدم عليه شكوه
غزلان تكتب في كل شي تقوله فدوى بعدين شافت ل فدوى
غزلان:عارفه من من العصابه؟لانهم واجد
فدوى:رئيسهم اسكندر💔🔥
غزلان رددت بغل :اسكندر
فدوى:اي اسكندر وانا شفته بعيونيي
غزلان:تقدري توصفي شكله؟
فدوى:اي نقدر
غزلان: تمام مالا هيا نوضي معاي نمشو للرسام انتي تقولي شكله وهوا يرسمه
فدوى:تمام
ناضت غزلان هيا وفدوى وطلعن من الغرفه للأصانصير

اسمي غزلان عمري 22 سنه نشتغل شرطيه ونعتبر احسن واكبر شرطيه في البلاد لاني شاطره بشغلي ماما وبابا ميتين عايشه انا واختي مع عيت جدي في قصر كبير فيه حني وجدي وعمامي وعيالهم انا من الصبح لليل في شغلي ومش مركزه بشي غير شغلي
اختي اسمها غفران تشتغل صيدلانيه عمرها 23 سنه كانت مخطوبه وفسخت
مواصافتي قصيره و رقيقه ورشيقه شعري لنص ظهري لونه بني داكن نفس لون العيون وجهي دائري شفايفي منفوخات جريئه وانا مبينه روحي قويه ودائمآ نحكي وانا خشمي مرفوع بس انا في الحقيقه نخاف من ايي شي بس منوضحش ونبين روحي قويه  بحكم اني شرطيه والشرطيه متخافش🔥
وطبعآ العصابه هاذي هيا اكبر عصابه في البلاد ومحدش يعرف شكلهم يعني لما حد يشوفهم في الشارع محدش يعرفهم! بس نعرفو اسمائهم

غزلان:هيا قولي شن مواصفاته
فدوى: عيونه زرق وعنده لحيه مش طويله ومش قصيره وعنده نظره تخووف وشعره فوق 
بدا الرسام يرسم شوي شوي

كان اسكندر متكي ع الكرسي وحاط رجليه ع الطاوله يلي قدامه ومغمض عيونه
عاصم:انت متأكد انها شافاتك؟
اسكندر بصوت يخوف:اي متأكد
عاصم:وشن ناوي دير؟
اسكندر:ولا شي...خليها تقدم شكوه مافيش حد يقدر يمسكنا ولا يعرف مكاننا
عاصم:وتخيل مسكونا؟
اسكندر فتح عيونه:يلي يعرف مكاننا ننهوه🔥

اسمي سكندر عمري 24 سنه امي وبوي ميتين وانا وحيدهم حالتي المديه قبل مايموت باتي كانت ممتازه وكان عندنا شركه بعنا الشركه ب3 مليون وسافرنا وشرينا بيها حوش على دورين بس مش قصر وشرينا سيارات وبديت نسرق ونتاجر في المخدرات ونخطف ونخلي الجماعه يخلصو عليه وانا من الخطف عندي هدف واحد بس! الكل عرف انه اسكندر وعصابته اكبر مافيه في البلاد وانا مافيش حد قادر يمسكني لاني نغطي في وجهي بس لما مشيت في مره بعدت الغطا من وجهي لان انا عندي ضيق في النفس ومنتحملش نقعد بيها واجد ولما بعدتها شافتني بنت وجهت المسدس عليها وهددتها وخطفت ولدها وطلعت
انا مكنتش هكي بس في شي خلاني هكي انا الكل يخاف مني وانا قائد العصابه والكل محترمني وعصابتي اكثر من 20 واحد

غزلان تشوف للرسمه يلي رسمها الرسام
فدوى:هاذا هوا بالضبط
غزلان خذت الرسمه وحطتها في الشنطه
غزلان:انا ح نبذل جهدي وح نلقاه حتى لو كان في سابع ارض ماتخافيش
فدوى:نترجاك ترديهولي ولدي هاذا ولديي😭
غزلان:ماتاكليش هم من اليوم نبي نبدا نشتغل ع القضيه هاذي وانشالله ح نجيبه لك
فدوى تمسح في دموعها:تمام..وطلعت

عاصم:انت متأكد؟
اسكندر بعيونه الذابلات:مزال مش متأكد واجد
عاصم:وشن تبي دير فيه
اسكندر:عن طريق الولد هاذا حنجيب بوه ونقتله ونسيل دمه بيدي..بعدين سرح وقعد يتذكر في الماضي

اسكندر:لالالا خليه يمشي خلييه
عمار:مستحييييل مستحيل لازمم يموت هاذا سارق
اسكندر يحاول يفك يديه المربطات

عاصم:اسكننندر
اسكندر فاق على روحه:ها؟ شن فيه
عاصم:انت يلي وين سرحت
اسكندر:ولا شي ولاشي عدي توا خوذ اكل للولد
عاصم:تمام يا معلم..ومشى
اسكندر يشوف للولد يلي كان فاقد الوعي وعيونه شرر🔥
اسكندر:لازم نعرف السبب يلي خلاه يقتله ...شافله بنظره طويييييله بعدين طلع

بريق:غ غزلان انتي متأكده انك تقدري على القضيه هاذي
غزلان:اي متأكده
بريق:باهي ع الاقل نمشي معاك انا
غزلان:باهي تعالي معاي وانتي نفختي راسي
بريق:نجيب شنطتي ونجي..وطلعت
اما غزلان حطت المسدس في خصرها ولبست طقية الشرطه وخذت نظاراتها وطلعت... يتبع

قولولي نكمل والله لا؟ ❤