#قضية_اسكندر_4
فتحت غزلان الروشن ونطت مع انه كان في مسافه شويا بس مترددتش ولا لحظه
مشت هيا ونادر دور في سياره بس تفاجأت لما لقت اسكندر وعاصم قدامها
غزلان رجعت خطواتها ببطئ
اسكندر: انتي ليش مصره تعبينا؟
غزلان: اسكندر خليني نمشي
اسكندر: بحالتك هاذي تقدري تسوقي؟ اكيد ح ديري حادث وتموتي
غزلان ساكته وخايفه بس مبينه روحها قويه
عاصم: خلاص هيا خشي انتي والولد لين نلقولك حل
غزلان متحركتش ولا تكلمت
اسكندر مسكها من يدها بقوه ودخلها للكوخ ورماها على الصالون
غزلان: ااه بطنيي اااه
اسكندر تذكر انه بطنها مفتوحه
غزلان كانت حاطه يدها على بطنها وتتألم منها
اما اسكندر سيبها وخش
بريق: اففف يااربيي وينن غزلان ويين
وترن عليها
بريق: ليش دايره تليفون انتي يا غزلان ليييش
جا اليل وغزلان تبكي بصوت وااطي وتمسح في دموعها بعدين فاقت على روحها
غزلان في عقلها: اناا؟ انا نبكي؟ لالالالا غزلان لازم تقوي روحك وتهربي من هنا غزلان قوي روحك
ناضت غزلان ومشت للدار يلي خش فيها اسكندر لقاته رااقد في سابع نومه خذت منه المفتاح بشوييش وطلعت دور على نادر خشت للدار لقاته مربوط وراقد وهوا مقعمز وجنبه عاصم حتى هوا راقد
غزلان بصوت واطي: ناادر نادر
نادر فاق
غزلان تفك فيه: بسرعه نبو نهربو تمام؟
نادر: تمام
كانت برا مطرر وصقعع بكل
غزلان: البس جاكيتك كويس برا صقع
نادر: وانتي خوذي اي شي منهن الكلاب هاذم
سكتت غزلان تفكر بعدين مشت لدار اسكندر وخذت جاكيتهه الجلد ولبساته وطلع واسع عليها😂
مشت تبي تفتح الباب لقاته مسكر
غزلان: مسكرر😳 افف انا الغبيه اكيد بيسكروه
نادر: شوفي الرواشن
مشت غزلان وشافت الرواشن كلهن والبيبان كللهن مقفولات
نادر: والحل توا
غزلان: مش عارفه شن ندير... وقعمزت وحطت يديها على راسها ين تذكرت انه باب المطبخ فيه مرش
مشت تجري هيا ونادر للمطبخ وخذت كبايه وكسرت بيها مرش الباب
فتحت غزلان الباب ومشت تجري هيا ونادر للسياره ركبت فيها بعدين شافت اسكندر طالع يجري حركت السياره وانطلقت بسرعه جنونيه
مشى اسكندر بالسياره ولحقها
اما غزلان كانت تجري بسرعه مشش طبيعيه في مكان خطير
وبعد ساعه من الجري في الطريق وصلت غزلان للمدينه وطوول مشت للمركز اما اسكندر وقف السياره وهوا يخط على الدومان
نزلت غزلان من السياره هيا ونادر يجرو خشو جوا للمركز وقفلو
غزلان طاحت على الارض تتنفس بسرعه وبطنها تنزف
نادر:وينن وين التليفون نرنو ع الاسعاف
غزلان ماسكه بطنها بقوه وتبكي بس
مشى نادر لقى تليفون ارضي رن على الاسعاف وقاللهم يجو للمركز ومشى لغزلان لقاها فاقده الوعي
نادر:غزلاان غزلان فيقي....ومشى جاب ميه ورش شويا عليها
غزلان فاقت شويا
نادر:نوضي غزلان نوضيي
غزلان عيونها يتسكرو
نادر:قاومي غزلان الاسعاف شويا ويوصل
غزلان سكرت عيونها ورجعت فقدت الوعي
نادر:غزلااان نوضي..وبعدها سمع نادر صوت اسعاف فتح الباب وخشو الاسعاف وخذو غزلان ونادر للمستشفى
الدكتور:هاذي صايرلها حادث خطير شكلها
الممرضه:اي صاح شكلها
الدكتور:خليها اليوم تحت المراقبه وبكرا تطلع
الممرضه:تمام
الدكتور:مش معها اهلها؟
الممرضه:معها ولد بس
الدكتور:تمام توا نمشيله نبلغو اهلها الباقيين
الممرضه:تمام..وطلعت
طلع الدكتور لقى نادر مقعمز على الكرسي قدام غرفة غزلان
الدكتور:اهلآ
نادر:اهلين
الدكتور:قريبتك غزلان؟
نادر:اااء ا اي اي قريبتي
الدكتور:وين اهلها
نادر:عطيني تليفون نرن عليهم
الدكتور طلع تليفون ورن على امه
فدوى:الوو؟
نادر:الو امي انا نادر
فدوى ناضت بسرعه:نااادر
نادر:اي امي تعالي للمستشفى توا وبسرعه
فدوى:ت تت تمام توا جايه..وسكرت الخط ومشت هيا وراجلها
وصلت فدوى للمستشفى
فدوى:ناادر
نادر:مااما..وحضنو بعضهم
فدوى:استاحشتك حبيبي خيىه وجهك مخبش
نادر:انا وغزلان درنا حادث خطيير بكل
فدوى:ووين غزلان
نادر:في الدار هاذي قاعده
خشت فدوى على غزلان لقتها راقده وراسها ملفوف بالشاش ومعلقين لها تغذيه
فدوى تحكي لراجلها:يا حرام غزلان شوف كيف وجها مخبش كله
سليم:اي صاح
فدوى:مش ح ننسى انها ساعدتني
سليم:بس هيا شرطيه وهاذي خدمتها
فدوى:اي صاح بس شوف كيف حالتها توا هاذا كله بس على شان تنقذ ولدي نادر
سليم:ربي يشفيها
غزلان بدت تفيق شوي شوي
فدوى:غزلان فقتي
غزلان فتحت عيونها وهيا ماسكه بطنها
فدوى:الحمدلله على السلامه غزلان
غزلان بتعب:الله يسلمك
فدوى:نتشكرك انك لقيتي ولدي غزلان
غزلان ابتسمت بتعب
سليم:اي صاح لو م.....
غزلان ناضت من المخده بعد ما شافت.......يتبع
أنت تقرأ
قضية اسكندر
Actionالقصه تحكي على اخطر عصابه في البلاد وفي بنت شرطيه تحقق مع القضيه هاذي وتباعو الروايه توا تحبوها❤❤.
