#قضية_سكندر_2
غزلان حطت المسدس في خصرها ولبست طقية الشرطه وخذت نظاراتها وطلعت هبا وبريق وركبو في السياره
بريق:وين ماشيه توا؟
غِزلان: ماشيه لحوش فدوى بلكي نلقى دليل
بريق: امتى انخطف ولدها؟
غِزلان: امس في اليل ساعه 3 وقالت طول مشت لاهلي لانهم قريب منها
بريق: اها يعني ش مزال كيف ما هوا
غِزلان عيونها في الطريق وعيونها ناعسات🔥: اي وعطتني المفتاح متاع الحوش
وصلت غِزلان للحوش نزلت هيا وبريق
خشت للحوش واول ما خشت لقت المزهريه طايحه وفي دم ع الارض واثر كندره!
بدت غزلان تحقق لبست القوانطي ومسكت المزهريه وقعدت تشوف فيها
ملقتش اي دليل عليها شافت للدم يلي جنب المزهريه وعرفت انه جرح عمييق لان كمية الدم واجده
مشت وشافت لمقبض الباب متاع الولد ملقتش بصمات وعرفت انه لابس قوانطي وواخذ احتياطاته
غزلان:اففف ملقيتش اي دليل او شي يوصلني ليه
بريق:دوري اخرا اكيد توا تلقي
غزلان:تمام وانتي ديري شريط على غرفة الولد والدم والمزهريه يلي غادي
بريق:تمام..ومشت
اما غزلان خشت للمطبخ وشافت الروشن مكسور
وفي قطعة جلد وواضحه انا من جاكيت!
مسكتها غزلان وشاف فيها اثر اصبابع
حطت غزلان القطعه في كيسه وكملت تدور
وصورت اثر الرجلين وطلعت للجنان مالقت شي
بريق:لقيتي اي شي
غزلان:لقيت دليلين لحد توا
بريق:تمام توا هيا نمشو لاني انا تعبتت اليوم وحتى انتي باين في عيونك التعب
غزلان:يالله نمشو وبكرا الصبح نردو هنا
بريق:تمام هيا
طلعت غزلان وبريق ومشن لحوشينهن
خشت غزلان للقصر لقت بنات عمها ساهرانات على التلفيزون ويحكن وضحك واصل لبرا
غزلان:نقصو صوت التلفزيون الصوت لاني تعباانه ونبي نرقد..ورقت
اسكندر خش للحوش وهوا تعبان
عماد:جيت
اسكندر:وانت شن شايف
عماد:طب وحيات عينيك كُنت مش شايفك
اسكندر: ونبي تسكت راسي مصدع
عماد: حسستني انك دكتور وداير 12 عمليه
اسكندر شافله بنظرة تعني اسكت😂
عماد: باهي تمام سكتنا وانت كيف الروبوت.. وناض رقى فوق اما اسكندر يشوف للتلفزيون بعدين خذاه النوم
اليوم الثاني⛅❤
متجمعين كلهم على سفرة الفطور
غزلان نازله وتلبس في جاكيتها
غزلان:صباح الخير
الكل:صباح النور
غزلان طلعت ركبت في السياره ومشت للشغل طول
خشت غزلان لمكتبها وحولت الجاكه حطتها على الكرسي وقعمزت
طق طق
حشت بريق في يدها فنجان قهوه
بريق:وهاذي قهوتك
غزلان:صحيتي..وشربت من القهوه
بريق:نمشو ليوم اخرا للحوش
غزلان:مش عارفه كان نبي نمشي نقولك
بريق:تمام..وطلعت
اما غزلان بدت تحقق
ناض اسكندر لقى خوه يفطر
عماد فمه معبى:تعال افطر
اسكندر:ماليش نفس نمشي نغسل ونطلع عندي شغل..ومشى
عماد:حمار من يفوت فطور يجنن هكي من يدين عمودي
غسل اسكندر وبدل وجا خذا قهوه وطلع
فدوى تبكي:ياارب يردلي ولدي بخير ياارب
سليم راجلها:انشالله انشالله توا يردلنا انشالله
فدوى:ياارب
سليم سرح وهوا يفكر
غزلان في عقلها:اكيد لان الجرح عميق؟ ح يمشي يخيطه!
ناضت غزلان وخذت جاكيتها وسلاحها وطلعت بسرعه
بريق:غزلان غزلاان استني..خذت سلاحها ولحقتها
بريق:وين غزلان؟
غزلان:للمستشفى
بريق:ليشش
غزلان ركبت في السياره:توا تفهمي بسرعه اركبي
ركبت بريق ومشو للمستشفى
عاصم:شن صار في يدك
اسكندر:فيها وجع بس توا يمشي
عاصم:خيطتها؟
اسكندر هز راسه بمعنى لا
عاصم:وضن تستنى نوض نخيطوهالك
اسكندر:لالا مافيش داعي
عاصم:يااااه علينا من راسك اليابس
اسكندر:مافيش داعي خلاص توا يخف الوجع
عاصم ناض:توا نمشي نجيب لك مرهم ولله حاجه
اسكندر غمض عيونه واتكى على الكرسي ورجليه فوق الطاوله
عاصم مضى وهوا ينفخ
كانت غفران تنظم في الادويه وتشوف فيهن
عاصم:السلام عليكم
غفران التفتت:وعليكم السلام
عاصم قعد يشوفلها وغفران كذالك
عاصم فاق على روحه
عاصم:اااء ن نبي مرهم
غفران:لشنو المرهم
عاصم:لواحد مايبيش يخيط بده
غفران ضحكت
عاصم:سمحه ضحكتك
غفران:احمم..ودارت وجها من الخجل اما عاصم بخبط على وجهه كيف قاللها هكي😂 ◕‿◕ ◕
عاصم :اااء م مش عارف صاحبي مايبيش يخيط يده وهوا راسه يابس
غفران:لازم ما يخيط يده إذا الجرح عميق
عاصم:الجرح عمييق بكل
غفران:باهي خوذله ممرضه في الحوش
عاصم:ااء احم هوا ما يبيش
غفران:باهي توا نعطيك المرهم هذا..وعطاته مرهم
عاصم:بكم هاذا؟
غفران:بعشره جنيه
عاصم مدلها الفلوس وطلع
عاصم:ااخخ شن هالجمال بسس..ومشى
وصلت غزلان للمستشفى وعدت لقسم الخياطه وخشت
غزلان:السلام عليكم
الممرضه:وعليكم السلم
غزلان طلعت الرسمه
غزلان:جاك الراجل هاذا؟
الممرضه:لا ماجانيش
غزلان:متأكده؟
الممرضه:اي متأكده
غزلان عطتها الكرت متاعها:لما يجيك او تشوفيه اتصلي بالرقم هاذا
الممرضه:تمام
طلعت غزلان ومشت للعيادات كلهن ومافيش فايده
بريق:الا ما نلقوه هالواطي
غزلان تسوق بسرعه جنونيه ومتضايقه انها مزالت ملقتش اسكندر ولا حتى اي شي وصلها ليه
خش عاصم وعطاه المرهم
عاصم:هاك المرهم هذا
اسكندر:صحيت
عاصم سارح ويتذكر في غفران
بريق:غزلااانن سوقي بشويه غزلاااان
غزلان فاقت لروحها ووقفت السياره
بريق:تييي خيرك انتي تبي تقتليناا
غزلان حطت راسها على السياره
بريق:بشويه توا تلقي دليل وتلقيه وتحبسيه بس انتي اهديي
غزلان:تيي كيف كيف نبي نلقااه كييف
بريق:خلاص غزلان هيا ننزلو للبحر
غزلان:لالا خ....
بريق:هيا غزلان اعصابك تلفت هدي شويا وخوذي راحه
نزلت غزلانومعاها بريق قعمزو على الشط
اسكندر:انا ماشي نحس في نفسي مخنووق
عاصم:نمشي معاك
اسكندر:تعال اذا تبي
عاصم:تمام
طلعو اسكندر وعاصم ومشو للبحر قعمزو وقعدو يحكو
غزلان وهيا تشوف للبحر طاحت عينها على اسكندر
غزلان:ه هذا اسكندر؟
بريق تلفتت
بريق:شوفي الرسمه
طلعت غزلان الرسمه وكان هوا نفسه اسكندر
ناضت غزلان وطلعت سلاحها
غزلان:نووض اسكندرر
اسكندر شافلها وناض
غزلان:ارفع يديك
اسكندر يهمس لعاصم:عدي امسك البنت يلي معاها وانا ندبر روحي
عاصم:تمام
عدا اسكندر يجري ونط في البحر
وغزلان رمت السلاح ولحقاته مع انها ما تعرمش تعوم
نطت وراه وعاصم ماسك يدين بريق ويده على فمها
اسكندر قاعد جوا في البحر وغزلان خشت
اسكندر كان يراقب فيها وعرفها متعرفش تعوم
وفي لحظه غزلان فقدت الوعي جوا البحر......يتبع
أنت تقرأ
قضية اسكندر
Acciónالقصه تحكي على اخطر عصابه في البلاد وفي بنت شرطيه تحقق مع القضيه هاذي وتباعو الروايه توا تحبوها❤❤.
