قضية اسكندر

الحلقه 7

#قضية_اسكندر_7
حلقه إضافيه

قطع عاصم كلامه لما شاف صورة غفران وغزلان مع بعض في الخلفيه متاع غفران
غفران:احكي خيرك قطعت؟
عاصم:ااء يلي في الصوره من؟ فضولي انا بس😅
غفران:ههههه لا عادي هاذي اختي
عاصم بلع ريقه:اا اختك!
غفران:اي اختي
عاصم:اها اي ااء انا نبي نمشي عندي شغل
غفران:امم باهي على راحتك

مشى عاصم وهوا مصدووم ويفكر لو غفران عرفت انه عاصم واحد من يلي خطفو اختها
معش تحكي معاه ابدآ
عاصم:ياااه ع الصدفه البايخه..ومشى بالسياره

اسكندر:افف ح نقولها لها وخلاص في الاخير هيا شرطيه..ووقف
اسكندر:انت ياا شرطي
الشرطي:خيرك
اسكندر:نبي نشوف غزلان
الشرطي:الشرطيه غزلان لو سمحت
اسكندر بدون نيه:الشرطيه غزلان
الشرطي:هيا تعال
مشى اسكندر لمكتب غزلان

كانت غزلان قاعده على تليفونها يخش عليها اسكندر
اسكندر:شرطيه وقاعده على تليفون!
غزلان:خيرني مثلآ كفرت؟
اسكندر بصوت واطي:مطوله لسانك يا كلبه
غزلان:شنو
اسكندر:نبي منك خدمه
غزلان:شنو هيا الخدمه
اسكندر قعمز على الكرسي
اسكندر:انا عندي اخت اسمها ليالي ليا 3 سنين ماشفتهاش وكنت مفكرها انها ميته
غزلان:كيف يعني
اسكندر في عقله:اففف ح نحكي غصب
غزلان:نحكي معاك
اسكندر:شوفي انا ح نحكيلك قصتي من الاول
غزلان عدلت قعدتها
اسكندر:انا كنت كويس وفي حالي ومنتاجرش في مخدرات ولا شي
غزلان: فتحت عيونها بصدمه: قصدك انت تاجر مخدراات😳
اسكندر خبط راسه وقال في عقله:انا شن درت بسسس في روحي
غزلان:توا انا جبت كلل يلي يشتغلو معاك وحطيتهم في السجن بس في واحد يلي كان معاك في الكوخ هاذا محصلتاش
اسكندر:باهي خليني نكمل في شي مهم ونحتاج مساعده
غزلان:كمل بسرعه
اسكندر:انا كنت كويس ومعنديش في الحاجات هاذي بس مره جا بوي وقالي انه شرا شركه... انا استغربت وقلت من وين له الفلوس بس هوا قالي انه صاحب الشركه مريض بمرض خطير وح يموت بعد كم يوم وهوا معنداش لا اولاد ولا اهل ولا شي وكان بوي صاحبه من الطفوله وبعد مات صاحب بوي بوي خذا الشركه بس بعد كم يوم جا واحد وخطف ليالي وهددنا بأنه لو ماعطيناش الشركه بعد يومين ح يقتلها مرو يومين وبوي يدور عليه وكلم الشرطه بس بلا فايده
غزلان تسمع ومنتبهه
اسكندر:مرو يومين بعدين قال عمار يلي خطف اختي انه قتلها وقتها بوي انهار وقعد يدور عليه باش يقتله بس جا عمار ومعاه رجالته ربطوني وخوي كان مش قاعد وعمار قتل بوي💔....... وقعد يتذكر

اسكندر كان مربوط ويعيط:بوووووووييي لااا
عمار:بوك سرق اوراق الشركه مني وخذاالتعب يلي تعبته 5 سنين باش كونت الشركه وشريتها
اسكندر:كذاااب بوي مسرقش شيي انت كذااابب
عمار شافله بغل وطلع

غزلان:وشن ثاني احكي؟
اسكندر:بعدها وانا في السجن وصلتني رساله من اختي ومكتوب انا عايشه
غزلان:اختك ليالي مزال عايشه؟
اسكندر:اي...قالتلي انها عايشه وهربت من عمار وطاحت على راسها فقدت الذاكره و ولقيوها ناس وخذوها عندها لين ردت الذاكره لها وتذكرت انه عندها اخ
غزلان:وليش مدزتش الرساله ل خوك الثاني
اسكندر:هيا كانت تعتمد عليا انا اكثر لان عماد صغير وطايش
غزلان:باهي توا المطلوب مني اني نلقى اختك؟
اسكندر:اي
غزلان:تمام انت عطيني الرساله
اسكندر طلعها من جيبه
غزلان خذتها:تمام توا نبدا في القضيه اليوم
اسكندر هز راسه
غزلان:كماال
الشرطي:نعم
غزلان:خوذوه للسجن الثاني
اسكندر:اي سجن
غزلان:سجن وخلاص مش ضروري تعرف
مشى الشرطي وخذا اسكندر للسجن

⚡روايــــــاتــ⚡بنــــــت الحاســــــــــه⚡
⚡ ايــــــــه الحــــ⚡ســــــــــي⚡

فدوى:خيرك سليم مش على بعضك الايام هاذي؟
سليم:اااء مش عارف هكي تاعب بس
فدوى:امم باهي نمشو للدكتور؟
سليم:لالا مافيش داعي دكتور
فدوى:ليش لما جا اسكندر ونحنا في المستشفى توترت؟
سليم ناض:انتي علييش تسألي مثلآ.....وعدا
فدوى:بسم الله خيره هاذا

غزلان:الرساله جايه من شركه البريد هاذي معناها نمشي للشركه ونعرف من عطاهم الرساله
ناضت غزلان خذت تليفونها وجاكيتها وطلعت ركبت في السياره هيا وبريق
بريق:وين ماشيين؟
غزلان:قصه طويييله توا نحكيلك بعدين
بريق:تمام براحتك
مشت غزلان لشركه البريد نزلت هيا وبريق ومشو للريسبشن
غزلان:السلام عليكم
الريسبشن:وعليكم السلام ورحمة الله
غزلان:ااء نبي نعرف من عطاكم الرساله هاذي؟
الريسبشن شاف للورقه شوي بعدها حكى
الريسبشن:هاذي جتنا في رساله و نحنا طبعناها
غزلان:اي باهي نبي الرقم يلي دز الرساله
الريسبشن:لحظه شوي
غزلان:خوذ راحتك
الريسبشن:092*******
غزلان:تمام شكرآ:وطلعت

بريق:شنو الرقم هاذا
غزلان:بريييق توا نحكيلك بس مش توا
بريق:باهي باهي
غزلان:هاك شوفي عنون الرقم هاذا
بريق:باهي شوي..قعدت بريق تربط في الموقع في التليفون
بريق:اهو العنون
غزلان:تمام
مشت غزلان للعنوان يلي طلع

خش اسكندر للسجن وهوا يشوف للي قاعدين جوا كلهم وجوههم مايبشروش بالخير ابدآ
خش اسكندر وقعمز على السرير متاعه
فتحي:اوو عندنا ضيف
اسكندر اتكى وغمض عيونه
فتحي:هكي تستقبلنا؟
اسكندر سااكت
خيري:خليه توا ياخذ راحته وبعدها نتفاهمو

وصلت غزلان للعنون بعد قريب ساعه ونزلت وطقت الباب
طق طق طق
بعد شوي فتحت بنت تجنن......يتبع

اسفه بنات الحلفه قصيره لانها حلقه إضافيه ❤❤.