#قضية_اسكندر_14_والاخيره
اما غزلان مشت وحطت سليم في السجن ومشت لمكتبها وتفكر
غزلان:زعمى صاح معجب؟ ولله لا؟ توا نحكي مع غفران هيا يلي تعرف في الحاجات هذي
خذت غزلان تليفونها ورنت على غفران بش انصدمت لما رد عليها حد غريب
الراجل:الو
غزلان:ا الو من معاي
الراجل:صاحبت التليفون دارت حادث هيا وراجلها
غزلان رجليها معش حملوها وطاحت على الارض
غزلان:راجلها؟
الراجل: اي كان معاها واحد
غزلان: ت توا كيف وين هما
الراجل: في المستشفى
غزلان: تمام جايه توا.. وسكرت الخط وطلعت تجري وخبطت في كم واحد من العجله!
ركب غزلان السياره وعدت بأقصى سرعه
ـــــــــــــــــــــــــــــــــــــــــــــــــــــــــــــــ
قبل ساعه "
كانت غزلان في مكتبها خشت عليها غفران
غفران: هاكي الكفاله متاع عاصم
غزلان خذتها: تمام
غفران:غزلان
غزلان: همممم؟
غفران: عاصم عرض عليا الزواج
غزلان: تبي توافقي
غفران: ناخذ في رئيك انا
غزلان: انتي كان حسيتيه كويس وصاح معش يتاجر في المخدرات وافقي
غفران مشت باست اختها وحضنتها بقووه ومشت
اما غزلان ابتسمت وكملت شغلها
⚡روايــــــاتــ⚡بنــــــت الحاســــــــــه⚡
⚡ ايــــــــه الحــــ⚡ســــــــــي⚡
غفران: نمشو؟
عاصم: اي هيا
مشو غفران وعاصم للسياره وركبو
عاصم: نبي نعزمك على احسن مطعم في البلاد هاذ كلها
غفران مبتسمه وبس
كان عاصم يمشي تجي كانتر كبيره من الجنب وتخبطهم
وتنقلب بيهم السياره 3 مرات
بس كأن الحادث مقصود! لان الكانتر كانت موقفه وبعد شافتهم تحركت بسرعه وخبطتهم؟
ـــــــــــــــــــــــــــــــــــــــــــــــــــــــــــــــ
وصلت غزلان للمستشفى نزلت تجرييي
عدت للريسبشن
غزلان:وين غفران المريضه يلي توا
الريسبشن:توا ودوها للطابق الثاني
مشت غزلان تجري للاصنصير ركبت فيه
ومشت تجري لقت عاصم
غزلان: وين غفراان وين
عاصم يتألم من يده:في العمليات
غزلان:ياارب ياربب تكون معاها يارب
خشت ليالي لمركز الشرطه وفي يدها كفالة اسكندر
ليالي:معليش الشرطيه غزلان قاعده؟
بريق: لا مش قاعده
ليالي: باهي نقدر نطلع اسكندر بكفاله توا ولله ضروري الشرطيه تقعد قاعده؟
بريق: لحظه نسألوها نطلعوه ولله لا
ليالي: تمام
رنت بريق على غزلان
غزلان: الو بريق
بريق: غزلان توا جت قريبة اسكندر وقالت نبي نطلعه بكفاله
غزلان: باهي خليها توقع ع الاوراق متاعات الكفاله وتخلي الذرف تحت في الدرج و طلعه عادي
بريق: تمام... وسكرت الخط
بريق: تمام تعالي معاي
مشت ليالي مع بريق على شان تجهز الاوراق
غزلان مقعمزه على الكرسي وتدعي ل غفران
وعاصم رغم انه تاعب ويده مكسوره قاعد يستنى امتى غفران تطلع من العمليه
قعدو شوي ويطلع الدكتور
غزلان ناضت: شن صار دكتور
الدكتور نزل راسه.........
أنت تقرأ
قضية اسكندر
Actionالقصه تحكي على اخطر عصابه في البلاد وفي بنت شرطيه تحقق مع القضيه هاذي وتباعو الروايه توا تحبوها❤❤.
