جلس قبل مكتبي وفتحت جوالي ليسجل كلامه.
حك دقنه واسترخى ع الكرسي:ابيك تكون المحامي الخاص فيني..ولا تخاف بدفع لك الي تبي وزود.
صغرت عيني:تحسب همي الفلوس؟همي انظف العالم من اشكالك
اتنرفز وبشده من الي يحسبون همنا الفلوس،والي يحطون هذي اول كلمه بالنقاش.
ومدري ليش ظنيت ان هالاسلوب وهالطريقه بالكلام
م هي طريقه زين.
تنرفزت وقفلت الملف :يلا برا لا ادق عالشرطه الحين
قفلت التسجيل ولميت اوراقي.
احتد صوته وتكلم وهو شاد ع فكه:اسمعني حاتم،هالقضيه انا مالي دخل فيها وم معي الا انت تساعدني
رفعت نظاراتي فوق شعري وناظرته:انت شلون تعرفني ؟وتعرف اسمي واني محامي؟وتتكلم كان بينا ماضي؟ذكرني فيك اذا كنت مذكر!!
وليش م فيه الا انا؟الدنيا مليانه روح بلع واحد من فلوسك وهو بينبح ع كيفك
ضرب بيده ع الطاوله :اقولك مظلوم
انا م ظ ل و م،لو كنت ظالم م كنت بغرق يدينك بحاجه وصخه
تاففت:قول الي عندك اشوف
رجع استرخا ع الكرسي وبالكرسي الي قباله حط رجلينه،وبنفسي:شهالطول الله ياخذك!!!!
زين:كوب قهوه لا هنت
والله ان كان ودي ارمي عليه علبه الاقلام وينعمي ويموت:خدام ابوك انا؟
اشر عالورقه الكبيره المعلقه ع الجدار:انتو كاتبين ان نقدم لكم سبل الراحه وحاطين صوره قهوه
قمت وانا العن صبا والعن نفسي ليتني رحت معهم وتحلفت اني اشق هذيك اللوحه لا يناشبني عليها بعدين
حطيتها قباله بعد م سويتها خااايسه بالعمد
وشفط منها شوي بعدها نطق بنبره اول مرا اسمعه منه،ملامح وجهه تغيرت وبان الهم فيها والحزن ملا ثنايا وجهه الابيض،شدني هالشيء له اكثر وبدا يحكي
:انا..انا مو دارس،م كان عندي عايله عشت عند جدتي وتوفت يمكن وانا بالمتوسط،واطريت اشتغل و اوقف دراسه وللحين من شغله لشغله ومتخبط ع الاخر
المهم اني حالياً اشتغل بتوصيل طلبات،لاكثر من مطعم،ويوم من الايام كنت اوصل عشاء لبنت ببيتهم
خبرتني ان م فيه احد غيرها وانه عادي الباب مفتوح ادخل للمطبخ وادخل الاكل
وفعلاً سويت الي علي وطلعت
اليوم الثاني اعلنوا خبر وفاتها..
سألت:مقتوله؟
:اي مقتوله،بس فيه واحد شافني،ولد جارهم،والي فهمته انه يحبها وكان بيجي لها البيت اصلاً بس يوم كان بينزل شافني ادخل وانصدم
مسحت بيدي ع وجهي و بتفكير:
يمكن هو القاتل او المشتبه الثاني وقاعد يقط التهمه عليك
زين رد:
مو مهم المهم انه مو انا
رفعت عيني:
اسمعني زين،ك محامي وعشان اقدر اتصرف معك كويس قول لي الحقيقه،زين انت القاتل؟
صمت لثواني وبعدها رد:لا
فتحت كتاب عندي:طيب حلو خل نقول فرضاً انك صادق والولد هذاك شافك..اي صح ابي الرسايل الي كانت بينك وبينها وانك موظف بالمحل ذاك وكل شيء
زين لف بوجهه:انطردت وقالوا لا تدخلنا بالسالفه وجوالي تكسر وم عاد اشتغل قطيته
هزيت راسي وانا مركز بالكتاب سمعته يناديني:مصدقني حاتم؟
م رفعت عيني له ورديت
:لاء انا مو مصدقك كحاتم، بس كمحامي هذي شغلتي بس اسمعني..
ناظرته وتكتفت:
قصتك فيها ثغرات واجد وشكوك واجد ولو المدعي العام لقى لك ولو دليل واحد راح تروح في ستين داهيـ...
قام و رمى كوب القهوه بالارض وبصراخ م قدرت افهم كلمه من الي قالها حرفياً كان كلام كثير واشياء واجد ،وبنفس الوقت انا ممكن اكون مع قاتل؟
ضرب الطاولة مرتين وبعدها قرب مني:بتساعدني صح؟انا وراي حياه اعيشها وراي اشياء كثير م ابي اموت الحين او اتقيد صدقني مو انا القاتل
شيء بداخلي مال لانه صادق،يمكن لاني خفت منه؟وابي افتك منه،ولا عيونه الي المطفيه الي وصلني المها من هالحياه؟،يمكن عايش حياه صعبه،يمكن هو مظلوم فعلاً،بس معرف.
كرر صوته بسكون اكثر:بتساعدني؟
هزيت راسي:بساعدك..
احبكم🤍.
