#انحراف_انثى 🔞
للكاتبة #Zaineb Ali
٠٠٠٠٠البارت الرابع٠٠٠٠٠
جنة..مشينة ووصلنة للبيت وهو بعدة يا ربي هذا شيريد من عندي
فادي..شفتها دخلت جبت حجارة صغيرة وحطيت بيها رقمي وشمرتة
جنة..عزة بعيني هاي شصار وشفت حجارة شلتها وخليتها بأيدي
ناريمان..هاي شصار
سارة..ماعرف يمكن واحد من الجهال شمر حجارة
ناريمان..يلة طبن
جنة..طبيت وصعدت ابدل وجان اشوف الحجارة بأيدي فكيت الورقة وشفت بيها رقم ووكعت الحجارة
سارة..هاي شنو ههه بيدج الحجارة
جنة..اي ولج مو وكعت بالكاع وشلتها وشكيت الورقة وذبيتها بسلة المهملات
سارة..امشي خل نسوي عشة
جنة..يلة انزلي واجتني رسالة ع دردشة
من الطائر الحزين مكتوب مرحبا
جنة..مرحبتين
شخبارج
جنة..بخير وانتة
بخير اذا انتي بخير
جنة..شكرا
سارة..يلة جنة
جنة..وعفت التلفون ونزلت
سارة...طلعي طماطة خلي نسوي تبسي واني قشرت البطاطا
جنة..حاظر شيف سارة
ناريمان..فدوة للنادرات واجت باستنة
جنة..رحت حظرت السفرة وصبينة العشة
حسن..عاشت الايادي
سارة ..بالعافية
جنة..كملو وغسلنة المواعين وصعدت فوك سارة لزمت تلفونها وضلت تسمع اغاني
واني فتحت انتر نت اجاني مسج ع واتساب
فتحتة ..لكيتها نرجس
نرجس..هلو جنو شخبارج
جنة..وضلينة نحجي
نرجس..يمعودة هم دك فادي اشوفة وارجع
جنة..ماشي باي
وضليت اكلب بالتلفون شفت برنامج اسمة الفيس بوك فتحتة وسويت حساب ماعرف بوقتها شلون صار هههه
جنة..دخلت لشكو كروب مخليت ولا كروب مدخلت بي ودزيت طلبات صداقة لهةاي ناس بعدين دخت منة ونمت
كعدت الصبح بدلت وطلعنة اني وسارة وصلنة للمتوسطة وهم لكيت فادي غمزلي مهتميت وطبيت اف شلون وية هذا اكول لنرجس حتة تخلص من عندة
نرجس..صباحو
رشا جنة..صباحو
شلونهن الحلوات
تمام
جنة.. ولجن شنو هذا برنامج الفيس بوك
نرجس..لج نسيت اكلج عليه يجنن
جنة..شبي ليش
نرجس.. كلشي بيه
رشا..اليوم اجيج اعلمج عليه
جنة..هلا بيج امشن ندخل للصف
وضلت المدرسة تحجيلنة شلون جانو عايشين وشلون حياتهم جانت حلوة وبسيطة
جنة..ست الحب حرام
المدرسه..لا حبيبتي الحب مو حبنات
بس بأحترام مو حب هل وكت
نرجس..ليش شبي حب هذا الوكت
المدرسة..اكثرية الشباب حاليا يحبون لمصلحتهم ميكون حب نقي ويريدها بالحلال اخذن حذرجن لان ممستعجلات ويجي يوم وتزوجن وتشبعن ويلة نرجع لدرسنة كافي
وضحكنة
جنة..ضليت افكر بكلام المدرسة لكيت نفسي بداومة كبيرة وحيرة واسألة هواي ودك الجرص وطلعنة
سارة..هلا يلة امشي نرجع
جنة..رشا مو تنسين تجين افهمج الدرس
رشا..يا درس ولج
جنة..بقلبي شكد غبية وكرصتها
رشا..اخ شبيج فتهمت
جنة..يلة سارة باي بنات
سارة..جنة اليوم فهميني عربي
جنة..امشي وافكر بكلام المدرسة
سارة..الو شبيج
جنة..هاا كلشي ماكو يلة استعجلي ووصلنة للبيت
رحت بدلت وشفت تلفوتي فتحتة لكيت رسائل هواي وهواي ولد كعدت اجاوب واحجي وتعلمت للفيس ومرة من المرات جنت نايمة بفراشي باليل وفاتحة فيس اجتني رسالة من شخص اسمة فارس الاحلام
مرحبا
جنة..مرحبتين
شخبارج
جنة..بخير وانت
بخير شنو اسمج
جنة اسمي وانت
اني اسمي علي
عاشت الاسامي
شكرا علاوي
ناريمان..كومن اقرن يلة
جنة..اهو وفتحت الكتاب وضليت اقرة وراها تعشيت وصعدت لغرفتي وضليت اكلب بالفيس واجتني رسالة من نفس الولد مكتوب ضوجة
جنة..كلش ضوجة شجاي تسوي
علي..نايم وانتي
جنة..نايم وتحاجيني هههه بالحلم مثلا
علي..شيخلصنة من لسانج اقصد متمدد
جنة.. اي كولي هيج اف
علي..كم مرة حبيتي
جنة..هههه ما اعرف شي اسمة حب
علي..مممم معقولة؟؟
جنة..اكيد 😕😕
علي..شبيج ضجتي مكلت شي
جنة..اووكي وانت كم مرة حبيت
علي..مثلج ولا مرة
جنة..معقولة
علي..اي اكيد مو كل اصابعج سوة
جنة..لعد شعندك كاعد
علي..عادي
جنة..اني اروح انام وراية دراسة
علي..تصبحين ع خير
جنة..شكرا ونمت وقفلت التلفون
سارة..كعدي جنة راح نتأخر ع الدوام يلة كومي
جنة... اهو اي كعدت
ناريمان..بسرعة بدلن
جنة..كعدنة متأخرات وضليت اركض هههه
سارة..تعاي بابا يوصلنة
جنة..صعدت ووصلنة ودخلنة للمدرسة
نرجس..لك هلا بالحب
جنة..هلا بالروح
رشا..شنو هل انطلاقة بالفيس هههه
جنة..اي كلش حبيت هذا البرنامج
رشا..اي بس دير بالج
جنة..اي يلة راح تجي المدرسة خل ندخل
ودخلنة وضلينة درس ورة درس
نرجس..اكللجن شو هذا فادي مو مثل قبل صاير
جنة..شلون يعني؟؟
نرجس..ماعرف احسة ميحبني اف
جنة..ابتعدي عنة و شوفي ردة فعلة
نرجس..يمة غير اموت بدونة
رشا...هههه كلام جبير هذا
نرجس.. انجبي بلا زحمة
جنة..هههه كافي يلة هذا اخر درس
نرجس..المدرسة مموجودة امشن بالساحة
جنة..كعدنة هواي بنات وكل السوالف عن الحب والولد بنات ماعدجن غير موضوع
اميرة..شعدنة غيرهم هههه
جنة..😒😒
رشا..يلة كومن راح نطلع للبيت البسن الحجابات
جنة..اي يلة امشي
ورحت لبست حجابي وسويت ملابسي
رشا..اليوم اطلع وياج
جنة.. هلا بيج
سارة..يلة جنة امشي
جنة..وطلعنة وشفت فادي بالشارع عفتة ومشيت
رشا..ضربت نرجس بأيدها لج شوفي فادي هنا وتكول ميحبني
جنة..اي هو دائما هنا
رشا..وانتي شمدريج ؟؟
جنة..هااا قصدي اشوفة
رشا..هاا خوش يلة اني وصلت للبيت
سارة..اكلج امي مو متقبل تمشين وياهن
جنة..معليج وامشي يلة
سارة...اوي شعلية
جنة..رجعت للبيت تغديت ولزمت التلفون وشفت علي دازلي مسج
علي.. صباح الخير
جنة..مساء النور
علي.. بعد وكت
جنة..اسفة جنت بالدوام
علي..هااا انتي يا صف
جنة..رابع ادبي
علي..موفقة
شكرا
وضلينة نحجي كم يوم اني وعلي حسيت نفسي حبيتة وماكدر اذا يوم ما احاجي
علي..صباحو
جنة ..صباحو فل
علي..مشتاقلج
جنة ..واني هم
علي..صدك
جنة..اي والله
علي..اريد اسمع صوتج
جنة..ممم شلون
علي.. انطيني رقمج واني اخابرج
جنة..لا عيب مو هسة استحي
علي..جنة اريد اكلج شي
جنة..كول
علي..اني حبيتج من كل قلبي واريدج تصيرين حلالي شنو جوابج
جنة..ها شلون حبيتني وانت مشايفني
علي..حبيت روحج اذا اشوفج شلون
جنة.. بس اني ما ادز صور الك
علي..عادي شنو ردج
جنة..ما اكدر ارد عليك بهاي السرعة ما اكدر اعذرني
علي..على راحتج بس خلينة اصدقاء
جنة..اي اكيد طبعا كلش فرحت من كلي احبج بس رفضت اكلة اني هم احبك لان ماعرف شلون اتأكد منة واحس نفسي صغيرة وثاني يوم داومت
بنات اريد اسألجن سؤال
نرجس رشا..اسألي
يصير احب واحد واني مشايفتة
نرجس..اي عادي
رشا..اي اكيد اني حبيبي مشايفتة لحد ما اجة ونقل شغلة لهنا واموت عليه
جنة..هاا خوش وضليت طول الوكت افكر بي وبكلامة ياربي ساعدني
علي..مرحبا رجعتي من المدرسة
جنة.. اي رجعت
علي..هاا شلونج حبي
جنة.. حبي ؟؟
علي..اي اني احبج ومنتظر جوابج
جنة..اني هم احبك
علي..صدك تحبيني
جنة..اي والله احبك
علي..انطيني رقمج اريد اسمع صوتج
جنة..لا ميصير مو هسة
علي..ع راحتج يروحي
جنة..اوي فدوة ضليت احس بأحساس غريب وحلو بنفس الوقت
ناريمان..حسن اريد اروح لمدارس البنات
حسن ..اي نروح باجر اني وياج
جنة..اجو سألو علية اني واختي ودرجاتنة عالية
مرت الايام وحبي لعلي يزداد يوم بعد يوم وحسيتة صدك يحبني عمرة مطلب صورة من عندي ولا حتة مكالمة
ضلت علاقتنة هيج
وضلت ملاحقة فادي نفسها وضلت تتكرر هواي
رشا..امشي نروح نشتري
جنة.. اوكي بس الحانوت معزل
رشا..نطلع للحارس نكلة نشتري من ابو المحل المقابيلنة
جنة..ماشي ورحنة للحارس وقبل رشا نسيت فلوسي اطلعي قبلي
رشا..اوكي
جنة..رحت طبيت جبت فلوسي و طلعت وجاي امشي وجان اطخ فادي
فادي..فدوة للحلو ليش مستعجل
جنة..انت واحد صدك متستحي
فادي..اموت ع اليعصب
جنة.. يصير خير
رشا..شبيج جنة شبي وياج فادي
جنة..فادي وين ما اروح يلحكني وساكتة ع مود نرجس ما اريد اجرحها
رشا..شنو عرفتة هذا حقير الة اكول لنرجس ع سوالفة
جنة..لا فدوة لتكوليلها خطية خلي اني ممعبرتة
نرجس..ها شجاي تحجن
رشا..سلامتج حبي 💗
نرجس.. ها خوش
فادي..دزيت كلشي ل.... اتغدة بيها قبل لتتعشى بية اني الج جنة ....
